Êsêkiên 26:17 - Sơ̆p Hlabơar Nơ̆r 'Bok Kei-Dei

¹⁷ Lu sư nhơ̆m hmoi kơ ih păng khan kơ ih: Ơ pơlei mă đei ư-ang liơ ih răm đĭ, pơlei lu bơngai mă oei tơ đak dơsĭ, ih păng lu kon pơlei ih oei kơjăp mơdrŏng lăm đak dơsĭ. Ih păng đĭ-đăng bơngai tơ noh pơm kơ đe hli.

Êsêkiên 26:17 ပူးပေါင်းရင်းမြစ်များ

II Sam 1:19

Ơ bơngai mă iĕm ư-ang, ơ Isơrael Đĭ lôch hiong lăm kông kŏ! Ôi lu bơngai nuih kơtang 'nâu lôch boih.

Êsai 14:12

Ơ sơnglŏng wŏng-tar, kon drŏ-nglo pơgê hrôih, lơliơ mă ih đơ̆ng kơpal plĕnh ti huŏng tơ ala teh âu! Ơ lu bơngai chă pơrăm lu teh đak, liơ mă đe tơhuŏng lê̆ ih tơ ala teh âu!

Êsai 23:4

Ơ Siđôn mơlâu bĕ! Yua kơ đak dơsĭ khan bơih anih kơjăp mă lu iĕm gơnang lăm đak dơsĭ đei pơma bơih: “Inh tam đei anăp kư̆m tam đei layơ tơpŭ; kư̆m tam đei rong kon tơdăm dah kon adruh.”

Êsai 23:8

Na bu pơkă tơdrong âu wă pơm kơ pơlei Tir, jơ̆ pơlei asong ăn bơih lu tơmam thoi môk pơtao, lu bơngai mơdro mơchan sư noh lu bơngai yŏng mơng thoi kon pơtao, lu tơ'ngla tĕch mơdro jơ̆ lu bơngai đe pơyom lăm teh đak.

Je 48:39

“To, Môap pơchah pơchek boih! Lu sư nhơ̆m hmoi ơh ol! Môap tơwih rŏng mơlâu dêh tơpă boih! Lei na char Môap pơm kơ đe hiĕk ăr, pơm kơ đĭ lu dêh char tăp dăr kơ sư lăng 'brơ̆ krưp dêh.”

Je 50:23

Ô lăng deh, đe teh tơgơ̆ pơchah boih Babilôn sư thoi mut teh pơrăm jơ̆p kơ teh đak! Babilôn jing juơ rơ̆m rĕk lăm teh đak, lăng krưp.

Je 6:26

Ơ kon drŏ-kăn pơlei Inh, tơ̆n bĕ 'bi tơ kơiĕng, tơglăng akâu tơ lăm tơnuh. Nhơ̆m hmoi bĕ, thoi đe sơ'ngon kơ kon dăm lôch, nhơ̆m hmoi ơh sơ'ngon bĕ, yua kơ lu bơngai wă pơrăm blư bla truh blah lu bơ̆n.”

Je 7:29

Hơkôih bĕ sŏk kơ̆l lu iĕm păng klơ̆m lê̆ mă ataih; ôr nhơ̆m hmoi bĕ tơ kơpal groi, yua kơ Kră Yang sơngah hŭt lê̆ boih adrĕch adrung mă Sư hil mĭl 'nâu.’ ”

Je 9:20

Ơ lu drŏ-kăn mơ̆ng bĕ nơ̆r Kră Yang; Pơih đon lu iĕm mơ̆ng iŏk bĕ nơ̆r đơ̆ng 'bơ̆r Sư pơma. Bơtho pơhrăm bĕ kơ lu kon drŏ-kăn iĕm tơdrong nhơ̆m hmoi, bơtho băl hmoi jô̆.

Nhom 1:1

Ơu, pơlei tih âu sơ̆ đei lơ kon pơlei dêh, to dang ei ngôi hơdrô̆! Sơ̆ pơm tih kơ lu kon pơlei, 'nâu dang ei thoi yă adro! Sơ̆ lu drŏ-kăn jing yŏng tơ'ngla kơ lu tơring, dang ei jing đĭch đam!

