Êsêkiên 28:4 - Sơ̆p Hlabơar Nơ̆r 'Bok Kei-Dei

⁴ Đơ̆ng tơdrong gơh hơgei hlôh wao, ih pơjing sa đei mŭk tơmam; ih kư̆m mong 'măn hu maih lăm hnam mong tơmam.

Êsêkiên 28:4 ပူးပေါင်းရင်းမြစ်များ

Tơdrông Pơđơk 18:11

Mŭk tơmam bơngai mơdrŏng, jing pơlei tih kơjăp kơdih akâu sư. Sư khan thoi dur kơjung kơjăp pĕng tăp kơ sư.

Bôk Bơthô 9:11

Inh 'bôh dơ̆ng đei tơ lăm ala teh 'nâu. Bơngai kơdâu hrĕnh kư̆m ưh kơ jei sư ling-lang lăm năr kơdâu pơjei, bơngai pran kư̆m ưh kơ kĕ tơblah jei ngăl, bơngai hơgei kư̆m ưh kơ đei tơmam sa phĭ mah ngăl, bơngai hlôh wao kư̆m ưh kơ mơdrŏng ngăl, bơngai đei 'bơ̆r đon kư̆m ưh kơ đei pŭn hiôk, yua kơ jơ lăp gô truh kơ đĭ-đăng rim bơngai lei-lăi.

Êsai 10:13

Yua kơ sư khan: “Inh đei pơm bơih tơdrong 'nâu đơ̆ng ti pran kơtang inh. Đơ̆ng tơdrong inh gơh hơgei hlôh wao. Inh đei rĭ tơplih bơih hơdral teh đak lu kon pơlei; Blah iŏk lu tơmam gĭt đơ̆ng anih lu sư mong. Thoi bơngai nuih kơtang, inh đei tơhuŏng bơih lu pơtao đơ̆ng tang-dŏ lu sư.

Je 49:4

Ơ kon pơlei ưh kơ tơpăt, liơ lu iĕm pơư kơdih anih thŭng, khan teh mơ̆r 'lơ̆ng? Gơnang kơ mŭk tơmam kơdih păng khan: ‘Bu pơ̆n pơm kơ inh?’ ”

Êsêkiên 27:33

Kơplah ih chơ tơmam rok đak dơsĭ sơ̆. Ih pơm kơ lơ kon pơlei hiôk jơnap. Kơ tơmam lơ mah rơkah rơkai, ih pơm ăn mơdrŏng kơ lu pơtao lăm teh đak.

Êsêkiên 29:3

Pơma khan kơ sư: Kră Yang khan thoi âu: “Ơ Pharaôn, pơtao Êyiptơ, âu Inh blah ih, ih jing sem brem tih kơnê̆ oei 'bĭch lăm đak glung. Ih khan: “Đak krong Nil noh gah Inh, đêl Inh kôch pơm sư.

Da 5:11

Tơ lăm dêh char đei minh 'nu bơngai, đei Yang Bơhngol 'Lơ̆ng oei, lăm chăl 'bă ih đe đei 'bôh tơ lăm sư đei tơdrong hơdah, đei tơdrong hơgei, đei đon hlôh wao, tơdrong gơh hơgei nhen thoi Yang. Thoi noh pơtao Nebukatnessar, 'bă ih, kơdih akâu 'bă ih đei pôk boih sư noh pơm yŏng jing kơ̆l kơ đĭ-đăng lu bơngai hơgei păng lu bơngai pơjâu, lu bơngai hơgei gơh tơwir lăm adrĕch Kalđê.

Habakuk 1:16

Yua kơ thoi noh, sư soi sơmah kơ hơnhuăl sư păng soh nhang pơgang 'bâu phu kơ jal sư, yua kơ đơ̆ng jal noh na lu sư đei phĭ bek 'lơ̆ng sŏng sa rơkah rơkai.