Êsêkiên 20:20 - Sơ̆p Hlabơar Nơ̆r 'Bok Kei-Dei

²⁰ Wei răk bĕ lu năr Sa'bat Inh 'lơ̆ng rơgoh, wă kơ sư jing tơdra tŏk-bŏk Inh hăm lu iĕm, wă kơ lu iĕm băt Inh boih Kră Yang 'Bok Kei-Dei lu iĕm.

Êsêkiên 20:20 ပူးပေါင်းရင်းမြစ်များ

Je 17:22

Lăm năr Sa'bat, 'nĕ kơ pŭ dah tung tơmam kiơ đơ̆ng lăm hnam iĕm, dah 'nĕ kơ jang kiơ; mă-lei athei 'măn năr Sa'bat jing năr giĕng 'lơ̆ng rơgoh, thoi Inh đei tơtă khan kơ lu 'bok yă iĕm sơ̆.

Êsai 58:13

“Tơdah iĕm wei răk huay kơ pơm yoch lăm năr pơdơh Sa'bat. Ưh kơ pơm dôm tơdrong iĕm 'maih wă lăm năr rơgoh Inh. Tơdah iĕm lăng năr pơdơh Sa'bat jơ̆ năr hiôk chơt, lăng năr rơgoh Kră Yang jơ̆ trŏ kơ pơyom; tơdah iĕm pơyom gĭt năr noh ưh kơ đei pơm kiơ̆ trong iĕm kơdih, ưh pă pơm kiơ̆ đon iĕm kơdih 'maih wă păng ưh pă pơma nơ̆r mơ̆ng kơ wăn.

Êsêkiên 44:24

Tơdah đei tơdrong kiơ truh tơhil pơma băl lu sư gô sek tơlang kiơ̆ thoi Inh tơtă. Lu sư gô wei răk khôi juăt păng lu tơdrong juăt lăm tôm tơdrong kơ̆m giĕng Inh păng wei năr Sa'bat jing năr 'lơ̆ng rơgoh.

Êsêkiên 20:12

Inh ăn boih kơ lu sư năr giĕng Sa'bat wă pơm tơdra tŏk-bŏk lu sư hăm Inh, wă kơ lu sư băt Inh boih Kră Yang pơm kơ lu sư rơgoh.

Je 17:27

Mă-lei tơdah lu iĕm kuă kơ mơ̆ng Inh, ưh kơ 'măn năr Sa'bat pơm năr giĕng 'lơ̆ng rơgoh păng pŭ tung tơmam kiơ yak rok trong 'măng jang pơlei Jêrusalem, lei Inh gô dan ŭnh 'bơ̆t 'măng jang pơlei tih, ŭnh noh gô sa pơrăm lu hnam tih kơjăp lăm pơlei tih Jêrusalem, ưh kơ đei layơ gơh păt.”

Je 17:24

Kră Yang khan: “Tơdah lu iĕm 'maih mơ̆ng Inh, tơdah iĕm ưh pă đei pŭ dah tung tơmam rok trong 'măng jang pơlei âu lăm năr Sa'bat, mă-lei lu iĕm 'măn lê̆ năr Sa'bat noh jing năr 'lơ̆ng rơgoh, ưh kơ jang tơdrong kiơ lăm năr noh,

Le 20:11

yua kơ lăm tơdrâu năr Kră Yang đei pơjing plĕnh, teh, đak dơsĭ păng đĭ-đăng tơmam tơ lăm noh, năr tơpơh sư pơdơh: Na Kră Yang sơkat ăn pŭn hiôk kơ năr tơpơh wă 'măn pơm năr giĕng 'lơ̆ng rơgoh.

Êsai 56:2

Pŭn dêh kơ bơngai bu pơm tơdrong noh! Păng pŭn dêh kơ kon sâu đe bu wei kơjăp tơdrong trŏ; wă khan wei răk ưh kơ pơm glăi năr pơdơh Sa'bat păng wei ti ưh kơ pơm minh tơdrong kơnê̆ ayơ.”

Êsêkiên 20:26

Inh pơm kơ tơdrong lu sư soi pơyơ̆r kon kơdră lu sư jing kơnê̆ 'mê̆-'mach đơ̆ng tơmam soi noh Inh pơm kơ lu sư hli krưp, wă kơ lu sư băt inh boih Kră Yang.

Le 20:8

Athei 'blŏk kơ năr tơpơh wă pơm năr giĕng.

Êsêkiên 22:8

Ih pơjăm tơmam rơgoh Inh păng pơm yoch kơnê̆ 'mê̆-'mach lăm năr Sa'bat Inh!