Êsêkiên 22:9 - Sơ̆p Hlabơar Nơ̆r 'Bok Kei-Dei

⁹ Lăm ih đei bơngai chă đon hơlĕnh chă pơlôch tuh pham, sa tơmam đe soi kơ yang tơ kơpal kông; arih sa pơm pơyô kư̆ kă.

Êsêkiên 22:9 ပူးပေါင်းရင်းမြစ်များ

Horiso 101:5

Inh gô ngăn hreh kơ lu đe mă pơma roi 'bơm lu rông 'bôt. Gah lu bơngai đei măt pơrŏ păng jơhngơ̆m pơang, Inh ưh kơ lăp ôh.

Horiso 106:28

'Bok lu nhôn kơkuh kơ yang Baal tơ Pêôr, Sa tơmam soi pơm yang kơ bơngai lôch;

Horiso 50:20

Ih pơma kơnê̆ kơ lu 'nhŏng oh pơma hơlĕnh kơ kon drŏ-nglo mĕ ih.

Le 20:16

'Nĕ pơm kơdranh hơlĕnh kơ bôl buăl.

Le 23:1

Ih 'nĕ kơ chă roi hơlĕnh, kư̆m 'nĕ kơ pôm đon kiơ̆ lu bơngai kơnê̆ wă roi hơlĕnh.

Tơdrông Pơđơk 10:18

Bơngai bu ôn tơdrong hil areh gô lĕch nơ̆r 'bơ̆r pơma hơlĕnh. Păng bơngai bu chă roi sa jing bơngai kơtul.

Tơdrông Pơđơk 18:8

Nơ̆r đe roi hơlĕnh sơlam thoi tơmam sa 'ngam; Păng mơ̆t truh tơ klơm klak.

Tơdrông Pơđơk 26:22

Nơ̆r lu bơngai sơlam hơlĕnh 'ngam thoi tơmam sa 'lơ̆ng. Mơ̆t jrŭ truh tơ klơm tơ klak.

Je 6:28

Đĭ-đăng lu sư pơm kơnê̆, chă pơma sơlam băl. Hơrăng kơ̆l nhen thoi mam, thoi kong, lu sư pơm kơnê̆ dêh.

Je 9:4

“Ăn kơ rim 'nu kơchăng kơ rông 'bôt sư, 'nĕ kơ lui gơnang kơ lu 'nhŏng oh; yua kơ 'nhŏng noh gô hơlĕnh pơdăr kơ 'nhŏng oh sư. Lu rông 'bôt chă pơma kơnê̆ sơlam băl.

Êsêkiên 11:6

Lu iĕm đei pơlôch lơ bơngai boih lăm pơlei âu, tơ rok trong lăm pơlei 'bĕnh lơ bơngai lôch.

Êsêkiên 16:43

Yua kơ ih ưh kơ 'blŏk kơplah ih oei 'lơ̆p sơ̆, na mă pơgreh Inh tôm tơdrong, thoi noh na Inh gô tuh pơdrâu tơ kơpal kơ̆l ih, Kră Yang Tih Hloh khan thoi noh; hăm trŏ kơ ih pơm pơyô kư̆ kă hăm thim đơ̆ng tơdrong kơnê̆ krưp mă Inh areh?

Êsêkiên 18:11

Mă khan 'bă sư noh ưh kơ đei pơm glăi minh tơdrong kiơ ră, mă-lei kon sư sa tơmam đe soi tơ kơpal kông păng pơm kư̆ kă hăm akăn đe,

Êsêkiên 18:15

Ưh kơ sa 'nhĕm đe soi tơ kơpal kông, sư ưh kơ lăng tơ rup yang adrĕch Isơrael, ưh kơ pơm kơnê̆ hăm akăn đe,

Êsêkiên 18:6

Sư ưh kơ sa 'nhĕm đe pơm yang tơ kơpal kông, ưh kơ wă lăng tơ rup yang adrĕch Isơrael. Ưh kơ pơm kư̆ kă hăm lu akăn đe, ưh kơ jê̆ lu drŏ-kăn oei 'bôh hơbĕn,

Êsêkiên 23:29

Lu sư gô iŏk tơdrong areh pơm kơ ih, tơgar iŏk đĭ dôm tơmam đơ̆ng ih jang, lê̆ ih koh hoh, đĭ tơdrong ih koh hoh, ngôi kư̆ kă gô tơ'bôh pơdah tơ 'nguaih.

