Êsêkiên 22:11 - Sơ̆p Hlabơar Nơ̆r 'Bok Kei-Dei

¹¹ Lăm ih đei bơngai pơm yoch ngôi kư̆ kă hăm akăn đe; lu bơngai nai pơm kư̆ kă hăm mŏ mai sư, đei mơ'nah ngôi hăm oh drŏ-kăn sư kon 'bă sư pơjing mĕ pha.

Êsêkiên 22:11 ပူးပေါင်းရင်းမြစ်များ

II Sam 13:1

Apsalôm, kon drŏ-nglo Đawit đei minh 'nu oh drŏ-kăn pôm mĕ 'bă, anăn sư Tamar, 'lơ̆ng guăng dêh. Đơ̆ng rŏng kơ noh đunh 'biơ̆, Amnôn kư̆m kon drŏ-nglo Đawit mĕ pha hưch kơ sư.

II Sam 13:11

Wă Tamar pôk hiŏng 'bĕng năm jê̆ giơng, Amnôn rôp dui na khan: “Oh, năm tơ âu 'bĭch hăm 'nhŏng.”

II Sam 13:14

Mă-lei Amnôn ưh kơ mơ̆ng; yua kơ sư pran hloh, na tơrôp pơgŏ hloi.

Je 29:23

yua kơ lu sư đei pơm yoch bơlŭk kơnê̆ boih lăm lu bơngai Isơrael, pơm yoch ngôi pơyô kư̆ kă hăm akăn lu bơngai rông 'bôt sư kơdih păng pơma hơlĕnh mă Inh ưh kơ đei athei lu sư. Inh băt păng pơm kơdranh kơ tơdrong noh. Noh Kră Yang khan.

Je 9:2

Ô! Rŏ kơ inh đei minh anih pơm anih pơdơh lăm char glă, thoi anih kơ lu bơngai tơmoi drong găn, wă kơ inh gơh weh lê̆ ataih păng achăng lê̆ kon pơlei inh; Yua kơ lu sư pơm pơyô kư̆ kă, minh khŭl bơngai hơlĕnh pơdăr.

Êsêkiên 18:11

Mă khan 'bă sư noh ưh kơ đei pơm glăi minh tơdrong kiơ ră, mă-lei kon sư sa tơmam đe soi tơ kơpal kông păng pơm kư̆ kă hăm akăn đe,

Êsêkiên 18:6

Sư ưh kơ sa 'nhĕm đe pơm yang tơ kơpal kông, ưh kơ wă lăng tơ rup yang adrĕch Isơrael. Ưh kơ pơm kư̆ kă hăm lu akăn đe, ưh kơ jê̆ lu drŏ-kăn oei 'bôh hơbĕn,

Êsêkiên 33:26

Lu iĕm gơnang kơ đao hơlă iĕm, pơm tơdrong kơnê̆ krưp, rim 'nu lu iĕm pơm kơnê̆ 'mê̆-'mach hăm akăn lu rông 'bôt kơdih; na lu iĕm gô iŏk asong băl char âu hă?

Lêwi 18:15

'Nĕ hưch pơm kư̆ kă hăm mŏ mai ih; yua kơ sư jing akăn kon drŏ-nglo ih, 'nĕ hưch kơ sư.

Lêwi 18:20

'Nĕ kơ 'bĭch hăm akăn rông 'bôt ih, kơnh pơm kơ ih jing kơnê̆ 'mê̆-'mach ih hăm sư.

Lêwi 18:6

'Nĕ kơ ăn minh 'nu lăm lu iĕm năm jê̆ bơngai drŏ-kăn kơtum kơtŏng iĕm kơdih na hưch pơm kư̆ kă, Inh boih Kră Yang.

Lêwi 18:9

'Nĕ kơ hưch pơm kư̆ kă kơ mai oh ih kơdih, mă khan pôm 'bă mĕ phara, dah minh pôm mĕ, 'bă phara, mă khan tơpŭ lăm hnam dah tơpŭ phara hnam.

Lêwi 20:10

Tơdah bơngai bu pơm kư̆ kă hưch kơ akăn đe dah pơm kư̆ kă hưch kơ akăn rông 'bôt, bre sư noh đe gô pơlôch sư.

Lêwi 20:12

Tơdah bơngai bu 'bĭch hăm mŏ mai sư kơdih đĭ kơ măr sư noh đe gô pơlôch, yua kơ măr sư pơm tơdrong kơnê̆ hơgăm dêh, pham lu sư gô tuh tơ lu sư kơdih.

Lêwi 20:17

Tơdah minh 'nu bơngai drŏ-nglo, iŏk mŏ dah oh sư kơdih minh pôm 'bă, na mĕ phara dah pôm mĕ na 'bă pha, na sư ngôi kư̆ kă, noh jing tơdrong kơnê̆ pơm kư̆ kă đe gô puh tơlĕch sư đơ̆ng anăp kon pơlei lu sư, bơngai pơm kơnê̆, pơ'brơh kơ mŏ oh sư, sư gô pŭ iŏk tơdrong glăi kơnê̆ sư.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

I Kor 6:9

Iĕm ưh kơ băt ôh hă lu bơngai pơm kơnê̆ ưh kơ gơh tŏk oei tơ dêh char 'Bok Kei-Dei ôh? Lu bơngai ngôi pơyô kư̆ kă, lu bơngai kơkuh kơ rup yang, lu bơngai plah klo kăn đe, lu bơngai tơduă drŏ-nglo tơngơ̆r băl,

Galati 5:19

Lu bơngai mă tơchĕng kiơ̆ kơ jơhngơ̆m đon sư kơdih, lu sư pơm tôm tơdrong thoi lu tơ ala âu: Sư ngôi pơyô kư̆ kă, sư ưh kơ gơh wei jơ̆ng ti kơdih;

Both 22:22

Tơdah đe rôp minh 'nu bơngai drŏ-nglo 'bĭch hơdai hăm akăn bơngai nai, đĭ măr sư noh đe gô pơlôch; thoi noh lu iĕm gô pơm rơgoh hŭt lê̆ tơdrong yoch kơnê̆ đơ̆ng lăm Isơrael.

Both 27:22

Hiap pơtê̆ bĕ kơ bơngai bu 'bĭch hơdai hăm mŏ dah oh sư kơdih, dah minh pôm 'bă, mĕ phara, dah minh pôm mĕ 'bă phara! Đĭ-đăng kon pơlei gô khan: A-men!

Hêbrơ 13:4

Bơ̆n athei pơyom kơ tơdrong ŭnh om, 'nĕ kơ pơ'brơh pơm kư̆ kă, yua kơ 'Bok Kei-Dei wă phak tơpă dôm lu bơngai mă pơm kư̆ kă thoi noh. Mă bơngai oei adruh tơdăm kư̆m lei-lăi.