Êsêkiên 20:6 - Sơ̆p Hlabơar Nơ̆r 'Bok Kei-Dei

⁶ Lăm năr noh Inh yơ̆r ti pơkă hăm lu sư, inh gô chông anhăk lu sư lĕch đơ̆ng char Êyiptơ năm tơ anih mă Inh đei chơchă ăn kơ lu sư bơih, teh đei đak toh păng đak sut lơ, noh teh ư-ang hloh kơ đĭ-đăng char.

Êsêkiên 20:6 ပူးပေါင်းရင်းမြစ်များ

Ne 9:12

Kơ'năr Ih yua hơmơ̆l chông anhăk lu sư păng kơmăng Ih yua jrăng ŭnh, wă pơchrang hơdah kơ lu sư yak năm rok trong.

Ne 9:9

Ih 'bôh boih tơdrong pơmat-tat lu 'bok nhôn lăm dêh Êyiptơ, đei kơtơ̆ng boih nơ̆r lu sư krao ôr 'bơ̆t đak dơsĭ 'brê.

Horiso 106:24

Lu sư lăng hơi đĕch dêh char 'lơ̆ng rŏ. Ưh kơ lui kơ nơ̆r Kră Yang pơkă.

Horiso 47:5

Kră Yang 'Bok Kei-Dei tŏk hăm nơ̆r jreo chơt hiôk, Kră Yang tŏk păr lăm jơwa keng re

Horiso 48:2

Kông Siôn 'lơ̆ng rŏ chơngôl kơjung, thoi anih kơjung Saphon noh, kông Siôn pơlei kơ pơtao tih oei, jing tơdrong chơt hiôk kơ đĭ teh đak.

Le 13:5

Mưh layơ Kră Yang ba lu iĕm tơ dêh kon pơlei Kanaan, kon pơlei Hêtit, kon pơlei Amôrit, kon pơlei Hêwit păng kon pơlei Jêbus boih, dêh teh mơ̆r 'lơ̆ng thoi đak sut đak toh păng dêh Kră Yang mă pơkă hăm lu 'bok iĕm, na truh lăm khei 'nâu ih athei wei răk tơdrong giĕng 'nâu.

Le 3:17

na Inh khan: Inh gô iŏk tơlĕch iĕm đơ̆ng pơmat-tat lăm dêh Êyiptơ, wă anhăk ba iĕm tơ dêh Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus, wă khan minh dêh char đak toh, đak sut.

Le 3:8

lei Inh jur wă pơklaih lu sư đơ̆ng ti bơngai Êyiptơ, chông tơlĕch lu sư đơ̆ng dêh 'noh năm tơ dêh 'lơ̆ng rŏ, glă rơhơi, đei tơmam sa mah rơkah rơkai dêh char đak toh, đak sut, 'noh char Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus oei tơ noh.

Le 33:3

năm bĕ iĕm tơ char đei đak toh, hăm đak sut; mă-lei Inh ưh kơ đei năm hơdai ih ôh, yua kơ iĕm adrĕch arăng kơ̆l kơnh hli kơ Inh pơrăm lê̆ lu iĕm rok trong.

Le 6:8

Inh gô chông ba lu iĕm mơ̆t lăm dêh mă Inh pơkă wă ăn kơ Abraham, kơ Isăk păng Jakôp inh gô ăn kơ lu iĕm dêh 'noh wă kơ jang sa, Inh boih Kră Yang.

Je 11:5

Na Inh wă pơsĭt nơ̆r Inh pơkă pơkăm hăm lu 'bok yă iĕm, wă ăn kơ lu sư dêh char 'lơ̆ng đei ro thoi đak sut đak toh,’ char mă iĕm oei dang ei.” Inh tơl: “Ơ Kră Yang ăn đei bĕ thoi noh, A-men.”

Je 3:19

Gah Inh hơpơi: “Rŏ kơ Inh lăng iĕm thoi kon drŏ-nglo Inh, Inh ăn kơ lu iĕm dêh char 'lơ̆ng, teh jang sa 'lơ̆ng hloh kơ đĭ-đăng lu char nai! Inh hơpơi wă kơ iĕm krao Inh ‘'Bă’ Păng ưh pă weh achăng lê̆ Inh.

