Êsêkiên 26:16 - Sơ̆p Hlabơar Nơ̆r 'Bok Kei-Dei

¹⁶ Đĭ-đăng lu yŏng lăm dêh char jê̆ đak dơsĭ, gô jur đơ̆ng tang-dŏ lu sư. Plôh ao tai păng hơleh hŭt lu ao reng. Lu sư pŭ iŏk tơdrong hli tơrơ păng oei tơ ala teh tơtơ̆. Lu sư gô hli yua kơ tơdrong truh tơ ih.

Êsêkiên 26:16 ပူးပေါင်းရင်းမြစ်များ

Jop 8:22

Lu bơngai areh kơ ih gô kơdơ̆ mơlâu. Bơsŭn lu bơngai pơm kơnê̆ gô răm đĭ.”

Horiso 109:18

Sư pơhrŭk boih kơ sư kơdih hăm tơdrong blei hiap thoi hơbĕn ao sư tơdrong hiap pơtê̆ mơ̆t tơ lăm akâu sư thoi đak, mơ̆t lăm kơting sư thoi rơmă.

Horiso 109:29

Lu ayăt kơ inh gô hrŭk iŏk tơdrong mơlâu. Tơdrong mơlâu gô gom lu sư thoi ao tai,

Horiso 132:18

Inh gô pơhrŭk ăn tơdrong mơlâu kơ lu bơngai ayăt kơ sư. Gah môk pơtao tơ kơpal kơ̆l Sư gô rang hơdah.”

Horiso 35:26

Rŏ kơ bơngai bu chơt hiôk kơ tơdrong pơmat inh hơdai mơlâu păng hlơ̆l đĭ-đăng. Rŏ kơ Lu bơngai mă pơang kơ inh, lê̆ lu sư mơlâu păng hlơ̆l pă kĕ.

Le 15:15

Lu kră pơgơ̆r Eđôm hli tơrơ rŭng răng dêh. Dôm lu kră pơgơ̆r char Môap dai hli tơtơ̆; Đĭ-đăng kon pơlei lăm char Kanaan jơhngơ̆m rŭng răng đĭ.

Êsai 3:26

Lu 'măng jang pơlei gô nhơ̆m hmoi, ơh sơ'ngon; thoi bơngai hơ-oei kơpal teh răm rai.

Êsai 41:5

Lu bŏl đak dơsĭ 'bôh păng hli tơrơ, tôch kơ teh đak tơtơ̆ đĭ. Lu sư năm păng năm jê̆.

Êsai 47:1

Ơ kon adruh hơlai Babilôn, jur hơ-oei tơ 'mui teh bĕ! Ơ kon adruh bơngai Kalđê, jur hơ-oei tơ teh bĕ iĕm ưh kơ đei tang-dŏ pơtao bơih! Đơ̆ng dang ei đe ưh pă krao lu iĕm bơngai 'lơ̆ng hơbŏ rŏ liĕm dơ̆ng bơih.

Êsai 52:2

Ơ pơlei Jêrusalem, iung tơtuh 'bruih 'brăm đơ̆ng ih bĕ, păng iung pơgơ̆r; ơ kon adruh Siôn, bơngai bơnă, plôh yaih bĕ tơlei đe chô̆ đơ̆ng hơko iĕm.

Je 48:39

“To, Môap pơchah pơchek boih! Lu sư nhơ̆m hmoi ơh ol! Môap tơwih rŏng mơlâu dêh tơpă boih! Lei na char Môap pơm kơ đe hiĕk ăr, pơm kơ đĭ lu dêh char tăp dăr kơ sư lăng 'brơ̆ krưp dêh.”

Nhom 2:10

Lu Kră lu kon adruh Siôn tơoei tơ teh ưh pă đei pơma kiơ. Lu sư pung tơnuh tơ kơ̆l, hrŭk 'bi nai pơm hơbĕn ao; Lu kon adruh Isơrael kŭp kơ̆l truh tơ teh.

Êsêkiên 16:10

Inh pơhrŭk ăn kơ ih ao dônh, tơ'bot ăn kơ ih chơkhŏ chuă păng akar, tơ̆n ăn kơ ih ao che 'bui, tơsu ăn kơ ih ao che tơpu hơdrông.

Êsêkiên 26:21

Inh gô chông ih tơ anih đei tơdrong pơmat-tat, hli krưp. Ih gô ưh pă đei dơ̆ng; mă đe chă ih, pă 'bôh ih dơ̆ng. Kră Yang khan thoi noh.

