Êsêkiên 23:7 - Sơ̆p Hlabơar Nơ̆r 'Bok Kei-Dei

⁷ Sư pơm pơyô kư̆ kă hăm lu bơngai noh, đĭ-đăng lu sư tơdăm 'lơ̆ng hơbŏ bơngai char Asiri; sư jao akâu sư kơdih jing 'mê̆-'mach hăm lu rup yang lu bơngai mă sư hưch wă.

Êsêkiên 23:7 ပူးပေါင်းရင်းမြစ်များ

Bl 10:22

Kon drŏ-nglo Sem anăn Êlam, Asur, Apaksat, Lut păng Aram.

Horiso 106:39

Lu sư jing 'mê̆ yua kơ đơ̆ng tơdrong jang kơdih lu sư. Na lu sư jing pơm đi ngôi kư̆ kă.

Êsêkiên 16:15

Mă-lei ih gơnang kơ tơdrong 'lơ̆ng liĕm kơdih akâu, yua kơ tơdrong đe ư-ang kơ ih, na ih jing pơm pơyô kư̆ kă chă pơjao akâu kơdih 'bĭch hăm lu bơngai chă năm rok brih găn.

Êsêkiên 20:7

Inh khan kơ lu sư: “Rim 'nu lu iĕm athei hŭt lê̆ rup yang kơnê̆ krưp mă măt lu iĕm 'maih lăng; 'nĕ pă pơm 'mê̆-'mach kơ lu iĕm kơdih yua kơ đơ̆ng lu yang Êyiptơ! Inh boih Kră Yang 'Bok Kei-Dei lu iĕm.

Êsêkiên 23:30

Tơdrong noh gô truh kơ ih, yua kơ ih pơm đi ngôi kư̆ kă hăm kon pơlei lăm lu dêh char. Ih pơm pơ'mê̆ kơdih akâu hăm rup yang lu sư.

Hôsia 5:3

Inh băt kơ khŭl Êphraim; păng lu bơngai Isơrael, ưh kơ hlơp kơ Inh ôh. Dang ei, ơ Êphraim, ih pơm pơyô ngôi kư̆ kă boih; păng lu bơngai Isơrael 'mê̆-'mach boih.

Hôsia 6:10

Lăm adrĕch Isơrael Inh 'bôh boih tơdrong kơnê̆ dêh, lu bơngai Êphraim pơm pơyô kư̆ kă, Isơrael 'mê̆-'mach boih!