Êsêkiên 22:8 - Sơ̆p Hlabơar Nơ̆r 'Bok Kei-Dei

⁸ Ih pơjăm tơmam rơgoh Inh păng pơm yoch kơnê̆ 'mê̆-'mach lăm năr Sa'bat Inh!

Êsêkiên 22:8 ပူးပေါင်းရင်းမြစ်များ

Êsêkiên 20:13

Mă-lei adrĕch Isơrael blah inh lăm char glă. Lu sư ưh kơ pơm kiơ̆ khôi juăt Inh, sơngah kơ nơ̆r inh tơtă, noh tơdrong mă bơngai bu pơm kiơ̆ gô arih; lu sư kư̆m pơm yoch 'mê̆-'mach lăm năr Sa'bat Inh dơ̆ng. Inh khan wă tuh tơdrong Inh hil mĭl tơ lu sư lăm char glă.

Êsêkiên 20:20

Wei răk bĕ lu năr Sa'bat Inh 'lơ̆ng rơgoh, wă kơ sư jing tơdra tŏk-bŏk Inh hăm lu iĕm, wă kơ lu iĕm băt Inh boih Kră Yang 'Bok Kei-Dei lu iĕm.

Êsêkiên 20:21

Mă-lei lu kon sâu lu sư blah Inh; ưh kơ chu kiơ̆ khôi juăt Inh, ưh kơ wei răk nơ̆r Inh tơtă lu tơdrong mă tơdah bu pơm kiơ̆ gô arih; lu sư kư̆m pơm yoch 'mê̆-'mach lăm năr Sa'bat Inh. Thoi noh Inh khan bơih gô tuh tơdrong hil mĭl Inh tơ lu sư păng tơdrong blĕk Inh phak lu sư lăm char glă.

Êsêkiên 20:24

yua kơ lu sư ưh kơ chu kiơ̆ nơ̆r Inh tơtă, hŭt lê̆ khôi juăt Inh, pơm pơ'mê̆ kơ năr Sa'bat Inh, păng măt lu sư 'maih lăng chu kiơ̆ kơ rup yang 'bok yă lu sư.

Êsêkiên 22:26

Lu 'bok soi pơm glăi kơ khôi juăt Inh, pơm 'mê̆-'mach kơ tơmam rơgoh Inh. Lu sư ưh kơ băt lăng ayơ rơgoh, ayơ hmă, ưh kơ băt bơtho tơ'bôh ayơ 'mê̆-'mach, ayơ rơgoh. Lu sư tep măt ưh kơ kiơ̆ lu năr Sa'bat Inh, lei na pơm pơ'mê̆ kơ Inh boih lăm lu sư.

Lêwi 19:30

Lu iĕm athei bơwei năr Sa'bat păng pơyom kơ Anih 'Lơ̆ng Rơgoh Inh, Inh boih Kră Yang lu iĕm.

Malachi 1:12

Mă-lei lu iĕm pơma kơnê̆ 'mê̆ brư̆ kơ anăn Inh boih khan: “Gơ'bang soi Kră Yang 'mê̆-'mach, tơmam soi kơpal gơ'bang noh trŏ kơ pơjăm.”