Êsêkiên 22:26 - Sơ̆p Hlabơar Nơ̆r 'Bok Kei-Dei

²⁶ Lu 'bok soi pơm glăi kơ khôi juăt Inh, pơm 'mê̆-'mach kơ tơmam rơgoh Inh. Lu sư ưh kơ băt lăng ayơ rơgoh, ayơ hmă, ưh kơ băt bơtho tơ'bôh ayơ 'mê̆-'mach, ayơ rơgoh. Lu sư tep măt ưh kơ kiơ̆ lu năr Sa'bat Inh, lei na pơm pơ'mê̆ kơ Inh boih lăm lu sư.

Êsêkiên 22:26 ပူးပေါင်းရင်းမြစ်များ

II Ho 36:14

Hloh kơ noh dơ̆ng, lu đei 'bok soi păng lu kon pơlei rai kiơ̆ lu tơdrong kơnê̆ 'mê̆ brư̆ thoi lu bơngai tơmoi lăm dêh char jum dăr lu sư, pơm pơ'mê̆ kơ hnam Kră Yang mă Sư đei rơih iŏk 'măn lê̆ rơgoh lăm pơlei Jêrusalem.

Je 15:19

Thoi noh 'nâu Kră Yang khan: “Tơdah ih tơbral, Inh gô sơng iŏk ih, ăn kơ ih dơ̆ng 'bơ̆t anăp Inh; dah ih pơma nơ̆r sĭt ưh kơ chă pơma ngôi đĕch, ih gô jing thoi 'bơ̆r Inh pơma. Lê̆ lu kon pơlei pơla âu gô wih tơ ih, mă-lei ih 'nĕ wih tơ lu sư.

Je 2:8

Lu 'bok soi ưh pă jet: ‘Tơ yơ Kră Yang?’ Lu 'bok bơtho khôi juăt ưh pă băt kơ Inh dơ̆ng. Lu bơngai pơgơ̆r blah Inh. Lu 'bok khan lê̆ adrol yua anăn yang Baal na khan lê̆ adrol, kiơ̆ lu yang nai ưh kơ đei yua kiơ.

Nhom 4:13

Noh đơ̆ng tơdrong yoch lu bơngai khan lê̆ adrol sư păng tơdrong kơnê̆ lu 'bok soi sư. Lu sư tŭk boih pham lu bơngai tơpăt.

Êsêkiên 22:8

Ih pơjăm tơmam rơgoh Inh păng pơm yoch kơnê̆ 'mê̆-'mach lăm năr Sa'bat Inh!

Êsêkiên 23:38

Lu sư kư̆m oei đei pơm yoch tih hloh kơ noh hăm Inh lu sư pơm pơ'mê̆ kơ anih rơgoh Inh păng kư̆m pơm yoch lăm năr Sa'bat Inh.

Êsêkiên 36:20

Tơ lăm dêh char mă lu sư oei, lu sư đei pơm pơ'mê̆ kơ anăn 'lơ̆ng rơgoh Inh, đe pơma 'bơm lu sư khan: ‘Noh lu kon pơlei Kră Yang mă-lei đe puh tơweh lu sư đơ̆ng dêh char Kră Yang.

Êsêkiên 42:20

Thoi noh sư pơtŏ puăn pah jum dăr kơ cham hnam akŭm tor pơđăm-hrĕng hơgăt, wơ̆l pơđăm-hrĕng hơgăt; tơnăr âu plah sơlam anih 'lơ̆ng rơgoh păng anih hmă.

Êsêkiên 44:10

Bĕ gah lu bơngai Lêwi hlôi năm ataih đơ̆ng Inh, achăng Inh kiơ̆ kơkuh kơ rup yang lu sư, kơplah lu kon pơlei Isơrael hlôi jrok trong weh ataih đơ̆ng Inh, lu sư gô pŭ tơdrong yoch kơdih.

Êsêkiên 44:23

Lu sư gô bơtho khan kơ kon pơlei băt kơ tơdrong kiơ mă 'lơ̆ng rơgoh Păng tơdrong kiơ mă hmă đĕch, tơdrong kiơ 'mê̆-'mach păng băt tơdrong kiơ mă rơgoh.

