Êsêkiên 21:3 - Sơ̆p Hlabơar Nơ̆r 'Bok Kei-Dei

³ Khan bĕ kơ teh đak Isơrael: Kră Yang khan thoi âu: Âu, Inh năm wă phak lu iĕm. Inh gô toh đao Inh đơ̆ng hơnglop, pơrăm lu bơngai tơpăt păng lu bơngai kơnê̆ đơ̆ng lăm lu iĕm.

Êsêkiên 21:3 ပူးပေါင်းရင်းမြစ်များ

Jop 9:22

Đĭ-đăng bơngai lei-lăi đĕch; na inh khan, Sư pơrăm bơngai tơpăt hăm bơngai pơm kơnê̆.

Horiso 17:13

Ơ Kră Yang, iung bĕ răp tơpơ̆k tơhuŏng lê̆ lu sư; Iŏk đao gưm han Ih dŏng pơklaih bơhngol inh klaih đơ̆ng lu bơngai kơnê̆.

Horiso 80:17

Hơpơi kơ Ih tơgŭm bơngai hơ-oei cheng 'ma Ih. Bơngai drŏ-nglo mă Ih đei bơwei rong kơdih boih.

Horiso 83:15

ăn bĕ hơbŭt hơbang Ih druh drŭt lu sư. Păng yua hơbŭt hơbang Ih, pơm kơ lu sư hli krưp thoi noh.

Le 15:9

Linh ayăt khan: Bơ̆n druh, bơ̆n gô druh tam, Bơ̆n gô hiôk asong băl tơmam đơ̆ng bơ̆n blah iŏk; Inh toh đao gưm pơlôch lu sư.

Bôk Bơthô 9:2

Tôm tơdrong đei hơgăt kơ kon bơngai lei-lăi băl ngăl: Bơngai pơm 'lơ̆ng dah bơngai pơm kơnê̆, bơngai 'lơ̆ng rơgoh dah bơngai 'mê̆-'mach, bơngai pơyơ̆r tơmam soi dah bơngai ưh kơ pơyơ̆r, bơngai 'lơ̆ng dah bơngai pơm yoch, bơngai đei nơ̆r pơkăm pơkă dah bơngai hli kơ nơ̆r pơkă, đĭ-đăng đei iŏk hơdai minh tơdrong đơ̆ng 'Bok Kei-Dei 'măn lê̆ boih.

Êsai 10:5

Răm-'băm tơpă kơ dêh char Asiri, sư thoi sơnguĕt tơdrong Inh hil mĭl, 'long jra mă lu sư chĕp 'bơ̆t ti noh tơdrong Inh hil mĭl.

Êsai 34:5

Mưh đao gưm Inh huch suai bơih tơ kơpal plĕnh. Na 'nâu sư gô jur tơ Eđôm, jur tơ kon pơlei mă Inh đei sek wă pơrăm lu sư.

Êsai 57:1

Bơngai 'lơ̆ng tơpăt lôch đĭ. Ưh kơ đei bơngai bu 'blŏk hơdơ̆r. Bơngai đei jơhngơ̆m đon 'mêm mơnat đĭ hiong. Ưh kơ đei bơngai bu băt tơchĕng khan. Bơngai 'lơ̆ng tơpăt Kră Yang iŏk sư wă kơ sư huay kơ 'bơm tơdrong truh răm.

Je 17:27

Mă-lei tơdah lu iĕm kuă kơ mơ̆ng Inh, ưh kơ 'măn năr Sa'bat pơm năr giĕng 'lơ̆ng rơgoh păng pŭ tung tơmam kiơ yak rok trong 'măng jang pơlei Jêrusalem, lei Inh gô dan ŭnh 'bơ̆t 'măng jang pơlei tih, ŭnh noh gô sa pơrăm lu hnam tih kơjăp lăm pơlei tih Jêrusalem, ưh kơ đei layơ gơh păt.”

Je 21:13

Kră Yang khan: “'Nâu Inh wă blah lu iĕm, ơ pơlei tih Jêrusalem, oei kơpal tơmo tih dơnă lăm anih groi kông, lăng tơ bơngai oei lăm thŭng, Lu iĕm khan, ‘Bơngai bu gơh năm blah bơ̆n? Bơngai bu kĕ mơ̆t lăm anih kơjăp bơ̆n kơ'nơp?’ ”

Je 21:14

Kră Yang khan: “Inh gô phak lu iĕm kiơ̆ thoi tơdrong yoch lu iĕm đei pơm. Inh gô prah ŭnh tơ hnam pơtao iĕm ŭnh gô sa pơđĭ tơmam tăp dă.”

Je 50:31

Kră Yang Tih Hloh khan: “Ơ dêh char pơang, 'nâu inh hil blah ih! Năr ih truh boih, Năr jơ Inh wă phak pơmat ih truh boih.

Je 51:20

Ih boih mut, tơmam Inh yua wă tơblah, Inh yua ih wă teh pơchah lu kon pơlei păng pơrăm đĭ dêh char.

Je 51:25

Kră Yang khan: “Ơ kông ngăl pơrăm, 'nâu Inh pơrăm ih, ih boih mă pơrăm đĭ-đăng teh đak! Inh gô yơ̆r ti pơm kơ ih, tơlơ̆ ih đơ̆ng tơmo cheng kông, pơm ăn kơ ih jing thoi kông ŭnh sa khôi ngơr.

