Êsêkiên 20:26 - Sơ̆p Hlabơar Nơ̆r 'Bok Kei-Dei

²⁶ Inh pơm kơ tơdrong lu sư soi pơyơ̆r kon kơdră lu sư jing kơnê̆ 'mê̆-'mach đơ̆ng tơmam soi noh Inh pơm kơ lu sư hli krưp, wă kơ lu sư băt inh boih Kră Yang.

Êsêkiên 20:26 ပူးပေါင်းရင်းမြစ်များ

Êsêkiên 6:7

Lu bơngai mă đe pơlôch lăm lu iĕm gô pơ̆k lôch păng lu iĕm gô băt Inh boih Kră Yang!

Lêwi 18:21

'Nĕ kơ pơyơ̆ra kon hơ'lơ̆p ih kơ yang Mơlŏk, b 'nĕ kơ pơm 'mê̆-'mach kơ anăn Kră Yang 'Bok Kei-Dei ih, inh bơih Kră Yang.

Êsêkiên 20:31

Kơplah lu iĕm pơyơ̆r tơmam soi, pơyơ̆r kon drŏ-nglo soh hăm ŭnh, kơdih lu iĕm pơm kơnê̆ 'mê̆-'mach kơkuh kơ rup yang truh tơ dang ei? Ơ adrĕch Isơrael, Inh ưh kơ lê̆ lu iĕm krao apinh Inh. Kră Yang khan: Thoi Inh mă arih ling-lang, Inh ưh kơ ăn lu iĕm krao apinh Inh.

Êsai 63:17

Ơ Kră Yang liơ Ih pơm ăn kơ lu nhôn tơklah jrok ataih kơ trong gơlong Ih? Liơ Ih pơm ăn lăm jơhngơ̆m lu nhôn arăng ưh kơ hli kơ Ih? Apinh Ih wih hơlơ̆k bĕ yua kơ lu đĭch đam Ih, păng yua kơ lu adrĕch adrung jing mŭk tơmam Ih.

II Pot 17:17

Lu sư 'buh kon drŏ-nglo kon drŏ-kăn lu sư lăm ŭnh pơm tơmam soi sơmah kơ yang, lui kiơ̆ kơ pơjâu tơwir păng pơjâu lăng ti lu sư tĕch akâu lu sư kơdih pơm kơnê̆ 'bơ̆t anăp Kră Yang, wă tơblĕk Kră Yang.

Luka 2:23

Bre sư pơm thoi noh wă kơ kiơ̆ thoi đe chih lăm tơdrong juăt Kră Yang thoi âu: “Rim kon gơgơ̆l, iĕm athei pơyơ̆r kơ Kră Yang ngăl.”

Je 32:35

Lu sư man pơdơ̆ng boih anih tih kơjung kơ yang Baal lăm Thŭng Ben Hinôm, wă pơyơ̆r kơ yang Mơlek lu kon drŏ-nglo kon drŏ-kăn lu sư, noh tơdrong mă Inh ưh kơ đei bơtho; Inh ưh kơ đei tơchĕng. Lu sư mă đei pơm tơdrong kơnê̆ 'mê̆-'mach thoi noh na pơm kơ adrĕch Juđa yoch.

Je 19:9

Inh gô ăn kơ lu sư 'buh sa lu kon drŏ-nglo kon drŏ-kăn lu sư kơdih, lu sư gô 'buh sa băl tơduă, lăm năr đe wang lăm năr pơmat-tat, kơplah 'bơ̆t lu bơngai mă wă pơrăm tơdrong arih lu sư.’

II Ho 33:6

Sư 'buh pơyơ̆r kon drŏ-nglo sư pơm tơmam soi tơ lăm Thŭng Ben Hinôm sư chă tơdrong apo, lăng ti wă kơ băt adrol, chă lu pơjâu tơwir, kiơ̆ lu bơngai krao pơma dơnuh hăm atâu. Sư pơm yoch kơnê̆ rai dêh 'bơ̆t anăp Kră Yang pơm tơblĕk Sư.

