Êsêkiên 22:3 - Sơ̆p Hlabơar Nơ̆r 'Bok Kei-Dei

³ Khan bĕ kơ sư: Kră Yang khan thoi âu: Minh pôm pơlei pơm tuh pham lăm sư, Pơlei pơm lu rup yang pơ'mê̆ kơdih akâu; năr tôch sư truh bơih.

Êsêkiên 22:3 ပူးပေါင်းရင်းမြစ်များ

II Pot 24:3

Tơdrong răm 'nâu truh hloi kơ lu bơngai Juđa yua kơ đơ̆ng nơ̆r Kră Yang tơtă wă tơhiong lê̆ lu sư đơ̆ng anăp Kră Yang, yua kơ đêl tơdrong yoch Manase, kiơ̆ thoi tơdrong sư đei pơm,

II Pot 24:4

Păng yua kơ sư pơlôch pham lĕch đơ̆ng lu bơngai ưh kơ đei yoch; yua kơ sư hlôi pơm kơ Pơlei Jêrusalem 'bĕnh kơ pham lu bơngai ưh kơ đei yoch, lei na Kră Yang ưh kơ mơnat kơ sư ôh.

Horiso 106:39

Lu sư jing 'mê̆ yua kơ đơ̆ng tơdrong jang kơdih lu sư. Na lu sư jing pơm đi ngôi kư̆ kă.

Êsai 1:21

Ơ đêl Pơlei 'lơ̆ng tơnăp na jing pơlei pơm đi! Sơ̆ đêl pơlei tơpăt hơnơ̆ng; păng tơdrong 'lơ̆ng tơpăt oei lăm sư, mă-lei dang ei 'bĕnh kơ bơngai pơlôch đe!

Êsêkiên 12:25

Yua kơ Inh boih Kră Yang, Inh gô pơma păng nơ̆r Inh pơma gô jing, ưh pă gơh lê̆ đunh. Ơ lu adrĕch ayăt 'maih tơblah plơ̆! Noh trŏ kơ năr lu iĕm, Inh khan hăm nơ̆r Inh sư gô pơsĭt, Kră Yang khan thoi noh.’ ”

Êsêkiên 22:2

“Ơ kon bơngai, hăm trŏ ih wă sek tơlang, sek tơlang pơlei pơlôch tuh pham noh ưh? Athei ăn kơ lu sư băt tôm yoch kơnê̆ krưp sư.

Êsêkiên 22:27

Lu yŏng pơgơ̆r oei lăm lu sư nhen thoi kŏ-so kăp sa sem bri, pơm tuh pham pơlôch bơngai, wă tơgar iŏk tơmam.

Êsêkiên 22:4

Ih pơm yoch boih tuh pham pơlôch đe păng pơm lu rup yang pơ'mê̆ kơdih akâu. Thoi noh năr ih wă truh boih păng sơnăm ih jê̆ tôch boih. Lei na Inh pơm kơ ih mơlâu kơ lu kon pơlei đe che bơle tơ jơ̆p dêh char.

Êsêkiên 22:6

To, lu yŏng Pơgơ̆r Isơrael oei lăm ih, rim 'nu yua tơdrong pran kơtang kơdih pơm tuh pham pơlôch đe.

Êsêkiên 23:37

Lu sư pơm yoch pơm pơyô kư̆ kă păng ti lu sư 'bơm pham; lu sư pơm yoch ngôi pơyô kư̆ kă hăm lu rup yang; păng pơyơ̆r kon lu sư, kon mă lu sư tơpŭ ăn kơ Inh, pơm tơmam sa ăn kơ rup yang.

Êsêkiên 23:45

Mă-lei dôm lu bơngai tơpăt gô sek tơlang tơdrong lu sư pơm pơyô kư̆ kă păng tuh pham pơlôch đe, tơpă lu sư pơm pơyô kư̆ kă păng tuh pham pơlôch đe.”

Êsêkiên 23:7

Sư pơm pơyô kư̆ kă hăm lu bơngai noh, đĭ-đăng lu sư tơdăm 'lơ̆ng hơbŏ bơngai char Asiri; sư jao akâu sư kơdih jing 'mê̆-'mach hăm lu rup yang lu bơngai mă sư hưch wă.

Êsêkiên 33:25

Lei na khan bĕ kơ lu sư, Kră Yang khan thoi âu: Yua kơ lu iĕm sa 'nhĕm oei pham, măt lu iĕm maih lăng tơ rup yang, lu iĕm tuh pham pơlôch băl, lei lu iĕm gô iŏk char âu hă?

Êsêkiên 9:9

Kră Yang tơl inh: “Tơdrong yoch lăm adrĕch Isơrael păng Juđa tih dêh tơpă; teh 'bĕnh kơ pham pơlôch băl, lăm pơlei 'bĕnh kơ tơdrong kơnê̆ pơrăm băl. Lu sư khan: ‘Kră Yang achăng lê̆ boih teh âu, Kră Yang ưh kơ 'bôh.’

Mi 3:10

Lu iĕm pơjing pơlei Siôn hăm pham păng iŏk tơdrong kơnê̆ pơjing pơlei Jêrusalem.

Jêphania 3:3

Lu kuan tih mă oei pơgơ̆r lu sư thoi dăm-brang hơrum, lu kră sek tơlang lu sư thoi kŏ-so sa pơgoh kơmăng, ưh kơ đei 'măn lê̆ kơ pơgê dơning.

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

II Pet 2:3

Yua kơ lu sư bơngai ham dêh, na lu sư kư̆m hơlĕnh pơdăr kơ iĕm, wă kơ đei sa jên tơmam iĕm. Mă đơ̆ng sơ̆ 'Bok Kei-Dei phak lu bơngai thoi noh ngăl, na lu bơngai noh kơnh 'Bok Kei-Dei kư̆m phak mơ̆n, ưh kơ lê̆ ôh.