Êsêkiên 22:31 - Sơ̆p Hlabơar Nơ̆r 'Bok Kei-Dei

³¹ Na Inh tuh tơdrong hil mĭl tơ lu sư păng iŏk ŭnh Inh hil soh pơrăm lu sư; Inh gô pơm tơwih tuh tơ kơ̆l lu sư, kiơ̆ kơ trong lu sư pơm. Kră Yang khan thoi noh.

Êsêkiên 22:31 ပူးပေါင်းရင်းမြစ်များ

Tơdrông Pơđơk 1:31

Na lu sư gô luăn sa pŭ iŏk thoi trong lu sư kiơ̆, Păng phĭ hrăp lăm tơdrong lu sư hơlĕnh.

Êsai 10:5

Răm-'băm tơpă kơ dêh char Asiri, sư thoi sơnguĕt tơdrong Inh hil mĭl, 'long jra mă lu sư chĕp 'bơ̆t ti noh tơdrong Inh hil mĭl.

Êsai 13:5

Lu sư truh đơ̆ng dêh char ataih, đơ̆ng tôch kơ plĕnh teh. Kră Yang păng lu tơmam tơblah, Sư yua lăm tơdrong Sư hil mĭl wă pơrăm đĭ teh âu.

Êsai 29:2

Inh gô pơm ăn kơ pơlei Ariêl pơmat-tat; gô đei nhơ̆m hmoi ơh sơ'ngon, hăm Inh pơlei Ariêl gô nhen thoi chơnang soi pơyơ̆r.

Êsai 30:27

To Anăn Kră Yang truh đơ̆ng ataih, tơdrong sư hil khơ̆ng thoi ŭnh 'nhui ŭnh bluh găm suek puăn pah, hơkŭng Sư 'bĕnh kơ tơdrong hil, hơpiĕt Sư thoi kơ ŭnh dơhlông sa.

Je 8:13

Kră Yang khan: “Tơpă Inh gô iŏk lê̆ đĭ mir pơgar lu sư, tơm hơmu ưh pă đei plei; tơm hơra kư̆m ưh pă plei; hla lu sư gô kro hơlŭng, Dôm tơmam mă Inh đei ăn kơ lu sư boih, Inh gô pơdrâu iŏk đơ̆ng ti lu sư!”

Nhom 4:11

Kră Yang đei pơm keh boih tơdrong Sư hil, tuh tơdrong blĕk sư; Kră Yang đei soh pơlei Siôn, ŭnh sa pơrăm đĭ lu hơnă sư.

Êsêkiên 11:21

Mă-lei, lu mơ'nah đei jơhngơ̆m 'maih kiơ̆ tơdrong Inh areh păng tơdrong kơnê̆ krưp, Inh gô pơm tơwih tơdrong lu sư pơm tuh tơ kơ̆l lu sư, Kră Yang Tih Hloh khan thoi noh.”

Êsêkiên 16:43

Yua kơ ih ưh kơ 'blŏk kơplah ih oei 'lơ̆p sơ̆, na mă pơgreh Inh tôm tơdrong, thoi noh na Inh gô tuh pơdrâu tơ kơpal kơ̆l ih, Kră Yang Tih Hloh khan thoi noh; hăm trŏ kơ ih pơm pơyô kư̆ kă hăm thim đơ̆ng tơdrong kơnê̆ krưp mă Inh areh?

Êsêkiên 22:20

Nhen thoi đe akŭm lu hu, kong, bơsei, bơlơ̆k, kem rŭk lăm ŭnh 'buh rơ̆ wă kơ lek thoi yơ, na lăm tơdrong hil păng tơdrong Inh mil, Inh gô akŭm lu iĕm tah lăm ŭnh 'buh rơ̆ wă kơ lek thoi noh.

Êsêkiên 23:1

Kră Yang khan kơ inh:

Êsêkiên 30:8

Na lu sư gô băt Inh boih Kră Yang, kơplah Inh ăn ŭnh sa tơ char Êyiptơ păng lu bơngai mă tơgŭm lu sư kư̆m pơchah răm.

Êsêkiên 7:3

Dang ei tơdrong ih truh bơih. Inh gô tuh tơdrong Inh hil tơ ih, Inh gô sek tơlang phak ih kiơ̆ kơ trong ih yak, hăm Inh gô pơm tơwih kơ ih kiơ̆ dôm tơdrong kơnê̆ krưp mă ih đei pơm.

Êsêkiên 7:4

Măt Inh ưh pă lăng 'mêm mơnat kơ ih păng ưh pă đei dŏng ih; Inh gô phak ih tơpă yua kơ lu tơdrong ih yak kiơ̆ păng tơdrong kơnê̆ krưp lăm ih. Na ih gô băt Inh boih Kră Yang.

Êsêkiên 9:10

Gah Inh, măt Inh lăng kư̆m pă mơnat păng Inh kư̆m pă đei lê̆ lu sư oei arih; Inh gô tuh tơ kơ̆l lu sư dôm tơdrong mă lu sư đei pơm.”

Tơdrông Tơ'bôh 16:1

Đơ̆ng noh inh kơtơ̆ng 'bơ̆r pơma re đơ̆ng lăm hnam 'Bok Kei-Dei ei khan kơ tơpơh 'nu lu linh jang 'lơ̆ng wă tuh đak pơgang ei thoi âu: “Năm bĕ, tuh tơpơh tŏ pơnhan đak pơgang tơdrong 'Bok Kei-Dei hil tơ teh.”