II Ho 28:3

Sư soh pơyơ̆r tơmam 'bâu phu lăm Thŭng Ben Hinôm păng 'buh pơyơ̆r lu kon drŏ-nglo sư kơdih lăm ŭnh pơm tơmam soi, kiơ̆ kơ tơdrong kơnê̆ krưp dêh tơpă lu kon pơlei mă Kră Yang puh tơweh lê̆ lu sư đơ̆ng anăp lu bơngai Isơrael.

II Pot 21:6

Sư soh pơyơ̆r kon drŏ-nglo sư lăm ŭnh pơm yang păng sư pơjuăt tơwir, hơđa sư lui kơ pơjâu krao bơhngol bơngai lôch, sư pơm lơ tơdrong kơnê̆ 'bơ̆t anăp Kră Yang tơblĕk Kră Yang.

Le 13:12

na ih athei pơyơ̆r ăn Kră Yang lu kon kơdră drŏ-nglo hăm lu kon tơno tuh blŭng-a lăm sem dơrong, yua kơ lu sư gô jing gah Kră Yang ngăl.

Lêwi 20:2

Ih athei khan kơ kon pơlei Isơrael. Tơdah bơngai bu lăm kon pơlei Isơrael dah bơngai tơmoi oei lăm char Isơrael jao minh 'nu kon hơ'lơ̆p sư ăn kơ yang Mơlŏk, a bơngai noh đe gô pơlôch sư, kon pơlei lăm char noh gô klơ̆m pơlôch sư hăm tơmo.

Je 7:31

Lu sư man dơ̆ng anih kơjung tơ Tôphet, lăm Thŭng Ben Hinôm, wă 'buh pơyơ̆r kon drŏ-nglo drŏ-kăn lăm ŭnh; tơdrong noh Inh ưh kơ đei bơtho tơtă, Inh kư̆m ưh kơ tơchĕng mơ̆n tơdrong noh.

Je 19:4

Yua kơ lu sư achăng lê̆ Inh boih, pơm ăn kơ anih 'nâu jing 'mê̆-'mach, hăm tơdrong lu sư soh nhang pơyơ̆r tơmam soi 'buh kơ lu yang nai, mă lu sư, đe yă 'bok lu sư, lu pơtao đe Juđa tam lah băt, pơm kơ anih 'nâu 'bĕnh kơ pham lu bơngai ưh kơ yoch.

Êsêkiên 20:12

Inh ăn boih kơ lu sư năr giĕng Sa'bat wă pơm tơdra tŏk-bŏk lu sư hăm Inh, wă kơ lu sư băt Inh boih Kră Yang pơm kơ lu sư rơgoh.

Êsêkiên 20:20

Wei răk bĕ lu năr Sa'bat Inh 'lơ̆ng rơgoh, wă kơ sư jing tơdra tŏk-bŏk Inh hăm lu iĕm, wă kơ lu iĕm băt Inh boih Kră Yang 'Bok Kei-Dei lu iĕm.

Êsêkiên 20:30

Thoi noh, khan bĕ kơ adrĕch Isơrael: Kră Yang khan: Lu iĕm pơm kiơ̆ trong 'bok yă lu iĕm, lu iĕm pơm pơyô kư̆ kă kiơ̆ lu rup yang kơnê̆ krưp noh hă?

Êsêkiên 23:37

Lu sư pơm yoch pơm pơyô kư̆ kă păng ti lu sư 'bơm pham; lu sư pơm yoch ngôi pơyô kư̆ kă hăm lu rup yang; păng pơyơ̆r kon lu sư, kon mă lu sư tơpŭ ăn kơ Inh, pơm tơmam sa ăn kơ rup yang.

II Pot 16:3

Mă-lei sư năm kiơ̆ trong lu pơtao đe Isơrael, sư pơyơ̆r kon drŏ-nglo sư pơm tơmam soi 'buh pơkhôi, pơm tơdrong kơnê̆ 'mê̆-'mach thoi lu adrĕch adrung nai đei pơm, mă Kră Yang 'Bok Kei-Dei puh lê̆ lu sư đơ̆ng lu bơngai Isơrael.