Êsêkiên 28:17

Jơhngơ̆m ih pơang yua kơ ih 'lơ̆ng. Tơdrong ư-ang ih pơm kơ ih hiong răm tơdrong gơh hơgei. Inh klơ̆m hŭt ih tơ teh 'bơ̆t anăp lu pơtao, Inh jao ih wă ăn kơ lu sư lăng.

Êsêkiên 31:15

Kră Yang khan thoi âu: Lăm năr mă sư huŏng lăm anih bơngai lôch, Inh ăn kơ lu bơngai nhơ̆m hmoi, Inh klơ̆p lê̆ sơlŭng jrŭ, găn lê̆ lu glung găn lê̆ lu đak ro jăng. Inh ăn kơ kông Liban sơ'ngon yua kơ sư păng đĭ-đăng lu 'long tơ bri jô kro yua kơ sư.

Êsêkiên 32:10

Inh gô ăn kơ kon pơlei lăng ih, chrêu kơ đon păng pơtao lu sư gô hli tơtơ̆ yua kơ ih; kơplah Inh yơ̆r đao 'bơ̆t anăp lu sư. Lăm năr mă ih pơchah răm lu sư hli tơtey, rim jơ rim 'nu tơtăm kơ tơdrong arih lu sư kơdih.”

Êsêkiên 7:27

Pơtao gô nhơ̆m hmoi. Lu kon pơtao gô pŭ iŏk tơdrong răm, pă hơmĕng tơpang ti lu kon pơlei pơla gô hli tơtey. Inh gô pơm kơ lu sư kiơ̆ kơ trong lu sư, oei arih sa thoi yơ Inh gô sek tơlang thoi noh. Lu sư gô băt Inh boih Kră Yang.”

Êsêkiên 7:8

Âu Inh wă tuh tơdrong Inh hil tơ ih păng wă pơhrăp tơdrong Inh hil blĕk kơ ih, Inh gô sek tơlang phak ih kiơ̆ kơ trong ih yak păng gô pơm tơwih kơ ih kiơ̆ kơ dôm tơdrong kơnê̆ krưp mă ih đei pơm.

Da 5:6

Na muh măt pơtao păng đon tơchĕng sư tơplih pơm kơ sư hơwơ̆l hơwang; lu kơting rŏng sư pă tơklep păng 'bar pah kŭl-tăng sư pơpơ̆ hơtŭt băl.

Hôsia 11:10

Sư gô grĕnh thoi dăm-brang, na lu bơngai Isơrael gô kiơ̆ rŏng Kră Yang, mưh Sư arum, na kon sâu Sư đơ̆ng gah bơmơ̆t gô truh hli tơtơ̆.

Jôna 3:6

Tơdrong noh kơtơ̆ng truh tơ pơtao oei lăm pơlei tih Niniwe, sư iung weh đơ̆ng anih pơtao sư, plôh lê̆ ao pơtao sư, na hrŭk ao 'bi hơ-oei lăm 'mui tơnuh.

Hagai 2:22

Inh gô blơ̆ lê̆ tang-dŏ pơtao lu dêh char, Inh pơrăm lê̆ tơdrong noh pơgơ̆r lu sư; Inh gô teh tơblơ̆ lê̆ gre păng lu bơngai hao lăm gre noh lu sư gô pơ̆k răm đơ̆ng đao sư kơdih.’ ”

I Pet 5:5

Lu đe adruh tơdăm oei hơmuh hơmŏng, iĕm kư̆m lei-lăi athei chu yom kơ lu đe kră; păng đĭ-đăng kơ iĕm hăm lu đe kră athei iŏk jơhngơ̆m đon dim wă kơ chu yom dih băl; yua kơ 'Bok Kei-Dei ưh kơ wă ôh kơ lu bơngai pơang akâu, Sư tơgŭm lu bơngai dim, lu bơngai băt kơ chu yom kơ đe.

Tơdrông Tơ'bôh 18:9

Na lu 'bok pơtao jơ̆p kơ teh đak mă juăt kơ ngôi kư̆ kă hăm sư, kư̆m hơdai hưch kơ mŭk tơmam thoi sư mơ̆n, na lăp lu sư 'bôh 'nhui ŭnh sa pơlei ei, lu sư nhơ̆m hmoi.