Êsêkiên 24:13

Tơdrong 'mê̆-'mach ih pơm pơyô kư̆ kă, Inh wă ôp rơgoh ih, mă-lei ih ưh kơ wă tơdrong 'mê̆-'mach ih ôp rơgoh, lei ih ưh pă gơh ôp rơgoh bơih dĭng layơ tơdrong inh hil ngach 'mơ̆i.

Hôsia 4:10

Lu sư gô sŏng sa mă-lei ưh kơ phĭ. Lu sư gô pơm pơyô kư̆ kă mă-lei ưh pă đei hơ'lơ̆p; yua kơ lu sư achăng lê̆ boih Kră Yang, thoi noh 'maih pơm pơyô kư̆ kă.

Hôsia 4:14

Inh ưh kơ phak lu kon adruh iĕm yua kơ yoch pơm pơyô, kư̆m ưh kơ phak lu mŏ mai iĕm yua kơ yoch ngôi hăm đe nai; yua kơ lu drŏ-nglo iĕm kư̆m ngôi kư̆ kă hăm lu drŏ-kăn đi, păng pơyơ̆r tơmam soi hăm lu bơngai drŏ-kăn kư̆ kă. Thoi noh lu kon pơlei ưh kơ hlôh gô hiong răm.

Hôsia 4:2

Lăm noh pôm băt kơ pơm tơdrong hơlĕnh pơdăr, plêl, pơlôch băl, tơtông klĕ păng pơm pơyô kư̆ kă; lu sư pơm lơ tơdrong kơnê̆, pơlôch băl rai dêh pơm plơ̆ pham 'mong pham.

Hôsia 6:9

Thoi lu bơngai kơnê̆ răp lu bơngai yak rok trong ei, lu 'bok soi kư̆m wang pơm; thoi noh mơ̆n lu sư pơlôch bơngai rok trong năm tơ pơlei Sichem, tơpă lu sư pơm boih tơdrong kơnê̆ dêh!

Hôsia 7:4

Đĭ-đăng lu sư tă kơ pơm pơyô kư̆ kă ngăl. Lu sư jing thoi tơnuh ŭnh tŏ mă đe tơkuh wă 'buh 'bĕng, bơngai 'buh 'bĕng tơkuh pơgơ̆p ŭnh iŏk đơ̆ng 'nao jrâu tơpŭng bơlah dĭng truh tơ bơlah pông.

Lêwi 19:16

'Nĕ kơ roi sa pơma 'bơm, 'nĕ chă tơdrong wă pơm kơnê̆ kơ rông 'bôt ih, Inh bơih Kră Yang.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Mathiơ 26:59

Lu 'bok soi tih păng đĭ-đăng lu kră sek tơlang, lu sư chă bơngai mă gơh hơlĕnh, khan sư 'bôh Yêsu pơm yoch, wă kơ lu sư gơh pơlôch Yêsu.

Jang 24:13

Lu sư jâu inh, mă-lei lu sư ưh kơ đei 'bôh inh pơm kơnê̆ tơdrong kiơ ôh.

Jang 24:5

Bơngai 'nâu sư pơm kơnê̆ ling-lang. Sư pơhlŭ lu bơngai Juđê tơhil băl jơ̆p kơ teh đak. Sư pơm kră pơgơ̆r lu đe Nasaret.

Lu 20:6

Đơ̆ng noh, inh chơ iŏk akâu akăn inh, chơ̆ng hơjăl, na ăn kơ đe năm ba tơ jơ̆p kơ teh đak Isơrael yua kơ lu sư đei pơm boih tơdrong kơnê̆ dêh thoi noh pơm pơ'brơh 'mê̆-'mach lăm char Isơrael.

I Sam 24:10

To, lăng bĕ măt ih 'bôh năr 'nâu lăm hơgơp tơmo Kră Yang jao ih lăm tơpang ti inh, đei bơngai athei inh pơlôch ih, mă-lei inh mơnat kơ ih, na khan inh ưh kơ pơm kiơ kơ akâu jăn yŏng inh yua kơ sư jơ̆ đơ̆ng Kră Yang tuh ăn đak rơmă.