Êsêkiên 24:6 - Sơ̆p Hlabơar Nơ̆r 'Bok Kei-Dei

⁶ Na Kră Yang khan thoi âu: Răm-'băm kơ lu pơlei đei tuh pham, pơlei noh thoi gŏ đĭ gơsang sa, gơsang ôp pă tơkloh boih! Athei iŏk minh hlak minh hlak ưh pă ngĕ kơ rơih iŏk kiơ dơ̆ng.

Êsêkiên 24:6 ပူးပေါင်းရင်းမြစ်များ

II Sam 8:2

Sư kư̆m blah bơngai Môap jei sư, rôp athei lu sư 'bĭch sap tơ teh na iŏk tơlei pơtŏ, mưh 'bar jăl tơlei pơlôch, minh jăl tơlei ăn arih, thoi noh bơngai Môap athei chu jang păng ăn thuê̆ kơ Đawit.

II Pot 21:16

Hloh kơ noh dơ̆ng, Manase kư̆m pơlôch lơ bơngai ưh kơ đei yoch dĭng mah pham 'bĕnh-'bang kơ pơlei Jêrusalem, đơ̆ng pah âu truh tơ pah to, 'nguaih kơ tơdrong pơm kơ lu bơngai Juđa pơm yoch păng pơm kơnê̆ 'bơ̆t anăp Kră Yang hai dơ̆ng.

II Pot 24:3

Tơdrong răm 'nâu truh hloi kơ lu bơngai Juđa yua kơ đơ̆ng nơ̆r Kră Yang tơtă wă tơhiong lê̆ lu sư đơ̆ng anăp Kră Yang, yua kơ đêl tơdrong yoch Manase, kiơ̆ thoi tơdrong sư đei pơm,

II Pot 24:4

Păng yua kơ sư pơlôch pham lĕch đơ̆ng lu bơngai ưh kơ đei yoch; yua kơ sư hlôi pơm kơ Pơlei Jêrusalem 'bĕnh kơ pham lu bơngai ưh kơ đei yoch, lei na Kră Yang ưh kơ mơnat kơ sư ôh.

Je 2:22

Mă iĕm yua 'bŏng 'bâu phu dah yua đak 'long Sôđa hum 'nhao akâu iĕm ră, mă-lei tơdrong mơgrĭ yoch iĕm oei klep đom 'bơ̆t anăp Inh,” Kră Yang Tih Hloh khan.

Je 6:29

Hơtuh tơthu rai dêh, ŭnh pơm kơ bơlơ̆k lek, lu bơngai 'buh dơ̆ng wă kơ rơgoh ưh kơ yua ôh; lu bơngai kơnê̆ oei tam mă tuh hŭt.

Êsêkiên 11:11

Pơlei âu ưh kơ sĭ kơ gŏ lu iĕm; lu iĕm kư̆m ưh kơ sĭ 'nhĕm lăm noh; Inh gô sek tơlang lu iĕm 'bơ̆t hơdral char Isơrael.

Êsêkiên 11:3

Lu sư khan: ‘Dang ei trŏ kơ man hnam. Pơlei âu jing gŏ 'bŭng, lu bơ̆n jing thoi 'nhĕm sĕch.’

Êsêkiên 22:12

Lăm ih đei bơngai iŏk sa pơgâm wă pơm tơdrong đei tuh pham, ăn đe tŏk iŏk đei iŏk lơi adrol păng iŏk jên kon lơ dêh; ih pơjuă sa lu bơngai jê̆ ih păng ih hiơt kơ Inh, Kră Yang khan thoi noh.

Êsêkiên 22:2

“Ơ kon bơngai, hăm trŏ ih wă sek tơlang, sek tơlang pơlei pơlôch tuh pham noh ưh? Athei ăn kơ lu sư băt tôm yoch kơnê̆ krưp sư.

Êsêkiên 22:27

Lu yŏng pơgơ̆r oei lăm lu sư nhen thoi kŏ-so kăp sa sem bri, pơm tuh pham pơlôch bơngai, wă tơgar iŏk tơmam.