Je 32:22

Ih jao ăn kơ lu sư teh đak âu, teh đak 'bĕnh kơ đak toh păng đak sut, mă Ih đei pơkă wă ăn kơ lu yă 'bok lu sư sơ̆.

Êsêkiên 20:15

Mă-lei, Inh đei yơ̆r ti pơkăm pơkă hăm lu sư tơ lăm char glă thoi âu Inh ưh kơ chông ba lu sư năm tơ teh mă Inh wă ăn kơ lu sư, teh đak toh păng đak sut, noh teh ư-ang hloh kơ đĭ-đăng lăm char.

Êsêkiên 20:23

Inh đei yơ̆r ti pơkăm pơkă hăm lu sư lăm char glă inh gô pơm kơ lu sư tơklah tơklang tơ jơ̆p lăm lu adrĕch adrung, tơrak 'brak tơ lăm dêh char,

Êsêkiên 20:42

Na lu iĕm gô băt inh boih Kră Yang, kơplah Inh chông ba lu iĕm mơ̆t lăm teh đak Isơrael, lăm dêh char mă Inh đei pơkă pơkăm wă ăn kơ 'bok yă lu iĕm.

Êsêkiên 20:5

Athei khan kơ lu sư: ‘Kră Yang khan thoi âu: Kơplah Inh rơih iŏk Isơrael. Inh pơkă hăm lu adrĕch adrung Jakôp, ăn kơ lu sư băt kơ Inh lăm char Êyiptơ, Inh đei yơ̆r ti Inh pơkă pơkăm hăm lu sư, thoi âu: “Inh boih Kră Yang 'Bok Kei-Dei lu iĕm;

Êsêkiên 47:14

Rim 'nu gô klah asong dih băl teh wă jang sa lei-lăi băl; yua kơ Inh đei pơkă boih gô ăn teh char âu kơ 'bok yă lu iĕm, na teh âu lu iĕm gô iŏk wă jang sa.

Da 11:16

Mă-lei lu linh mă năm blah lu sư pơm kiơ̆ mơ̆ng kơ lu sư wă păng ưh kơ đei bu kĕ blah lu sư dơ̆ng, sư gô oei hloi lăm teh đak noh ling-lang, pơgơ̆r tơdrong chă pơrăm đe.

Da 11:41

Sư gô mơ̆t truh tơ teh đak ư-ang păng đei lơ dêh char gô pơchah. Mă-lei lu bơngai Eđôm, lu bơngai Môap păng lu bơngai pơgơ̆r lăm lu kon pơlei Ammôn gô klaih đơ̆ng ti sư.

Da 8:9

Yua kơ đei minh lăm lu hơke noh, chăt dơ̆ng minh pôm hơke iĕ, rai tih, rai tih jing kơjăp, gah gơal gah hơlĕch, tơklă tơ gah teh đak ư-ang.

Lêwi 20:24

Inh khan kơ lu iĕm, lu iĕm gô iŏk teh đêl lu sư oei, Inh ăn kơ lu iĕm đei teh noh, wă pơm tơmam iĕm kơdih, noh jơ̆ teh đak toh, đak sut kơdrot, Inh boih Kră Yang 'Bok Kei-Dei lu iĕm, plah iŏk lu iĕm đơ̆ng kon pơlei nai.

Sa 7:14

Inh đei pơm ăn kơ lu sư tơklah tơklang thoi đei kial hơbŭt tih tơ jơ̆p-jang lăm teh đak mă lu sư tam mă biơh băt; na lăm teh đak jing juơ, đơ̆ng rŏng kơ lu sư noh, dĭng mah pă đei bu năm rok noh wih brŏk tơ noh; yua kơ lu sư pơm ăn kơ teh đak đơ̆ng chơt hiôk jing juơ juŏ.’ ”

Jo 13:27

Lu sư khan kơ Môis, lu nhôn đei truh boih tơ char mă ih đei wơh nhôn năm; lăm char noh teh mơ̆r 'lơ̆ng tơmam sa rơkah rơkai, 'nâu boih plei 'long sa đơ̆ng char noh.

