Êsêkiên 20:47 - Sơ̆p Hlabơar Nơ̆r 'Bok Kei-Dei

⁴⁷ Khan bĕ kơ lu bri kơdrơ̆ng gah gơal. Mơ̆ng bĕ nơ̆r Kră Yang: 'Nâu nơ̆r Kră Yang khan: 'Nâu Inh gô tơkuh ŭnh soh lăm tŏk-bŏk lu iĕm, ŭnh gô sa đĭ-đăng lu 'long hơdrih păng lu 'long kro. Ŭnh khơ̆ng ưh kơ đei păt, muh măt rim 'nu lu bơngai lăm char gah gơal truh tơ char gah yă-nơ̆m ŭnh sa khôi đĭ.

Êsêkiên 20:47 ပူးပေါင်းရင်းမြစ်များ

Êsai 13:8

Lu sư hli tơrơ, đei tơdrong hang nuih ơh sơ'ngon gô truh tơ lu sư, lu sư đei tơdrong jĭ truh tơ lu sư thoi drŏ-kăn jĭ anăp wă tơpŭ, lu sư hli tơrơ na lu sư pơglăn băl tơduă lu sư muh măt lu sư nhen thoi pla ŭnh.

Êsai 30:33

Tôphêt đei hơmet lê̆ đơ̆ng sơ̆ bơih anih wă soh. Sĭt tơpă đei hơmet bơih ăn kơ pơtao, Hơlŭng ŭnh jrŭ păng să, đei ŭnh păng 'long ŭnh lơ, hơyuh dui jơhngơ̆m Kră Yang thoi glung tơmo ŭnh sa khơ̆ng.

Êsai 66:24

Wă lu sư lĕch năm 'bôh akâu lu bơngai mă ayăt hăm Inh lôch; yua kơ hrai sa lu sư ưh kơ đei layơ lôch, ŭnh sa lu sư kư̆m ưh kơ đei layơ păt, lu sư gô jing tơdrong krưp kơnê̆ pơm ăn kơ rim kon bơngai.”

Je 17:27

Mă-lei tơdah lu iĕm kuă kơ mơ̆ng Inh, ưh kơ 'măn năr Sa'bat pơm năr giĕng 'lơ̆ng rơgoh păng pŭ tung tơmam kiơ yak rok trong 'măng jang pơlei Jêrusalem, lei Inh gô dan ŭnh 'bơ̆t 'măng jang pơlei tih, ŭnh noh gô sa pơrăm lu hnam tih kơjăp lăm pơlei tih Jêrusalem, ưh kơ đei layơ gơh păt.”

Je 21:12

Kră Yang khan: “Ơ adrĕch Đawit, Pơm bĕ tơdrong 'lơ̆ng tơpăt hơnơ̆ng rim pơgê hrôih, Dŏng pơklaih bĕ lu bơngai đe sa pơgâm, đơ̆ng ti lu bơngai pơjuă pơđep, Kơnh hli kơ Inh hil khơ̆ng thoi ŭnh, ưh kơ đei bu kĕ pĭt, Yua kơ đơ̆ng tơdrong lu iĕm đei pơm yoch kơnê̆.”

Je 21:14

Kră Yang khan: “Inh gô phak lu iĕm kiơ̆ thoi tơdrong yoch lu iĕm đei pơm. Inh gô prah ŭnh tơ hnam pơtao iĕm ŭnh gô sa pơđĭ tơmam tăp dă.”

Êsêkiên 16:35

Na ơ bơngai pơm đi, athei mơ̆ng bĕ nơ̆r Kră Yang.

Êsêkiên 17:24

Đĭ-đăng lu 'long tơ bri brah gô băt kơ Inh boih Kră Yang, tơjur lê̆ 'long kơjung na hơtŏk lu 'long kơđeh, pơm kơ 'long hơdrih jing kro, 'long kro jing hơdrih 'lơ̆ng. Inh boih Kră Yang đei khan păng gô pơm tơdrong noh.’ ”

Êsêkiên 19:14

Ŭnh lĕch đơ̆ng tơ'bla sư sa đĭ plei noh, thoi noh na ưh pă đei dơng 'lơ̆ng ayơ oei đei, wă yua pơm 'long jra pơtao. Noh tơdrong nhơ̆m hmoi, jing nơ̆r hơri nhơ̆m hmoi.’

Êsêkiên 21:10

Noh wă koh pơlôch, pat han wă koh pơlôch; iel rang thoi kơmlat, bơ̆n hăm hiôk dah ưh? Iĕm lăng pơhơi dêh kơ 'long jra pơtao, kon drŏ-nglo Inh păng lu 'long sơnguĕt sư.

Êsêkiên 21:32

Ih thoi 'long ŭnh wă tơkuh, pham ih gô lĕch lăm teh, ưh pă bu 'blŏk kơ ih dơ̆ng; yua kơ Inh Kră Yang khan thoi noh.’ ”

Êsêkiên 24:5

Athei rôp iŏk sem dơrong ayơ mă 'lơ̆ng hloh lăm khŭl, dan kơting pơm 'long ŭnh ala kơ gŏ. Rơ̆ sư mă tŏ blôk kư̆m rơ̆ hơtŭk kơting lăm gŏ noh.’”

Luka 23:31

Dah đe pơm kơnê̆ dang âu kơ Inh bơngai mă ưh kơ pơm yoch yua kơ Inh thoi lĕ kơ 'long adrih đĕch, bĭ đe gô pơm dang yơ kơ lu bơngai pơm yoch, yua kơ lu sư thoi lĕ kơ 'long ŭnh kro, ŭnh 'bônh kơ sa tơpă?”

Both 32:22

Inh hil thoi ŭnh sa khơ̆ng blông blông. Sa hloi tôch tơ kơđĕl hơnă pơlei lôch, ŭnh sa đĭ teh păng plei sa, sa kông pơđĭ truh tơ hơnă.