Êsêkiên 22:25 - Sơ̆p Hlabơar Nơ̆r 'Bok Kei-Dei

²⁵ Lu 'bok khan lê̆ adrol lăm lu iĕm đei pơgơ̆p băl nhen thoi dăm-brang grĕnh hơrum sa tơmam đêl lu sư rôp. Lu sư châu sa bơngai, tơtông iŏk lu mŭk tơmam gĭt, pơm kơ lơ bơngai drŏ-kăn jing adro po lăm pơlei.

Êsêkiên 22:25 ပူးပေါင်းရင်းမြစ်များ

I Pot 22:23

Thoi noh na Kră Yang đei ăn minh 'nu yang pơma hơlĕnh lăm 'bơ̆r lu bơngai khan lê̆ adrol mă jang kơ ih. Kră Yang wă pơm kơnê̆ truh tơ ih.”

Êsai 56:11

Lu sư jơ̆ kŏ sa dư, ưh kơ băt phĭ. Noh bơih lu bơngai wei triu ưh kơ hlôh wao: Chă wơ̆t kiơ̆ trong kơdih lu sư; rim 'nu lu sư chă tơdrong pơyua kơdih, đơ̆ng blŭng truh tơ tôch.

Je 11:9

Kră Yang khan kơ inh. Đei boih tơdrong pơjah lăm lu bơngai Juđa păng lu bơngai oei lăm pơlei Jêrusalem.

Je 15:8

Inh gô ăn kơ drŏ-kăn adro rai lơ hloh kơ chuơh đak dơsĭ. Inh gô ăn bơngai năm pơrăm lu sư kơplah 'năr dơ̆ng, pơrăm lê̆ mĕ lu bơngai tơdăm. Inh gô tuh ăn tơdrong gleh truh kơ lu sư, jơhngơ̆m rŭng răng hli tơrơ.

Je 18:21

Mă-lei ăn kơ kon sâu sư pơngot rơwĕt, ăn kơ lu sư lôch kơ đao gưm. Lê̆ lu drŏ-kăn hiong kon, sư păng adro po, Klo lu sư lôch hơbuh, ăn kơ lu kon tơdăm lu sư lôch kơ đao hơlă tơ anih tơblah.

Je 2:30

“Inh đei teh bơtho boih kon sâu lu iĕm ưh kơ yua kiơ. Lu sư kư̆m ưh kơ wă chu Inh bơtho hơmet. Đao lu iĕm kơdih đei pơlôch boih lu bơngai khan lê̆ adrol iĕm thoi dăm-brang oei kăp sa.”

Je 2:34

Tơ tơdrơi ao lu iĕm đei 'bôh boih pham lu bơngai dơnuh hin ưh kơ yoch, Mă iĕm ưh kơ đei rôp lu sư teh 'măng wă mơ̆t tơtông, Mă khan đei hĭ tơdrong noh bưh.

Je 23:14

Inh 'bôh lăm lu bơngai khan lê̆ adrol lăm pơlei Jêrusalem pơm tơdrong kơnê̆ dêh; Lu sư pơm pơyô kư̆ kă păng yak kiơ̆ trong hơlĕnh pơdăr; lu sư pơdrŭt bơngai pơm kơnê̆ rai dêh, na lu sư ưh pă đei bu 'maih lê̆ tơdrong kơnê̆. Inh lăng rim kơ lu sư thoi pơlei Sôđôm, păng kon pơlei Jêrusalem nhen thoi pơlei Gômôrơ.”

Je 6:13

“Iŏk đơ̆ng bơngai kơhlôh truh tơ bơngai hơgei, tă kơ chă lơi ngăl. Đơ̆ng lu bơngai khan lê̆ adrol truh tơ lu 'bok soi kư̆m sa pơgâm.

Nhom 2:14

Lu bơngai khan lê̆ adrol iĕm 'bôh boih tơdrong hơlĕnh păng chă pơhlŭ iĕm. Lu sư ưh kơ đei tơ'bôh tơdrong yoch iĕm ôh, wă kơ lu iĕm huay kơ pơm bơnă. Tơ'bôh ăn kơ lu iĕm khan lê̆ adrol hơlĕnh păng chă pơhlŭ wă pơrăm iĕm.

Nhom 4:13

Noh đơ̆ng tơdrong yoch lu bơngai khan lê̆ adrol sư păng tơdrong kơnê̆ lu 'bok soi sư. Lu sư tŭk boih pham lu bơngai tơpăt.