Êsêkiên 44:24

Tơdah đei tơdrong kiơ truh tơhil pơma băl lu sư gô sek tơlang kiơ̆ thoi Inh tơtă. Lu sư gô wei răk khôi juăt păng lu tơdrong juăt lăm tôm tơdrong kơ̆m giĕng Inh păng wei năr Sa'bat jing năr 'lơ̆ng rơgoh.

Êsêkiên 7:26

Tơdrong gleh răm âu truh kư̆m đei dơ̆ng tơdrong gleh răm nai truh; kơtơ̆ng ang đei tơdrong âu kư̆m đei kơtơ̆ng ang tơdrong nai hai dơ̆ng. Lu sư chă tơdrong tơ'bôh đơ̆ng lu bơngai khan lê̆ adrol; tơdrong bơtho tơ'bôh khôi juăt đơ̆ng 'bok soi hăm đơ̆ng lu kră tă kơ hiong tôch đĭ bơih.

Lêwi 10:10

Wă kơ iĕm gơh kơnăl tơdrong 'lơ̆ng hăm tơdrong kơnê̆, tơdrong rơgoh păng tơdrong ưh kơ rơgoh.

Lêwi 11:47

Klah lê̆ pha wă kơ băt kon sem brem ayơ mă ưh kơ rơgoh păng ayơ mă rơgoh, kon sem arih đe gơh sa păng ưh kơ gơh sa.

Lêwi 13:43

'Bok soi athei lăng sư. Tơdah 'bơ̆t anih jĭ sư 'brê kok, 'bơ̆t kơ̆l mưu, dah 'bơ̆t klĕng hok sư thoi jĭ chin tơ akâu akar sư.

Lêwi 20:25

Thoi noh lu iĕm athei jô̆ klah phara lu kon sem brem rơgoh păng kon sem brem ưh kơ rơgoh, lu sem păr rơgoh păng sem păr ưh kơ rơgoh, 'nĕ kơ pơm kơ iĕm kơdih jing kơnê̆ na Inh hil areh, yua kơ kon sem brem, sem păr, 'bih kơep lep-ler, tơmam mă Inh đei jô̆ phara lu sư jing kơnê̆.

Malachi 2:7

Yua kơ hơkŭng 'bơ̆r 'bok soi athei wei tơdrong hlôh wao, lu đe chă tơdrong juăt đơ̆ng lăm 'bơ̆r lu sư, yua kơ lu sư jơ̆ bơngai đơ̆ng Kră Yang Tih Hloh.

Malachi 2:8

Mă-lei, tơplơ̆ dơ̆ng, lu iĕm rok trong nai, pơm kơ lơ bơngai pơm glăi kơ khôi juăt păng lu iĕm pơm glăi boih kơ nơ̆r Inh pơgơ̆p hăm Lêwi.” Kră Yang Tih Hloh khan thoi noh.

Rom 2:24

Tơdrong noh 'blep thoi sơ̆p hla bơar 'Bok Kei-Dei sơ̆ khan thoi âu: “Lu bơngai tơmoi nai pơjăm 'Bok Kei-Dei yua kơ lu bơngai Juđê ưh kơ kiơ̆ tơdrong juăt 'Bok Kei-Dei pơkă.”

I Sam 2:22

Hêli đĭ kră dêh sư kơtơ̆ng kơ tơdrong bre kon drŏ-nglo sư pơm kơ đĭ-đăng lu bơngai Isơrael păng tơdrong lu kon sư 'bĭch hơdai hăm bre bơngai drŏ-kăn bơ̆jang 'bơ̆t anih 'măng Bơsŭn Anih Akŭm.

I Sam 2:29

Thoi yơ mă ih pơjăm tơmam soi 'buh păng tơmam soi phe 'ba pơyơ̆r kơ Inh, tơdrong noh Inh tơtă bơih? Liơ mă ih chu yom kơeng kơ kon ih hloh kơ chu yom kơ Inh păng sa dôm lu tơmam soi wă kơ bek păng tơmam soi 'lơ̆ng hloh đơ̆ng lu kon pơlei Isơrael Inh pơyơ̆r?