Êsêkiên 21:7 - Sơ̆p Hlabơar Nơ̆r 'Bok Kei-Dei

⁷ Tơdah lu sư jet ih: Yua kơ kiơ ih ôr krao? Ih tơl tơwih khan: Noh yua kơ đei kơtơ̆ng tơdrong 'nao truh, pơm kơ rim jơhngơ̆m gô pơchah hach, lu ti gô rơdu, jơhngơ̆m đon tơchĕng gô hơngơ̆t; gô rơdu. Tơdrong noh gô truh, nơ̆r noh gô đei tơpă, Kră Yang khan thoi noh!

Êsêkiên 21:7 ပူးပေါင်းရင်းမြစ်များ

II Sam 17:10

Kơplah noh, lu bơngai nuih kơtang đei jơhngơ̆m thoi Dăm-brang kư̆m hli tơrơ tơtơ̆; yua kơ đĭ-đăng bơngai Isơrael băt kơ pơtao 'bă ih jơ̆ minh 'nu bơngai tơblah hơgei păng lu bơngai kiơ̆ sư tă kơ đei jơhngơ̆m nuih pran ngăl.

II Pot 21:12

Yua kơ thoi noh, na Kră Yang 'Bok Kei-Dei lu bơngai Isơrael khan thoi âu: Inh gô ăn tơdrong răm truh kơ Pơlei Jêrusalem păng Juđa dĭng mah mă bu bu kơtơ̆ng đe roi tơdrong noh chrêu kơ đon.

Horiso 58:7

Ăn kơ lu sư hiong, thoi đak pơhoch! Dah sư tah 'brơ̆m rĕng, pơm kơ 'brơ̆m noh tŭl.

Le 15:15

Lu kră pơgơ̆r Eđôm hli tơrơ rŭng răng dêh. Dôm lu kră pơgơ̆r char Môap dai hli tơtơ̆; Đĭ-đăng kon pơlei lăm char Kanaan jơhngơ̆m rŭng răng đĭ.

Êsai 13:7

Yua kơ thoi noh bơih na jơ̆ng ti đĭ rơdu, jơhngơ̆m rim 'nu kon bơngai đĭ hơwơ̆l hơwang.

Êsai 28:19

Rim wơ̆t tơdrong anat anot truh, sư gô rôp ba lu iĕm tơ nai, sư gô truh, rim pơgê hrôih, kơ'năr kư̆m thoi kơmăng. Lu iĕm gô hli tơrơ dêh dah hlôh băt kơ nơ̆r bơtho noh.

Êsai 35:3

Pơm ăn bĕ lu ti rơdu mă jăng, pơm ăn kơ lu kŭl-tăng rơdu mă kơjăp!

Êsai 7:2

Đei bơngai năm roi ăn kơ hnam Đawit khan: “Siri pơgơ̆p hăm Êphraim.” Na kơplah noh Ahas păng kon pơlei Juđa hli tơrơ hyĭng hyơ̆ng dang lĕ kial tơthu 'long lăm bri.

Je 26:12

Jêrêmi tơl lu kră pơgơ̆r păng lu kon pơlei: “Noh jơ̆ đơ̆ng Kră Yang wơh athei inh năm roi khan lê̆ adrol kơ tơdrong wă pơm kơ hnam akŭm păng pơlei tih âu, mă iĕm đei kơtơ̆ng boih.

Je 49:23

Khan lê̆ adrol gah pơlei Đamas: Pơlei Hamat păng pơlei Arpat hli tơrơ; yua kơ lu sư 'nao kơtơ̆ng tơdrong kơnê̆; lu sư tơtăm hơwơ̆l hơwang, thoi đak dơsĭ poh-yă.

Je 50:43

Pơtao Babilôn kơtơ̆ng ang gah lu sư, na ti sư rơdu rơreh rơrônh; Pơtao hli tơrơ, jơhngơ̆m sư jĭ tuĕnh thoi drŏ-kăn jĭ tơpŭ.

Je 8:18

Tơdrong chơt hiôk inh pă đei boih, a tơdrong pơmat pơm kơ inh, jơhngơ̆m inh đĭ rơdu rơmơ̆n.

Nhom 5:17

Yua kơ tơdrong âu jơhngơ̆m lu nhôn hơngơ̆t, Yua kơ tơdrong âu măt lu nhôn hrŏ.

Êsêkiên 20:49

Na inh khan, “Ơ Kră Yang, lu sư khan gah inh. ‘Hăm trŏ 'bok noh pơma pơtih đĕch?’ ”

Êsêkiên 21:15

Noh pơm kơ jơhngơ̆m lu sư pơchah hach, đei lơ bơngai pơ̆k lôch, Inh đei dan boih đao wă pơlôch tơ rim 'măng jang lu sư. Ô! Đao pơm boih wă kơ pơlôch đe chơchêr thoi kơmlat; đe pơiel sư wă yua koh pơlôch.

