Êsêkiên 20:4 - Sơ̆p Hlabơar Nơ̆r 'Bok Kei-Dei

⁴ “Ơ kon bơngai, ih wă sek tơlang lu sư ưh, ih wă sek tơlang lu sư hă? Athei Ăn kơ lu sư băt tơdrong kơnê̆ krưp lu yă 'bok lu sư.

Êsêkiên 20:4 ပူးပေါင်းရင်းမြစ်များ

Êsai 5:3

“Ơ kon pơlei oei lăm pơlei Jêrusalem păng lu bơngai oei lăm char Juđa. Apinh sek tơlang bĕ kơ Inh păng pơgar hơmu Inh.

Je 11:14

“Gah ih 'nĕ pă krao khan tơgŭm kon pơlei 'nâu, ih kư̆m 'nĕ yua kơ lu sư na krao apinh, yua kơ Inh ưh pă mơ̆ng boih mă lu sư krao apinh Inh kơplah lu sư đei tơdrong truh.

Je 15:1

Kră Yang khan kơ inh: “Mă khan Môis păng Samuel dơ̆ng 'bơ̆t anăp Inh, Inh kư̆m ưh kơ mơnat kơ kon pơlei 'nâu. Pơpuh tơweh bĕ lu sư đơ̆ng anăp Inh.

Je 7:16

Bĭ gah ih, 'nĕ pă krao khan ăn kơ adrĕch adrung 'nâu; kư̆m 'nĕ kơ ôr krao apinh yua kơ lu đe âu, ih kư̆m 'nĕ krao lung Inh, yua kơ Inh ưh kơ wă mơ̆ng ih ôh.

Êsêkiên 14:14

Dah mă đei pêng 'nu drŏ-nglo âu: Nôê, Đaniel, hăm Jop oei lăm char ei, lei lăp lu sư đĕch gơh klaih oei arih, yua kơ tơdrong tơpăt lu sư kơdih. Kră Yang Tih Hloh khan thoi noh.

Êsêkiên 14:20

Kră Yang Tih Hloh khan, tơpă thoi mă Inh arih ling-lang, mă khan đei Nôê, Đaniel hăm Jop oei lăm char noh, lu sư kư̆m ưh kơ gơh pơklaih kon drŏ-nglo dah kon drŏ-kăn lu sư ôh, lu sư lăp gơh pơklaih kơdih akâu sư đĕch yua kơ tơdrong tơpăt lu sư kơdih.

Êsêkiên 22:2

“Ơ kon bơngai, hăm trŏ ih wă sek tơlang, sek tơlang pơlei pơlôch tuh pham noh ưh? Athei ăn kơ lu sư băt tôm yoch kơnê̆ krưp sư.

Êsêkiên 23:36

Kră Yang khan kơ inh: “Ơ kon bơngai, ih gô sek tơlang ưh kơ Ôhôla păng Ôhôliba? Athei roi pơdah kơ lu sư băt tơdrong kơnê̆ krưp lu sư.

Êsêkiên 23:45

Mă-lei dôm lu bơngai tơpăt gô sek tơlang tơdrong lu sư pơm pơyô kư̆ kă păng tuh pham pơlôch đe, tơpă lu sư pơm pơyô kư̆ kă păng tuh pham pơlôch đe.”

I Kor 6:2

Lu bơngai lui gô sek tơdrong lu bơngai ưh kơ lui ning-mônh. Dah iĕm gơh sek tơdrong bơngai ưh kơ lui ning-mônh, lei iĕm kư̆m gơh sek tơdrong buăl iĕm iĕ ioch dang ei mơ̆n.