Êsêkiên 27:17 - Sơ̆p Hlabơar Nơ̆r 'Bok Kei-Dei

¹⁷ Char Juđa păng teh đak Isơrael mơdro sa hăm ih; lu sư tĕch 'ba mi, 'ba tơ'bâu, 'bĕng 'ngam, đak sut, đak rơmă ôliwơ păng pơgang 'bâu phu wă tơplih iŏk tơmam ih

Êsêkiên 27:17 ပူးပေါင်းရင်းမြစ်များ

Bl 43:11

Đơ̆ng noh Isơrael, 'bă lu sư khan: Tơdah đei tơdrong thoi noh, lei lu iĕm athei pơm thoi âu: Athei pơih iŏk tơmam gĭt kăp đơ̆ng lăm kơdŭng iĕm mă chĕp ba đơ̆ng dêh bơ̆n âu: Pơgang 'bâu phu, đak sut, chai 'long, 'long 'bâu phu, plei 'long gĭt na pơyơ̆r ăn kơ sư pơm tơmam bơnê.

I Pot 5:9

Lu đĭch đam inh gô dui hor 'long noh đơ̆ng char Liban ba tơ đak dơsĭ, na chô̆ pơm thoi thŏng-nan chơ ăn kơ ih truh tơ anih mă ih tơhlâu ăn kơ inh. Inh gô yuih lê̆ tơ noh ih gô iŏk đơ̆ng noh. Ih athei bơngơ̆t kiơ̆ thoi inh wă ăn kơ đĭ ŭnh hnam nhôn tơmam sa.”

II Ho 2:10

Inh gô ăn lu bơngai jang, kăl 'long đơ̆ng ih, 'bar-jĭt rơbâu kôr (dang 'bar-hrĕng puăn-jĭt kĭ) 'ba tơ'bâu, 'bar-jĭt rơbâu kôr 'ba mi, 'bar-jĭt rơbâu lit sik hơmu păng 'bar-jĭt rơbâu lit đak rơmă ôliwơ.”

Esơra 3:7

Lu sư asong ăn jên kơ lu bơngai gơh blah tơmo man păng lu bơngai gơh jang 'long păng ăn lu tơmam sa, đak nhă păng đak rơmă ăn kơ kon pơlei Siđôn păng kon pơlei Tirơ wă wơh lu sư chă 'long hơngo đơ̆ng Liban dui trong đak dơsĭ truh tơ Jôpa, đơ̆ng chơ truh tơ pơlei Jêrusalem kiơ̆ kơ Sirus pơtao đe Phersia đei tơjur athei.

Je 8:22

Lăm dêh Gileat hăm pă đei 'long pơgang pơklaih rơka ưh? Hăm pă đei 'bok pơgang tơ noh? Liơ mă rơka lu kon pơlei inh ưh kơ klaih?

Jang 12:20

Pơtao Hêrôt đơ̆ng sơ̆ boih sư oei ơh kơ lu bơngai Pơlei Tirơ păng lu Pơlei Siđôn. Na lu bơngai ei năm tơ sư. Lu sư pơlung Blastơ tơgŭm lu sư na sư khan wă tơgŭm mơ̆n. Sư bơngai wei-lăng hnam pơtao Hêrôt. Lu sư wă kơ Hêrôt hiôk păng sư yua kơ lu sư wă năm răt tơmam sa ling-lang đơ̆ng dêh pơtao Hêrôt pơgơ̆r, yua kơ tơmam sa lăm pơlei sư ưh kơ gan mah.

Both 32:14

Đơ̆ng khŭl rơmo păng triu bơbe lu sư đei đak toh păng đak toh iŭ. Sa 'nhĕm sĕch rơmă đơ̆ng triu kon păng triu tơno. Rơmo triu tơno, bơbe tơno đơ̆ng char Basan lu iĕm sŏng 'ba 'mi mă 'lơ̆ng hloh; Huch sik đak hơmu đơ̆ng tơm 'brê thoi pham.

Both 8:8

Dêh noh đei 'ba mi, 'ba tơ'bâu, plei hơmu, 'long hơra, plei gărnăt, đak rơmă plei 'long ôliwơ păng đak sut;

Lu 11:33

Đơ̆ng noh Jeptha blah iŏk 'bar-jĭt tŏ pơlei, đơ̆ng pơlei Arôe truh tơ wă jê̆ pơlei Minit păng truh hloi tơ pơlei Abel Kêramim. Lăm tơdrong tơblah 'nâu lu kon pơlei Ammôn thuơ tih tơpă. Thoi noh kon pơlei pơla Ammôn chu mơ̆t kiơ̆ tơm tơdrong lu bơngai Isơrael.