Êsêkiên 28:9 - Sơ̆p Hlabơar Nơ̆r 'Bok Kei-Dei

⁹ 'Bơ̆t anăp lu bơngai pơlôch ih, ih hăm pơ̆n pơma; “Inh âu yang?” Tơpă ih bơngai đĕch, ưh kơ sĭ yang ôh, lăm ti lu bơngai pơlôch ih.

Êsêkiên 28:9 ပူးပေါင်းရင်းမြစ်များ

Horiso 82:7

Mă-lei lu iĕm gô lôch thoi kon bơngai hmă. Lu iĕm gô pơ̆k huŏng thoi lu yŏng pơgơ̆r.”

Êsai 31:3

Lu bơngai Êyiptơ jơ̆ kon bơngai hmă đĕch, ưh kơ trŏ kơ Kră Yang 'Bok Kei-Dei ôh, lu aseh sư jơ̆ sĕch akar đĕch, ưh kơ trŏ kơ yang ôh, mưh Kră Yang yơ̆r ti Sư wă pơm, bơngai tơgŭm đe gô kơtơih, bơngai mă đe tơgŭm gô pơ̆k, 'bar 'nu măr sư gô lôch hiong hơdai.

Êsêkiên 16:49

'Nâu tơdrong yoch oh drŏ-kăn ih Sôđôm: Sư păng lu kon drŏ-kăn sư pơang, sŏng sa phĭ jơnap, tơmam sa rơkah rơkai, mă-lei ưh kơ tơgŭm lu bơngai dơnuh hin pơmat-tat.

Êsêkiên 28:10

Ih gô lôch nhen thoi bơngai tam mă kăt tơdra akar. Lăm ti lu bơngai tơmoi, yua kơ Inh khan boih, Kră Yang khan.’”

Êsêkiên 28:2

“Ơ kon bơngai, khan bĕ kơ pơtao Tirơ: Kră Yang khan thoi âu; yua kơ jơhngơ̆m ih pơang, ih khan: “Inh jing yang hơ-oei kơpal tang-dŏ pơtao yang lăm tŏk-bŏk đak dơsĭ,” mă-lei ih kon bơngai đĕch, ưh kơ sĭ yang ôh mă khan ih tơchĕng khan ih hơgei thoi yang.

Êsêkiên 28:8

Lu sư gô tơlơ̆ ih lăm sơlŭng jrŭ păng ih gô lôch hăm tơdrong lôch krưp dêh lăm đak dơsĭ.

Jêphania 2:15

To, pơlei chơt hiôk dang ei oei rơnŭk hơnơ̆ng huay pă tơtăm păng khan lăm jơhngơ̆m: “Inh âu, ưh pă đei bu boih 'nguaih kơ inh!” Ô anih lu sư đĭ juơ boih, jing pơm anih 'bĭch kơ lu sem bri, pă băt dang yơ! Thoi noh mưh đei bơngai năm rok trong ei kơđôp ti hiĕk ăr.