Êsêkiên 3:10 - Sơ̆p Hlabơar Nơ̆r 'Bok Kei-Dei

¹⁰ Sư khan dơ̆ng kơ inh: “Ơ kon bơngai, mơ̆ng bĕ mă nhen, iŏk bĕ lăm jơhngơ̆m dôm nơ̆r Inh pơma khan kơ ih.

Êsêkiên 3:10 ပူးပေါင်းရင်းမြစ်များ

Jop 22:22

Athei sơng iŏk bĕ nơ̆r đơ̆ng 'bơ̆r Kră Yang bơtho, păng athei wei răk nơ̆r Sư lăm jơhngơ̆m ih.

Horiso 119:11

Inh răk boih nơ̆r Ih lăm jơhngơ̆m inh Wă kơ inh huay kơ pơm yoch hăm Ih

Horiso 85:9

Tơpă tơdrong sư dŏng pơklaih oei jê̆ tơ lu đe bu mă hli yom kơ sư. Wă kơ tơdrong ư-ang đei oei lăm char bơ̆n.

Tơdrông Pơđơk 19:20

Mơ̆ng bĕ nơ̆r bơtho athei, wei iŏk bĕ nơ̆r đe tơ'bôh; Wă kơ ih gơh hơgei đei đon hlôh wao đơ̆ng âu tơ anăp.

Tơdrông Pơđơk 8:10

Iŏk bĕ nơ̆r Inh bơtho pơkă hloh kơ jên kăk. Răk bĕ tơdrong gơh hơgei 'nei hloh kơ maih se;

Êsêkiên 2:7

Ih athei khan nơ̆r Inh âu kơ lu sư, mă lu sư mơ̆ng dah ưh, yua kơ lu sư jing adrĕch adrung ayăt.

Êsêkiên 2:8

Mă-lei ih, ơ kon bơngai, mơ̆ng bĕ Inh khan kơ ih; 'nĕ kơ ayăt thoi lu adrĕch adrung noh, ha bĕ 'bơ̆r ih păng sa tơdrong kiơ mă Inh ăn kơ ih.”

Êsêkiên 3:11

Năm bĕ tơ lu bơngai mă đe puh boih lăm lu kon pơlei ih pơm bơnă, khan kơ lu sư 'nâu nơ̆r Kră Yang Tih Hloh khan, mă lu sư mơ̆ng dah ưh.”

Êsêkiên 3:9

Inh gô pơm kơ kơ̆l ih arăng thoi jơmŏng, arăng hloh kơ tơmo. 'Nĕ hli kơ lu sư păng 'nĕ tơrơ, yua kơ 'bơ̆t anăp măt lu sư yua kơ lu sư jing adrĕch adrung ayăt kơ Inh.”

Luka 8:15

Lu găr mă huŏng tơ teh 'lơ̆ng wă pơtih gia kơ lu bơngai kơtơ̆ng đe bơtho nơ̆r 'Bok Kei-Dei na kiơ̆ hloi kơjăp hăm pơm 'lơ̆ng tơpăt. Sư kư̆m adrin lui khŏm khŏm pơyua tơdrong jang 'Bok Kei-Dei tơpă.”

I Tes 2:13

Nhôn bơnê kơ 'Bok Kei-Dei yua kơ iĕm mơ̆ng nhôn bơtho tơdrong Sư na iĕm kơnăl kơ tơdrong 'Bok Kei-Dei tơpă, iĕm lui hloi. Iĕm ưh kơ đei tơchĕng khan nhôn bơtho tơdrong kon bơngai đĕch ôh. Nơ̆r 'Bok Kei-Dei boih ăn kơ bơngai bơ̆n lui kơ Sư, hăm ăn jơhngơ̆m bơ̆n pran kơtang jang kơ Sư.

I Tes 4:1

Ơ 'nhŏng oh, âu dơ̆ng: Hơtai ki nhôn bơtho iĕm khan bơ̆n athei kiơ̆ tôm tơdrong 'Bok Kei-Dei wă kơ Sư lăp đon. Mă-lei dang ei iĕm kư̆m kiơ̆ thoi noh boih. Bơ̆n 'nhŏng oh yua kơ bơ̆n lui kơ Kră Yang Yêsu, na nhôn bơtho khan kơ iĕm, wă kơ iĕm pơm kiơ̆ tôm tơdrong 'Bok Kei-Dei khŏm khŏm, na tơdrong lui bơ̆n rai đunh rai kơjăp.