Jo 14:8

tơdah Kră Yang lăp đon hăm bơ̆n sư chông ba ăn kơ bơ̆n mơ̆t oei lăm char noh; char noh đei mơ̆r 'lơ̆ng tơmam sa rơkah rơkai. Kră Yang gô ăn char noh kơ lu bơ̆n.

Both 11:9

Wă kơ lu iĕm arih sot tơ teh đak mă Kră Yang pơkă boih wă ăn kơ lu 'bok iĕm păng ăn kơ adrĕch adrung lu sư, teh đak toh păng đak sut.

Both 26:15

Apơi kơ Kră Yang đơ̆ng anih 'lơ̆ng rơgoh Ih tơ kơpal plĕnh ti, nger lăng păng ăn tơdrong pŭn hiôk kơ lu bơngai Isơrael, Ih hăm teh đak mă Ih ăn boih kơ lu nhôn kư̆m thoi đei pơkă boih hăm 'bok yă lu nhôn sơ̆, wă khan dêh thoi đak toh thoi đak sut 'nâu.

Both 26:9

Chông ba lu nhôn truh tơ âu, ăn kơ lu nhôn dêh char 'nâu, dêh char đak toh păng đak sut.

Both 27:3

Na chih dôm nơ̆r khôi juăt 'nâu, mưh iĕm năm hlôi boih kơ đak Krong Jôrđăn mơ̆t tơ dêh mă Kră Yang 'Bok Kei-Dei iĕm ăn, mă dêh 'bĕnh kơ đak toh păng đak sut, thoi Kră Yang 'Bok Kei-Dei 'bok iĕm pơkă boih hăm iĕm.

Both 3:25

Inh apinh Ih ăn kơ inh gơh 'bôh teh đak 'lơ̆ng rŏ, hăm kông groi tih rŏ păng kông Liban mă oei pah to đak Krong Jôrđăn.

Both 31:20

Đơ̆ng rŏng Inh chông ba lu sư mơ̆t lăm dêh char Inh hlôi pơkă boih hăm 'bok lu sư; dêh 'bĕnh kơ đak toh đak sut; lu sư gô sa phĭ păng bek, wơ̆t bơ̆jang kơkuh lu yang nai, lu sư gô pơdê lê̆ Inh păng pơm glăi kơ tơdrong pơgơ̆p Inh.

Both 32:40

Inh yơ̆r ti tơhlâu tơ plĕnh păng khan: Tơpă Inh oei arih ling-lang.

Both 32:8

Mưh kơplah Kră Yang Tih Hloh klah asong ăn teh kơ kon pơlei. 'Bơ̆t Sư ăn kơ adrĕch adrung Ađam tơklah tơklang. Sư hơgăt ăn hơdral kơ rim adrĕch, kiơ̆ kơ kơ̆l kon pơlei bơngai Isơrael.a

Both 6:3

Ơ Isơrael, mơ̆ng bĕ păng pơm kiơ̆ tơdrong noh wă kơ iĕm gơh đei pŭn hiôk păng rai lơ, dêh char thoi đak toh đak sut mă Kră Yang 'Bok Kei-Dei lu 'bok iĕm đei pơkă hăm lu iĕm.

Jôsuê 5:6

Kon pơlei Isơrael hlôi yak năm wih wơ̆t lăm char glă puăn-jĭt sơnăm, dĭng mah truh tơ kon drŏ-nglo lôch đĭ noh lu bơngai trŏ kơ pơm linh kơplah lu sư 'nao lĕch đơ̆ng char Êyiptơ, yua kơ ưh kơ chu kiơ̆ kơ nơ̆r Kră Yang. Yua kơ Kră Yang đei pơkă khan lu sư ưh kơ gơh 'bôh dêh char mă Kră Yang đei pơkă wă ăn kơ lu 'bok sư păng wă ăn kơ lu sư teh, đak sut đak toh.