Êsêkiên 27:31 - Sơ̆p Hlabơar Nơ̆r 'Bok Kei-Dei

³¹ Lu sư gô hơkôih kơ̆l 'ngôch, hrŭk su 'bi sơ'ngon yua kơ ih, jĭ jơhngơ̆m ơh sơ'ngon nhơ̆m hmoi ơh ol.

Êsêkiên 27:31 ပူးပေါင်းရင်းမြစ်များ

Êsai 15:2

Lu bơngai Dibôn tŏk tơ groi; lu sư năm tŏk tơ anih kơjung kơkuh kơ yang wă hmoi; kon pơlei Môap nhơ̆m hmoi ơh yua kơ kông Nêbô păng pơlei Mêdêba, lu sư yuă sŏk 'ngôch ngăl, sŏk kang lu sư hơkôih đĭ.

Êsai 16:9

Na inh nhơ̆m ơh kư̆m thoi pơlei Jaser nhơ̆m ơh kơ 'long hơmu pơlei Sipma. Ơ pơlei Hesbôn păng plei Êlêaleh, inh gô ruh kơpal iĕm hăm đak măt, yua kơ bơyan iĕm phĕ plei đei nơ̆r jreo hiôk, păng bơyan yuă iĕm pă đei bơih.

Êsai 22:12

Lăm năr noh Kră Yang Tih Hloh krao lu iĕm athei nhơ̆m hmoi, ơh sơ'ngon, hơkôih sŏk, hrŭk ao 'bi.

Êsai 22:4

Thoi noh na inh khan: “Iĕm 'nĕ lăng tơ inh, lê̆ inh nhơ̆m ơh ol, 'nĕ chă pơlung inh yua kơ tơdrong pơrăm lu kon pơlei inh!

Êsai 3:24

Đak 'bâu ôm tơplih kơ đak pơgang 'bâu phu, tơlei kơnŭi pơm tơlei tơ̆n: Kơ̆l sŏk tơtuh tơplih kơ đei sŏk jing; bơnal 'bi pơ̆n akâu tơplih kơ ao tai brai se, tơdrong mơlâu tơplih tơdrong 'lơ̆ng.

Je 16:6

“Đĭ bơngai pơm tih păng bơngai hmă gô lôch lăm teh đak âu. Ưh kơ đei bu 'bŭ păng kư̆m ưh kơ đei bu nhơ̆m hmoi kơ lu sư. Ưh kơ đei bu raih akâu dah yuă sŏk yua kơ lu sư.

Je 47:5

Kon pơlei Gasa sơ'ngon gô hơkôih sŏk kơ̆l; kon pơlei Askalon ngăn đĭ, Ơ lu kon pơlei Anakim mă oei oei lăm tơmăn dơnă, lu iĕm wă raih chrek akâu iĕm dĭng dang yơ?

Je 48:37

Rim 'nu hơkôih boih kơ̆l 'ngôch, hơkôih boih sŏk kang, raih chrek ti rơka, tơ̆n ao 'bi tơ kơiĕng.

Êsêkiên 29:18

“Ơ kon bơngai, Nebukatnessar pơtao đe Babilôn, pơm ăn kơ lu linh sư jang gleh anat wă blah pơlei Tirơ; kơ̆l lu sư jing 'ngôch, hơngiĕng lu sư luih pơtao noh hăm lu linh sư mă khan blah pơlei Tirơ, hrat pơmat thoi noh ră kư̆m kơbĭ đei kiơ.

Êsêkiên 7:18

Lu sư gô hrŭk ao 'bi păng đei tơdrong hli krưp gom lu sư thoi ao. Rim kơ muh măt lu sư hơ'nhŭk oei mơlâu. Lu sư hơkôih kơ̆l 'ngôch đĭ yua kơ sơ'ngon.

Jôel 1:13

Ơ lu 'bok soi, hrŭk bĕ ao 'bi na nhơ̆m hmoi. Ơ lu bơngai mă bơ̆jang 'bơ̆t chơnang soi, nhơ̆m hmoi bĕ. Ơ lu bơngai mă jang kơ Kră Yang 'Bok Kei-Dei, hrŭk hơbĕn ao 'bi hiah na tep om prăt măng, yua kơ tơmam soi phe 'ba, păng tơmam soi huch pă đei bơih lăm hnam Kră Yang 'Bok Kei-Dei lu iĕm!

Lêwi 21:5

Lu 'bok soi ưh kơ gơh hơkôih sŏk kơ̆l pơm kơ sư jing kơ̆l 'ngôch, 'nĕ kơ hơkôih sŏk kang sư kơdih kư̆m 'nĕ kơ 'bet akâu sư kơdih mơ̆n.

Am 8:10

Inh gô ăn kơ năr chơt hiôk iĕm jing năr ơh sơ'ngon păng đĭ-đăng lu tơdrong hơri iĕm jing nhơ̆m hmoi. Inh gô chô̆ ăn 'bi nai tơ rim kơiĕng păng pơm ăn kơ rim kơ̆l jing kơ̆l hoh. Inh gô ăn tơdrong ơh sơ'ngon, thoi hiong minh 'nu kon pôm drŏ-nglo păng năr tôch sư thoi năr ơh sơ'ngon dêh.

Jôna 3:6

Tơdrong noh kơtơ̆ng truh tơ pơtao oei lăm pơlei tih Niniwe, sư iung weh đơ̆ng anih pơtao sư, plôh lê̆ ao pơtao sư, na hrŭk ao 'bi hơ-oei lăm 'mui tơnuh.

Mi 1:16

Inh athei hơkôih lê̆ sŏk ih yuă jing 'ngôch kơ kon sâu mă ih kơeng; hơkôih bĕ kơ̆l 'ngôch thoi sem grơ̆, yua kơ lu kon hơ'lơ̆p gô tơklah đơ̆ng ih lu sư gô pơm bơnă.

Mi 1:8

Thoi noh Inh gô nhơ̆m hmoi păng ôr tơngưih, plôh ao năm jơ̆ng hoh. Inh gô ôr krao thoi kŏ bri păng ôr tơngưih pơmat-tat thoi sem bơrơ̆m.

Both 14:1

Lu iĕm jing kon Kră Yang 'Bok Kei-Dei lu iĕm, dah đei bơngai lôch 'nĕ kơ 'bet akâu kơdih, dah hơkôih sŏk klĕng;