Êsêkiên 22:3

Khan bĕ kơ sư: Kră Yang khan thoi âu: Minh pôm pơlei pơm tuh pham lăm sư, Pơlei pơm lu rup yang pơ'mê̆ kơdih akâu; năr tôch sư truh bơih.

Êsêkiên 24:3

Pơma bĕ nơ̆r pơtih gia kơ lu adrĕch arăng kơ̆l noh; Kră Yang khan thoi âu: Hơtŏk bĕ gŏ păng tuh đak.

Êsêkiên 24:9

Na Kră Yang khan: “Răm-'băm kơ pơlei đei tuh pham! Inh gô akŭm 'long ŭnh lơ hloh.

Jôel 3:3

hlang lăng tĕch kon pơlei pơla Inh, tơplih kon drŏ-nglo iŏk drŏ-kăn đi păng tĕch kon drŏ-kăn răt tơdrô wă et suai.

Ob 1:11

Lăm năr đe tơmoi tơgar iŏk mŭk tơmam sư, lu kon pơlei tơmoi mơ̆t lăm 'măng jang pơlei sư păng wă hlang lăng iŏk teh pơlei Jêrusalem, na lăm năr noh ih dơ̆ng pah to, ih kư̆m thoi minh 'nu bơngai lăm lu sư,

Jôna 1:7

Đơ̆ng rŏng kơ noh, lu sư pơma tơduă lu sư khan: Lu bơ̆n athei hlang lăng wă kơ băt tơdrong truh kơ bơ̆n âu, yua kơ đơ̆ng bu. Na lu sư hlang lăng trŏ kơ Jôna.

Mi 7:2

Bơngai hli yom kơ 'Bok Kei-Dei hiong boih đơ̆ng lăm teh đak âu; ưh pă đei bơngai tơpăt lăm kon bơngai. Đĭ-đăng lu sư nŏng kơ 'maih chă pham lĕch sĕch huŏng; rim 'nu iŏk hơnhuăl dăng lua 'nhŏng oh kơdih.

Na 3:1

Răm-'băm tơpă kơ pơlei mă ngăl pơlôch đe! Sư 'bĕnh-'bang kơ tơdrong hơlĕnh hơleo păng blah tơgar iŏk, tơtông ưh pă pơdơh.

Na 3:10

Mă-lei ră sư noh đe chông tơlĕch đơ̆ng dêh char sư, đe rôp pơm bơnă; lu kon sâu sư đe teh pơhĕch tơ rok mum trong tơklah pêng lăm pơlei tih. Đe hlang lăng lu bơngai mă sư gĭt pơyom klah asong băl wă pơm đĭch lu kuan tih sư đe chô̆ păng glang.

Mathiơ 23:35

Lu bơngai 'lơ̆ng lôch yua kơ lu bơngai thoi iĕm âu lơ boih tơpă, đơ̆ng Kain pơlôch Abel blŭng-a sơ̆ truh tơ iĕm pơlôch Sachari kon 'bok Barachi tơ hnam 'Bok Kei-Dei tơm.

Both 23:13

Rim 'nu athei đei minh pơm 'long hăm tơmam hơmăt akâu tơdah wă năm tơ 'nguaih chă bơyơ̆ng athei iŏk 'long 'nâu na sir đang kơ chă bơyơ̆ng, athei 'bŭ lê̆.

Jôsuê 10:22

Jôsuê khan kơ lu sư: Pơih bĕ 'măng tơmo noh chông ba pơđăm 'nu pơtao noh năm tơ inh.

Tơdrông Tơ'bôh 17:6

Păng inh 'bôh sư suai kơ pham lu bơngai lui, lu bơngai năm ră roi tơdrong Kră Yang Yêsu. Inh 'bôh bơngai drŏ-kăn noh inh sơleng kơ đon, ưh kơ hlôh tơdrong kiơ.

Tơdrông Tơ'bôh 18:24

“'Bok Kei-Dei phak pơlei noh yua kơ đei pham lu bơngai pơtruh nơ̆r Sư, pham lu kon Sư păng pham dôm lu bơngai mă đe pơlôch jơ̆p kơ teh đak ro lăm pơlei noh.”