Êsêkiên 22:21 - Sơ̆p Hlabơar Nơ̆r 'Bok Kei-Dei

²¹ Inh gô akŭm pơpôi lu iĕm 'buh lăm ŭnh tơdrong Inh hil mĭl, na lu iĕm gô lek lăm noh.

Êsêkiên 22:21 ပူးပေါင်းရင်းမြစ်များ

II Pot 25:9

Sư soh hnam akŭm kơkuh kơ Kră Yang, soh hnam pơtao păng lu hnam lăm Pơlei Jêrusalem; kư̆m soh lê̆ hnam tih lu yŏng mơng lăm pơlei.

Horiso 112:10

Lu ayăt gô 'bôh păng blĕk tơpă. Kăp hơnĕnh, đơ̆ng noh lôch hiong đĭ, Tơdrong lu bơngai pơm kơnê̆ hơpơi gô ưh kơ đei.

Horiso 21:9

Lăm năr Ih pơdah akâu. Ihb gô pơm kơ lu sư khơ̆ng thoi pla ŭnh, Kră Yang gô luăn lu sư, lăm năr Kră Yang hil blĕk, Păng ŭnh gô soh chhông đĭ lu sư.

Horiso 50:3

Kră Yang 'Bok Kei-Dei lu bơ̆n truh ưh kơ đei ngăn đĕch ôh. 'Bơ̆t anăp Sư đei pla ŭnh soh chhông Tăp dăr kơ Sư đei hơbŭt hơbang tih tơpă.

Horiso 68:2

'Nhui đông hach thoi yơ, Kră Yang gô pơm kơ lu sư hach thoi noh mơ̆n; Kŭm thoi jrĕnh lek kơ ŭnh thoi yơ, Dôm lu bơngai kơnê̆ gô lôch 'bơ̆t anăp Kră Yang 'Bok Kei-Dei thoi noh mơ̆n.

Êsai 30:33

Tôphêt đei hơmet lê̆ đơ̆ng sơ̆ bơih anih wă soh. Sĭt tơpă đei hơmet bơih ăn kơ pơtao, Hơlŭng ŭnh jrŭ păng să, đei ŭnh păng 'long ŭnh lơ, hơyuh dui jơhngơ̆m Kră Yang thoi glung tơmo ŭnh sa khơ̆ng.

Êsai 64:2

Nhen ŭnh sa 'long ŭnh kro, nhen ŭnh pơm kơ đak blôk, wă kơ lu bơngai ayăt băt kơ anăn Ih. Đĭ kơ teh đak tơtey 'bơ̆t anăp Ih.

Êsai 64:7

Ưh kơ đei bu krao chă anăn Ih, kư̆m ưh kơ đei bu 'blŏk wă rôp kơjăp kiơ̆ Ih, yua kơ Ih ôn bơih muh măt Ih kơ lu nhôn, lê̆ lu nhôn răm lăm tơdrong yoch lu nhôn kơdih.

Je 21:12

Kră Yang khan: “Ơ adrĕch Đawit, Pơm bĕ tơdrong 'lơ̆ng tơpăt hơnơ̆ng rim pơgê hrôih, Dŏng pơklaih bĕ lu bơngai đe sa pơgâm, đơ̆ng ti lu bơngai pơjuă pơđep, Kơnh hli kơ Inh hil khơ̆ng thoi ŭnh, ưh kơ đei bu kĕ pĭt, Yua kơ đơ̆ng tơdrong lu iĕm đei pơm yoch kơnê̆.”

Je 8:13

Kră Yang khan: “Tơpă Inh gô iŏk lê̆ đĭ mir pơgar lu sư, tơm hơmu ưh pă đei plei; tơm hơra kư̆m ưh pă plei; hla lu sư gô kro hơlŭng, Dôm tơmam mă Inh đei ăn kơ lu sư boih, Inh gô pơdrâu iŏk đơ̆ng ti lu sư!”

Je 9:7

Lei na Kră Yang Tih Hloh khan: “Âu Inh gô pơm kơ lu sư rơgoh hăm ŭnh wă pơlong lu sư, yua kơ tơdrong yoch lu sư Inh ưh kơ gơh wă pơm kiơ nai kơ kon pơlei Inh?

Êsêkiên 21:31

Inh gô tuh tơdrong hil mĭl Inh tơ ih; Inh gô soh ŭnh tơdrong Inh blĕk tơ ih păng Inh gô pơjao ih ăn kơ lu bơngai kơnê̆, juăt kơ pơrăm đe.

Na 1:6

Bơngai bu kĕ dơ̆ng 'bơ̆t anăp Sư hil? Bu kĕ chơ̆n jơhngơ̆m kơ tơdrong Sư hil mĭl? Tơdrong blĕk Sư tuh thoi pla ŭnh, lu tơmo tih pơchah yua kơ đơ̆ng Sư.

Jêphania 1:18

Mă hu dah maih lu sư kư̆m ưh kơ gơh pơklaih lu sư đơ̆ng tơdrong Kră Yang hil mĭl; đĭ-đăng kơ teh gô răm đĭ lăm ŭnh mă Kră Yang hil mĭl, yua kơ Sư pơlôch pơđĭ kon bơngai kơpal teh âu ưh kơ tam kơ băt.”

Both 29:20

Kră Yang ưh kơ mơnat tơdrong yoch bơngai noh, mă-lei tơdrong Kră Yang hil mĭl păng gar sư noh chhông blah bơngai noh păng đĭ lu tơdrong hiap pơtê̆ chih lăm sơ̆p hla bơar 'nâu gô tơpŭ tơ kơpal sư; păng Kră Yang gô sŭt lê̆ anăn sư đơ̆ng lăm teh đak 'nâu.

Both 32:22

Inh hil thoi ŭnh sa khơ̆ng blông blông. Sa hloi tôch tơ kơđĕl hơnă pơlei lôch, ŭnh sa đĭ teh păng plei sa, sa kông pơđĭ truh tơ hơnă.

Both 4:24

Yua kơ Kră Yang 'Bok Kei-Dei iĕm thoi kơ ŭnh soh chhông păng jơ̆ Kră Yang 'Bok Kei-Dei băt kơ gar.