Êsêkiên 19:1

Gah ih nhơ̆m hmoi bĕ kơ lu yŏng pơgơ̆r Isơrael

Êsêkiên 19:14

Ŭnh lĕch đơ̆ng tơ'bla sư sa đĭ plei noh, thoi noh na ưh pă đei dơng 'lơ̆ng ayơ oei đei, wă yua pơm 'long jra pơtao. Noh tơdrong nhơ̆m hmoi, jing nơ̆r hơri nhơ̆m hmoi.’

Êsêkiên 32:16

Âu boih tơdrong nhơ̆m hmoi; lu sư gô hơri pôk. Lu kon drŏ-kăn lăm jơ̆p kơ dêh char gô hơri 'bai nhơ̆m hmoi noh, lu sư gô hơri 'bai hơri nhơ̆m hmoi kơ char Êyiptơ. Păng ăn kơ đĭ-đăng kon pơlei lu sư, Kră Yang khan thoi noh.”

Êsêkiên 32:2

“Ơ kon bơngai, athei nhơ̆m hmoi kơ Pharaôn pơtao Êyiptơ, khan bĕ kơ sư: ‘Ih nhen thoi dăm-brang lăm lu dêh char, ih kư̆m thoi sem brem kơnê̆ lăm đak dơsĭ, pơm kơ lu đak glung tơprah, ih wơ̆r đak hăm jơ̆ng, pơm kơ lu đak glung jing gơsŏk.

Êsêkiên 32:23

Bơsat lu sư lê̆ tơ lăm sơlŭng jrŭ, lu kon pơlei oei jum dăr kơ bơsat noh, đĭ-đăng lu sư noh đe pơlôch hăm đao; lu bơngai noh boih bơngai mă pơm kơ teh đak lu bơngai arih hli.

Êsêkiên 32:27

Lu sư ưh kơ 'bĭch hơdai ôh hă hăm lu bơngai linh nuih kơtang sơ̆ mă pơ̆k lôch hơdai hăm bơngai ưh kơ đei kăt tơdra akar, lu bơngai mă jur tơ lăm sơlŭng jrŭ hơdai hăm lu tơmam tơblah păng đao tơ ala kơ̆l sư? Mă-lei tơdrong yoch lu sư gô dan tơ kơpal kơting lu sư. Lu linh nuih kơtang âu đei pơm kơ dêh char lu bơngai arih hli tơrơ

Jôel 1:18

To, lu kon sem dơrong đĭ ôr hơrum dêh! To khŭl rơmo đĭ hơwơ̆l hơwang, yua kơ sư pă đei 'nhĕt sa boih! Lu khŭl triu kư̆m pơmat-tat.

Ob 1:5

Ô! Tơdrong răm tih gô truh kơ ih. Tơdah lu bơngai truh tơtông, tơgar đơ̆ng kơmăng, hăm trŏ lu sư tơtông iŏk lăp kơ mah đĕch? Tơdah lu bơngai phĕ plei hơmu năm truh tơ ih, hăm trŏ lu sư wơ̆l minh 'bar hơie?

Mi 2:4

Lăm năr noh kơnh, đe gô hơri minh tơdrong pơjăm pơjuă iĕm, đe gô nhơ̆m hmoi ơh sơ'ngon dêh păng khan: Lu bơ̆n âu đe pơlôch pơrăm đĭ boih! Sư iŏk lê̆ teh inh jang sa. Lu sư iŏk đơ̆ng inh, iŏk teh chŭn mir bơ̆n klaih asong ăn kơ bơngai ayăt.

Jêphania 2:15

To, pơlei chơt hiôk dang ei oei rơnŭk hơnơ̆ng huay pă tơtăm păng khan lăm jơhngơ̆m: “Inh âu, ưh pă đei bu boih 'nguaih kơ inh!” Ô anih lu sư đĭ juơ boih, jing pơm anih 'bĭch kơ lu sem bri, pă băt dang yơ! Thoi noh mưh đei bơngai năm rok trong ei kơđôp ti hiĕk ăr.

Jôsuê 19:29

Tơ noh hơdral dăr tơklă gah pơlei Rama; truh tơ pơlei tih Tir, pơlei tih kơjăp, na hơdral dăr tơklă pơlei Hôsa, tôch tơ đak dơsĭ jê̆ pơlei Aksip.