Êsêkiên 21:6

“Ơ kon bơngai, gah ih ôr krao bĕ hăm jơhngơ̆m pơchah; athei ơh sơ'ngon ôr krao 'bơ̆t anăp lu sư.

Êsêkiên 21:8

Kră Yang khan kơ inh:

Êsêkiên 22:14

Jơhngơ̆m ih hăm kơjăp, ti ih hăm pran ưh lăm năr Inh sek tơlang ih? Inh boih Kră Yang, Inh hlôi pơma boih Inh gô pơm.

Êsêkiên 24:19

Kon pơlei khan kơ inh: “Ih ưh kơ roi tơbăt ăn kơ lu nhôn tơdrong mă ih pơm thoi noh wă khan kiơ?

Êsêkiên 6:2

“Ơ kon bơngai, athei tơwih muh măt ih tơklă tơ lu kông Isơrael păng khan lê̆ adrol blah plơ̆ lu sư

Êsêkiên 7:17

Rim tơpang ti gô rơdu ưh pă jăng, dôm lu kŭl-tăng rơdu rơmuăn thoi đak.

Êsêkiên 7:26

Tơdrong gleh răm âu truh kư̆m đei dơ̆ng tơdrong gleh răm nai truh; kơtơ̆ng ang đei tơdrong âu kư̆m đei kơtơ̆ng ang tơdrong nai hai dơ̆ng. Lu sư chă tơdrong tơ'bôh đơ̆ng lu bơngai khan lê̆ adrol; tơdrong bơtho tơ'bôh khôi juăt đơ̆ng 'bok soi hăm đơ̆ng lu kră tă kơ hiong tôch đĭ bơih.

Da 5:6

Na muh măt pơtao păng đon tơchĕng sư tơplih pơm kơ sư hơwơ̆l hơwang; lu kơting rŏng sư pă tơklep păng 'bar pah kŭl-tăng sư pơpơ̆ hơtŭt băl.

Lêwi 26:36

Lu bơngai mă oei arih inh gô ăn kơ lu sư rơdu lêl kơplah lu sư oei lăm teh đak bơngai ayăt kơ lu sư. Minh hlak hla kial dơhlu kư̆m pơm kơ sư kơdâu ôn, lu sư kơdâu thoi đe kơdâu kơ đao hơlă păng gô pơ̆k mă ưh kơ đei bu druh sư.

Na 2:10

Lu sư đe pơrăm lê̆ boih, pă đei kiơ păng pơrăm iŏk tơgar đĭ; jơhngơ̆m lu sư ơh sơ'ngon; kŭl-tăng lu sư pơpơ̆ hơtŭt băl kơiĕng lu sư jĭ ngăl, đĭ-đăng muh măt lu sư dreng hơ'blă.

Luka 21:26

'Bok Kei-Dei gô gơgŭ sơnglŏng đơ̆ng plĕnh na kon bơngai chang gô kơ tơdrong anat anot wă truh tơ jơ̆p-jang kơ ala teh âu, na lu sư hli dang lĕ kơ wă lôch.

Both 20:8

Lu yŏng pơgơ̆r linh khan dơ̆ng hăm lu linh: Bơngai bu hli tơrơ? Brŏk bĕ tơ hnam sư, kơnh jơhngơ̆m 'nhŏng oh wang hơdai hli thoi sư mơ̆n,

Hêbrơ 12:12

Thoi noh na iĕm 'nĕ kơ pơhơi, athei iung mă tơpăt.

Jôsuê 5:1

Kơplah pơtao đe Amôrit gah bơmơ̆t kơ đak Krong Jôrđăn păng đĭ-đăng lu pơtao đe Kanaan, oei jê̆ đak dơsĭ 'nao kơtơ̆ng khan Kră Yang đei pơm kơ Krong Jôrđăn hrơ̆ hrĕng, 'bơ̆t anăp lu kon pơlei Isơrael, dĭng mă lu sư yak tŏk hlôi kơ đak krong, na jơhngơ̆m lu pơtao hli tơtơ̆, mah pă pơ̆n tơ'bơ̆p hăm lu kon pơlei Isơrael.

Jôsuê 7:5

Bơngai pơlei Ahi pơlôch dang pêng-jĭt tơdrâu 'nu, druh lu linh Isơrael đơ̆ng 'măng dur pơlei truh tơ Sêbarim, blah lu sư kơplah lu sư jur tơ krang, jơhngơ̆m lu sư hli tơrơ thoi đak ro

I Pet 4:7

Khei 'năr wă jê̆ tôch boih na iĕm athei tơchĕng đon mă hơgei wă kơ kơchăng kơ tơdrong krao khan pơnam.