Êsêkiên 21:12 - Sơ̆p Hlabơar Nơ̆r 'Bok Kei-Dei

¹² Ơ kon bơngai, ôr nhơ̆m hmoi bĕ yua kơ đao noh wă blah kon pơlei Inh, blah lu yŏng pơgơ̆r Isơrael, đe jao boih lu sư kơ đao hăm lu kon pơlei Inh. Thoi noh sơ'ngon, pă đei tơdrong hơmĕng, tŭr kơtơh bĕ!

Êsêkiên 21:12 ပူးပေါင်းရင်းမြစ်များ

Êsai 13:7

Yua kơ thoi noh bơih na jơ̆ng ti đĭ rơdu, jơhngơ̆m rim 'nu kon bơngai đĭ hơwơ̆l hơwang.

Je 25:34

“Ơ lu bơngai wei triu, nhơ̆m hmoi bĕ, ôr krao bĕ! Ơ tơ'ngla triu tơgrŏl pơpơ̆ bĕ yua kơ truh boih năr đe pơlôch lu iĕm, lu iĕm gô pơ̆k lôch thoi gŏ teh gĭt pơchah.

Je 31:12

Lu sư gô năm hơri hiôk chơt tơ anih kơjung kơpal kông Siôn; muh măt lu sư chơt hiôk đơ̆ng Kră Yang ăn pŭn hiôk rơkah rơkai: 'Ba mi, sik hơmu, đak rơmă ôliwơ, kon triu, bơbe, sem dơrong, Jơhngơ̆m lu sư thoi pơgar đak hngôm hơiuh, ưh pă đei sơ'ngon kơ kiơ dơ̆ng.

Je 31:19

Tơpă, đơ̆ng rŏng kơ inh weh đơ̆ng Kră Yang, inh tơbral boih; đơ̆ng rŏng kơ inh băt hlôh, inh tŭr kơtơh hmach. Inh mơlâu dêh, Inh pŭ tơdrong mơlâu đơ̆ng pơm yoch đơ̆ng oei tơdăm mơlôh.”

Êsêkiên 21:11

Pla đao âu pơiel rang pơchĕp ăn 'bơ̆t ti đe. Pla đao pat han păng pơiel rang pơjao kơ bơngai mă chă pơlôch đe.

Êsêkiên 21:13

Kră Yang khan: Đei tơdrong pơlong lăng truh, mă-lei tơdah lu iĕm kư̆m oei lăng pơhơi kơ 'long jra teh bơtho noh, lei tơdrong răm noh ưh kơ truh hă?

Êsêkiên 21:14

Ơ kon bơngai, gah ih, khan lê̆ adrol bĕ, tap bĕ ti ih ăn kơ đao koh 'bar dah pêng wơ̆t; đao koh pơlôch lơ bơngai, pơrăm lơ bơngai: Đao gô wang chĭt tăp tang kơ lu sư.

Êsêkiên 21:25

Gah ih, ơ pơtao Isơrael pơm kơnê̆ kư̆ kă, năr ih truh boih kơ năr tôch wă phak.

Êsêkiên 21:6

“Ơ kon bơngai, gah ih ôr krao bĕ hăm jơhngơ̆m pơchah; athei ơh sơ'ngon ôr krao 'bơ̆t anăp lu sư.

Êsêkiên 22:6

To, lu yŏng Pơgơ̆r Isơrael oei lăm ih, rim 'nu yua tơdrong pran kơtang kơdih pơm tuh pham pơlôch đe.

Êsêkiên 30:2

Ơ kon bơngai, athei khan lê̆ adrol thoi âu: Kră Yang khan: Nhơ̆m hmoi bĕ; răm tơpă năr ei kơnh!

Êsêkiên 6:11

Kră Yang Tih Hloh khan thoi âu: Athei tap ti kơtrơ̆m jơ̆ng păng krao ôr! Ơu kah! Gah dôm tơdrong kơnê̆ krưp adrĕch adrung Isơrael, lu sư gô lôch kơ đao hơlă pơngot rơwĕt păng jĭ lôch hơbuh.

Êsêkiên 7:17

Rim tơpang ti gô rơdu ưh pă jăng, dôm lu kŭl-tăng rơdu rơmuăn thoi đak.

Êsêkiên 9:8

Kơplah lu sư năm pơlôch đe, inh oei minh 'nu. Inh bon muh măt tơ teh ôr krao: “Ơ Kră Yang Tih Hloh, Ih hil mĭl kơ pơlei Jêrusalem, Ih wă pơlôch đĭ lu kon pơlei Isơrael hă?”

Jôel 1:13

Ơ lu 'bok soi, hrŭk bĕ ao 'bi na nhơ̆m hmoi. Ơ lu bơngai mă bơ̆jang 'bơ̆t chơnang soi, nhơ̆m hmoi bĕ. Ơ lu bơngai mă jang kơ Kră Yang 'Bok Kei-Dei, hrŭk hơbĕn ao 'bi hiah na tep om prăt măng, yua kơ tơmam soi phe 'ba, păng tơmam soi huch pă đei bơih lăm hnam Kră Yang 'Bok Kei-Dei lu iĕm!

Jôel 2:1

Hlôm bĕ keng tơ lăm pơlei Siôn, hlôm tơgiĕp krao bĕ wă kơ đe kơchăng tơ kông rơgoh Inh! Đĭ-đăng kon pơlei hli tơtơ̆ bĕ, yua kơ wă jê̆ truh năr Kră Yang wă phak. Tơpă năr Kră Yang wă jê̆ truh.

Mi 1:8

Thoi noh Inh gô nhơ̆m hmoi păng ôr tơngưih, plôh ao năm jơ̆ng hoh. Inh gô ôr krao thoi kŏ bri păng ôr tơngưih pơmat-tat thoi sem bơrơ̆m.