Êsêkiên 29:3 - Sơ̆p Hlabơar Nơ̆r 'Bok Kei-Dei

³ Pơma khan kơ sư: Kră Yang khan thoi âu: “Ơ Pharaôn, pơtao Êyiptơ, âu Inh blah ih, ih jing sem brem tih kơnê̆ oei 'bĭch lăm đak glung. Ih khan: “Đak krong Nil noh gah Inh, đêl Inh kôch pơm sư.

Êsêkiên 29:3 ပူးပေါင်းရင်းမြစ်များ

Horiso 68:30

Hil bĕ kơ lu kon sem bri tơ lăm 'nhĕt pơtăng, Hil bĕ kơ lu rơmo tơno păng lu kon iĕ rơmo kon pơlei; Dĭng dôm lu bơngai hơtơ̆p kŭl-tăng pơyơ̆r hu. Ih puh tơweh lê̆ lu bơngai mă 'maih tơblah tơblŭng.

Horiso 76:7

Lăp minh 'nu Ih đĕch trŏ kơ hli yom; Layơ Ih hil bu kĕ dơ̆ng 'bơ̆t anăp Ih

Êsai 27:1

Lăm năr noh, Kră Yang gô yua đao gưm arăng, Tih păng pran kơtang wă phak: Lêwiathan jơ̆ 'bih hơbĕch hơbal, phak Lêwiathan jơ̆ 'bih đŏng đĕo păng Sư gô pơlôch kơ-nang-grai lăm đak dơsĭ.

Êsai 51:9

Ơ ti Kră Yang hơđơ̆r bĕ hơđơ̆r bĕ! Pơpôi jơhngơ̆m pran. Iung bĕ thoi sơ̆. Thoi jơhngơ̆m blŭng-a sơ̆! Hăm trŏ kơ Ih Tơ'ngla wă koh hơjăl Ahap, păng 'bet bơih kon sem brem tih noh dah kiơ?

Je 44:30

Kră Yang khan: “Inh gô jao Pharaôn Hôphra, pơtao đe Êyiptơ, lăm ti lu bơngai ayăt kơ sư păng lu bơngai chă wă pơlôch sư, thoi Inh đei jao boih Sêđekia, pơtao đe Juđa, lăm ti Nebukatnessar pơtao Babilôn, bơngai mă ayăt kơ sư păng wă pơlôch sư.”

Êsêkiên 28:2

“Ơ kon bơngai, khan bĕ kơ pơtao Tirơ: Kră Yang khan thoi âu; yua kơ jơhngơ̆m ih pơang, ih khan: “Inh jing yang hơ-oei kơpal tang-dŏ pơtao yang lăm tŏk-bŏk đak dơsĭ,” mă-lei ih kon bơngai đĕch, ưh kơ sĭ yang ôh mă khan ih tơchĕng khan ih hơgei thoi yang.

Êsêkiên 28:22

Khan bĕ kơ sư: Kră Yang khan thoi âu: Ơ pơlei Siđôn, âu, Inh blah ih; Inh wă kơ đei ư-ang lăm ih. Lu sư gô băt inh boih Kră Yang, kơplah inh sek tơlang phak ih wă tơ'bôh tơdrong rơgoh Inh.

Êsêkiên 30:12

Inh gô ăn kơ đak krong hrơ̆ păng tĕch ăn teh đak kơ lu bơngai kơnê̆. Inh gô yua ti lu kon tơmoi pơm kơ teh noh hăm lu tơmam lăm noh jing răm pă đei. Inh boih Kră Yang khan nơ̆r 'nâu.

Êsêkiên 30:22

Na Kră Yang khan thoi âu: Âu, Inh blah Pharaôn pơtao Êyiptơ gô gơ̆ lê̆ 'bar pah ti sư, đao đơ̆ng ti sư gô huŏng tơ teh.

Êsêkiên 32:2

“Ơ kon bơngai, athei nhơ̆m hmoi kơ Pharaôn pơtao Êyiptơ, khan bĕ kơ sư: ‘Ih nhen thoi dăm-brang lăm lu dêh char, ih kư̆m thoi sem brem kơnê̆ lăm đak dơsĭ, pơm kơ lu đak glung tơprah, ih wơ̆r đak hăm jơ̆ng, pơm kơ lu đak glung jing gơsŏk.

Da 4:27

Thoi noh! Ơ Pơtao, apinh ih mơ̆ng nơ̆r inh bơtho khan kơ ih; iŏk bĕ tơdrong tơpăt na huai iŏk đơ̆ng yoch, 'mêm bĕ kơ lu bơngai dơnuh hin wă huai iŏk đơ̆ng dôm tơdrong kơnê̆ ih pơm. Thoi noh tơdrong hiôk-hian ih gô oei đei đunh năr.

Am 6:13

Lu iĕm bơngai mă chơt hiôk đei blah iŏk pơlei Lôdêbar,a păng khan: Lu nhôn yua jơhngơ̆m pran kơdih na đei iŏk boih pơlei Kanaim;b

Na 1:6

Bơngai bu kĕ dơ̆ng 'bơ̆t anăp Sư hil? Bu kĕ chơ̆n jơhngơ̆m kơ tơdrong Sư hil mĭl? Tơdrong blĕk Sư tuh thoi pla ŭnh, lu tơmo tih pơchah yua kơ đơ̆ng Sư.

Both 8:17

Kơchăng bĕ, 'nĕ chă pơma lăm jơhngơ̆m khan: Noh yua kơ đơ̆ng tơdrong hơgei păng pran kơtang tơpang ti inh na mă gơh đei dôm mŭk tơmam mơdrŏng 'nâu.

Tơdrông Tơ'bôh 13:11

Klaih kơ noh inh 'bôh minh pôm sem nai dơ̆ng sư lĕch đơ̆ng teh. Sư đei 'bar pah ake, thoi ake triu. Nơ̆r sư pơma lei-lăi thoi yă-grai pơma.

Tơdrông Tơ'bôh 13:2

Sem ei lăng hơbŏ sư thoi kla djrang, jơ̆ng sư thoi jơ̆ng chơgơu. 'Bơ̆r sư thoi 'bơ̆r dăm-brang. Na yă-grai ei pơm ăn kơ sem noh jing pran kơtang păng ăn kơ sem noh oei tơ tang-dŏ sư, pơm 'bok pơgơ̆r jơ̆p-jang kơ teh đak.

Tơdrông Tơ'bôh 13:4

Na kon bơngai đei mơ'nah kơkuh kơ yă-grai ei, yua kơ yă-grai ei pơjao kơ sem ei gơh pơgơ̆r. Lu sư kư̆m kơkuh kơ sem ei mơ̆n. Lu sư khan: “Hăm đei bu tih atŏ kơ sem âu, hăm đei bu kĕ blah sư? Ưh kơ đei ôh.”

Tơdrông Tơ'bôh 16:13

Inh kư̆m 'bôh pêng 'nu yang kơnê̆ 'mê̆-'mach hơbŏ sư thoi kưt, sư lĕch đơ̆ng 'bơ̆r yă-grai, 'bơ̆r sem mă kơnê̆ păng 'bơ̆r sem mă gơh tơdrong hlĭch wă kơ kon bơngai lui kiơ̆ kơ sư.

Tơdrông Tơ'bôh 20:2

Sư rôp yă-grai 'bih so sơ̆, mă đe anăn yang sơmăt, dah yang Satan. Na sư chô̆ pơkơ̆ng lăm minh-rơbâu sơnăm,