Êsêkiên 23:18 - Sơ̆p Hlabơar Nơ̆r 'Bok Kei-Dei

¹⁸ Kơplah sư pơdah ngôi kư̆ kă, tơ'bôh tơdrong koh hoh sư, na Inh achăng lê̆ sư, thoi Inh achăng lê̆ mŏ sư.

Êsêkiên 23:18 ပူးပေါင်းရင်းမြစ်များ

Horiso 106:40

Kră Yang hil mĭl dêh kơ kon pơlei pơla Sư. Lăng krưp dêh kơ kon pơlei.

Horiso 78:59

wă Kră Yang 'Bok Kei-Dei kơtơ̆ng tơdrong noh, Sư blĕk tơpă; Sư hil achăng lê̆ lu bơngai Isơrael hloi;

Êsai 3:9

Muh măt lu sư tơ'bôh pơdah blah plơ̆ kơdih akâu lu sư; lu sư pơdah tơdrong yoch lu sư kơdih thoi pơlei Sôđôm, ưh kơ gơh ôn hlơp ôh, Răm-'băm dêh kơ bơhngol lu sư, yua kơ lu sư ba tơdrong răm kơdih akâu.

Êsai 57:8

Lu iĕm dan tơmam wă kơ 'blŏk gah rŏng kơ 'măng păng gah rŏng kơ lu jrăng 'măng. Lu iĕm achăng lê̆ Inh păng pơih pơdah bơih, giơng lu iĕm pơm kư̆ kă. Tŏk tơ kơpal giơng pơm kơ giơng iĕm rai să. Lu iĕm pơjing tơdrong pơgơ̆p hăm lu sư, iĕm lăng 'mêm kơ giơng, păng hưch kơ tơdrong lu sư jơ̆ng jôch.

Je 12:8

Kon pơlei Inh pơm kơ Inh, thoi dăm-brang lăm bri. Sư hơrum wă pơm kơ Inh, thoi noh Inh areh achăng lê̆ lu sư.

Je 15:1

Kră Yang khan kơ inh: “Mă khan Môis păng Samuel dơ̆ng 'bơ̆t anăp Inh, Inh kư̆m ưh kơ mơnat kơ kon pơlei 'nâu. Pơpuh tơweh bĕ lu sư đơ̆ng anăp Inh.

Je 6:8

Ơ pơlei Jêrusalem mơ̆ng bĕ nơ̆r chrih bơtho, kơnh Inh achăng lê̆ iĕm, Kơnh pơm ăn kơ iĕm jing bri juơ, ưh kơ đei bu oei.

Je 8:12

“Trŏ kơ lu sư mơlâu pơm tơdrong kơnê̆ krưp, mă-lei lu sư ưh kơ băt mơlâu, Kŭm ưh kơ băt hlơ̆l lĕm. Thoi noh na lu sư gô huŏng pơ̆k hơdai lu bơngai mă pơ̆k huŏng; truh năr wă phak lu sư gô pơ̆k răm,” noh Kră Yang khan.

Nhom 2:7

Kră Yang hŭt lê̆ boih gơ'bang soi păng kư̆m achăng lê̆ anih rơgoh Sư. Sư jao boih hnam pơtao kơ lu ayăt, Lu sư ôr tơkĕch tơjrông tơjrang lăm hnam Kră Yang, Thoi năr đe et sa tih.

Êsêkiên 16:36

'Nâu nơ̆r Kră Yang Tih Hloh khan: “Yua kơ ih tuh tơdrong 'mê̆-'mach pơdah tơdrong hang-hông 'bơ̆t ih pơm pơyô kư̆ kă hăm bơngai mă ih hưch wă, păng yua kơ ih kơkuh kơ lu rup yang kơnê̆ krưp, păng yua kơ ih pơyơ̆r pham lu kon ih kơ lu rup yang noh,

Êsêkiên 21:24

Thoi noh, Kră Yang khan thoi âu: ‘Yua kơ lu iĕm tơ'blŏk kơ đe tơdrong yoch kơnê̆ lu iĕm, pơdah tơdrong yoch glăi iĕm, na đe 'bôh tơdrong yoch glăi lu iĕm đơ̆ng iĕm pơm; yua kơ lu iĕm tơ'blŏk, na đe gô rôp lu iĕm pơm bơnă.

Êsêkiên 23:10

Lu sư plôh lê̆ hơbĕn ao sư, rôp lu kon drŏ-kăn kon drŏ-nglo sư, na iŏk đao pơlôch sư. Đe phak pơmat sư, sư boih lăm lu drŏ-kăn mă đe roi sa.

Êsêkiên 23:19

Mă-lei sư kư̆m rai pơm đi kơnê̆ hloh, 'blŏk kơplah sư oei adruh mơlôh pơm đi ngôi kư̆ kă lăm char Êyiptơ.

Êsêkiên 23:9

Thoi noh Inh jao sư lăm ti lu bơngai sư hưch, noh lăm ti lu bơngai Asiri, lu bơngai mă sư hơyuh hưch dêh.

Hôsia 2:2

Chrih bĕ kơ mĕ lu iĕm, chrih bĕ yua kơ sư noh ưh kơ sĭ akăn Inh, Inh kư̆m ưh kơ sĭ kơ klo sư! Sư athei hŭt lê̆ mă ataih tơdrong pơm pơyô kư̆ kă đơ̆ng sư tơdrong kơđang kơ̆l hơko đơ̆ng alam toh sư;

Hôsia 7:1

Layơ Inh wă pơklaih lu bơngai Isơrael, tơdrong yoch kơnê̆ lu bơngai Êphraim, păng tơdrong kơnê̆ lu bơngai Samari pơdah boih; lu sư hơlĕnh pơdăr, lu bơngai tơtông tơ lăm, lu bơngai rôp tơgar iŏk tơ rok trong.

Am 5:21

Inh areh, inh sơ'ngon kơ năr iĕm pơm kơ̆m giĕng; Inh ưh kơ hiôk gah tơdrong iĕm akŭm kơkuh tih noh.

Am 6:8

Kră Yang 'Bok Kei-Dei Tih hloh khan thoi âu: Kră Yang pao anăn Sư kơdih păng pơkă khan: Inh areh dêh kơ tơdrong pơang Jakôp păng hil mĭl kơ kơđông kơjăp sư; yua kơ thoi noh inh gô jao pơlei tih âu păng dôm lu tơmam lăm noh kơ lu ayăt.

Sa 11:8

Lăp lăm minh khei đĕch Inh pơlôch đĭ pêng 'nu bơngai wei triu; Inh pă kĕ ĕnh hăm lu sư boih păng lu sư kư̆m lei-lăi ưh pă lăp kơ Inh.

Both 32:19

Kră Yang 'bôh đĭ, na Sư hil. Na achăng hŭt lê̆ kon drŏ-nglo păng kon drŏ-kăn.