Êsêkiên 13:19

Lu iĕm pơm pơ'mê̆ kơ Inh lăm lu kon pơlei Inh, wă kơ đei minh chup 'ba tơ'bâu păng minh tơpei 'bĕng, pơma hơlĕnh kơ kon pơlei Inh, lu sư mơ̆ng kiơ̆ nơ̆r hơlĕnh lu iĕm, na pơlôch bơngai mă ưh kơ trŏ kơ lôch, păng rong bơngai mă ưh kơ trŏ wă rong arih.

Êsêkiên 13:2

“Ơ kon bơngai, khan lê̆ adrol bĕ wă kơ plơ̆ ayăt kơ lu 'bok khan lê̆ adrol bơngai Isơrael mă oei khan lê̆ adrol kiơ̆ kơ lu sư tơchĕng kơdih. Khan kơ lu sư: ‘Athei mơ̆ng bĕ nơ̆r Kră Yang!

Êsêkiên 22:7

Tơ lăm ih đei bơngai, pơjăm mĕ 'bă; pơgŏ pơđep lu tơmoi; pơjuă lu kon mơti pơm kơnê̆ kơ lu bơngai adro.

Êsêkiên 34:2

Ơ kon bơngai, khan lê̆ adrol wă blah plơ̆ lu bơngai wei triu, lu bơngai wei rong Isơrael; khan lê̆ adrol pơma kơ lu sư, athei khan lê̆ kơ bơngai wei triu: Kră Yang khan thoi âu: Răm-'băm tơpă, ơ lu bơngai wei rong Isơrael, lăp hiơ̆k kơ wei rong kơdih akâu đĕch, hăm trŏ kơ lu bơngai wei triu noh wei rong khŭl triu dah kiơ?

Êsêkiên 34:3

Lu iĕm sa 'nhĕm rơmă, hrŭk ao sŏk triu, lu iĕm 'buh sa kon triu bek, mă-lei iĕm ưh kơ wei rong lu triu.

Hôsia 6:9

Thoi lu bơngai kơnê̆ răp lu bơngai yak rok trong ei, lu 'bok soi kư̆m wang pơm; thoi noh mơ̆n lu sư pơlôch bơngai rok trong năm tơ pơlei Sichem, tơpă lu sư pơm boih tơdrong kơnê̆ dêh!

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

Markôs 12:40

Lu sư chă pơjĭp iŏk mŭk tơmam lu drŏ-kăn adro, na lu sư kư̆m pơm pơrŏ krao khan kơ 'Bok Kei-Dei đunh wă kơ đe jô̆ kơ sư khan bơngai 'lơ̆ng. Mă-lei 'Bok Kei-Dei gô phak lu sư hloh kơ đe ning-mônh.”

Luka 20:47

Lu sư chă pơjĭp iŏk mŭk tơmam lu drŏ-kăn adro, na lu sư kư̆m pơrŏ krao khan kơ 'Bok Kei-Dei đunh wă kơ đe jô̆ kơ sư khan bơngai 'lơ̆ng. Mă-lei 'Bok Kei-Dei gô phak lu sư hloh kơ đe ning-mônh.”

Tơdrông Tơ'bôh 13:11

Klaih kơ noh inh 'bôh minh pôm sem nai dơ̆ng sư lĕch đơ̆ng teh. Sư đei 'bar pah ake, thoi ake triu. Nơ̆r sư pơma lei-lăi thoi yă-grai pơma.

Tơdrông Tơ'bôh 13:15

Sem ei gơh pơm kơ rup sem mă đêl đe pơm ei gơh dui jơhngơ̆m păng gơh pơma athei đe pơlôch tŭk dôm lu bơngai mă ưh kơ chu kơkuh kơ sư.

Tơdrông Tơ'bôh 17:6

Păng inh 'bôh sư suai kơ pham lu bơngai lui, lu bơngai năm ră roi tơdrong Kră Yang Yêsu. Inh 'bôh bơngai drŏ-kăn noh inh sơleng kơ đon, ưh kơ hlôh tơdrong kiơ.

Tơdrông Tơ'bôh 18:13

bơ̆n kơđoh 'long kuê̆, bơ̆n tơmam 'bâu phu wă pơm kơ tơmam sa, bơ̆n kơđoh 'long tơ'băr đe pơm ŭnh nhang, bơ̆n gơhlâu 'bâu phu; bơ̆n sik, đak rơmă, tơpŭng đe pơm 'bĕng mi, bơ̆n 'ba sa; lu sem dơrong, thoi kơ rơmo, triu, aseh, akâu gre aseh; lu bơngai đĭch đe kư̆m đei tĕch mơ̆n, dang đe tĕch bơhngol kon bơngai.