Êsêkiên 13:8

Thoi noh na Kră Yang Tih Hloh khan: Yua kơ lu iĕm pơma hơlĕnh, 'bôh tơdrong ưh kơ trŏ, âu Inh blah plơ̆ lu iĕm, Kră Yang Tih Hloh khan thoi noh.

Êsêkiên 14:17

Dah mă Inh ăn đei tơdrong tơblah hăm char noh păng khan: ‘Athei ăn kơ đe iŏk đao hơlă tơblah lăm char’ păng pơlôch pơrăm đĭ kon bơngai păng lu sem dơrong,

Êsêkiên 14:21

Kră Yang Tih Hloh khan thoi âu: “Rai krưp kơnê̆ hloh dơ̆ng mưh Inh ăn puăn tơdrong sek tơlang trăp; tơdrong đao hơlă tơblah, tơdrong pơngot rơwĕt, tơdrong sem bri pơrăm păng tơdrong lôch hơbuh truh tơ Jêrusalem wă pơlôch đĭ bơngai păng sem dơrong.

Êsêkiên 21:19

“Ơ kon bơngai, ih athei chrek 'bar tŏ trong ăn kơ đao pơtao char Babilôn wă truh, 'bar tŏ trong noh đơ̆ng minh pôm teh đak; athei chhơ̆ tơdra tơ'bôh 'bơ̆t kơ̆l trong năm mơ̆t tơ pơlei.

Êsêkiên 24:9

Na Kră Yang khan: “Răm-'băm kơ pơlei đei tuh pham! Inh gô akŭm 'long ŭnh lơ hloh.

Êsêkiên 26:3

Thoi noh, Kră Yang khan: Ơ Tirơ! Âu, Inh wă phak ih. Inh gô ăn lơ teh đak iung blah ih, nhen thoi đak dơsĭ poh-yă.

Êsêkiên 29:10

lei na 'nâu, Inh blah ih păng lu krong ih, Inh gô pơm kơ char Êyiptơ iŏk đơ̆ng pơlei Mikdôl păng pơlei Aswan truh tơ hơdral Êthiôpi jing juơ tơtŭng.

Êsêkiên 5:12

Minh lăm pêng lăm lu khŭl ih gô lôch hơbuh păng gô lôch kơ pơngot rơwĕt minh lăm pêng gô pơ̆k lôch kơ đao hơlă tăp dăr kơ ih; mă minh lăm pêng dơ̆ng Inh gô pơm kơ lu sư tơklah tơklang tơ jơ̆p-jang kơ teh păng Inh gô toh đao druh 'moi lu sư.

Êsêkiên 5:8

Na, Kră Yang Tih Hloh khan: “Âu, Inh kơdih akâu Inh blah ih păng Inh gô phak ih 'bơ̆t anăp lu dêh char.

Lêwi 26:25

Inh gô ăn đao hơlă pơm kơ lu iĕm. Wă pơm 'mong đêl iĕm pơm glăi tơdrong pơgơ̆p Inh; tơdah lu iĕm akŭm băl lăm pơlei tih lu iĕm, Inh gô ăn tơdrong jĭ hơbuh 'bơm tơ lu iĕm păng jao iĕm lăm ti lu bơngai ayăt kơ iĕm.

Lêwi 26:33

Inh pơrŭng lu iĕm tơklah tơklang jơ̆p kơ adrĕch adrung bơngai păng Inh gô iŏk đao gưm 'bet lu iĕm; na char lu iĕm gô juơ rơhiăng, pơlei tih lu iĕm hrơ-hrĕng kơkot.

Am 5:6

Chơchă bĕ Kră Yang, na lu iĕm gô arih; tơdah ưh Kră Yang gô phak adrĕch Jôsep păng pơlei Bethel, thoi ŭnh sa ưh kơ đei bu kĕ pĭt.

Am 7:4

Thoi noh Kră Yang tơ'bôh ăn kơ inh: Kră Yang ăn ŭnh truh wă sek tơlang ŭnh noh sa jrŭ să, oei sa sơlŭng păng teh đak.

Na 2:13

Kră Yang khan: 'Nâu, Inh tơblah hăm ih. Inh gô soh lu gre aseh ih lăm ŭnh. Đao gưm gô luăn sa kon dăm-brang ih; Inh gô pơlôch lê̆ dôm kon sem ih châu sa đơ̆ng teh âu; păng lu bơngai ih wơh nơ̆r ih ưh pă kơtơ̆ng boih.

Na 3:5

Kră Yang Tih Hloh khan: 'Nâu, dang ei Inh wă blah ih; Inh gô plôh lê̆ ao tai ih, gô tơ'bôh pơdah ih akâu hoh ăn kơ kon pơlei pơla lăng păng roi dôm tơdrong mơlâu ih kơ rim teh đak.

Jêphania 2:12

“Ơ kon pơlei Êthiôpi, đe gô 'bet lu iĕm hăm đao Inh.”

Sa 13:7

Kră Yang Tih Hloh khan thoi âu:* “Ơ đao iung tơblah bĕ hăm lu bơngai wei triu Inh păng blah hăm lu buăl juăt Inh. Blah bĕ lu bơngai wei triu, lê̆ triu tơklah tơklang; păng Inh gô iŏk ti Inh pơm tơwih kơ lu triu iĕ noh.”