Êsêkiên 20:16 - Sơ̆p Hlabơar Nơ̆r 'Bok Kei-Dei

¹⁶ Inh pơm thoi noh yua kơ lu sư ưh kơ chu kiơ̆ nơ̆r inh tơtă, ưh kơ chu kiơ̆ khôi juăt inh păng pơm yoch pơ'mê̆ lăm năr Sa'bat inh; pơm kiơ̆ kơkuh kơ rup yang lu sư.

Êsêkiên 20:16 ပူးပေါင်းရင်းမြစ်များ

Êsêkiên 11:21

Mă-lei, lu mơ'nah đei jơhngơ̆m 'maih kiơ̆ tơdrong Inh areh păng tơdrong kơnê̆ krưp, Inh gô pơm tơwih tơdrong lu sư pơm tuh tơ kơ̆l lu sư, Kră Yang Tih Hloh khan thoi noh.”

Êsêkiên 20:38

Inh gô pơrăm lu bơngai đơ̆ng lăm lu iĕm, bơngai mă blah Inh; Inh kư̆m gô chông tơlĕch lu sư đơ̆ng teh đak đe mă lu sư oei, mă-lei lu sư ưh kơ gơh mơ̆t lăm teh đak Isơrael. Thoi noh lu iĕm gô băt Inh boih Kră Yang.

Êsêkiên 20:8

Mă-lei lu sư oei blah Inh, ưh kơ wă mơ̆ng Inh, ưh kơ hŭt lê̆ rup yang kơnê̆ krưp mă măt lu sư 'maih lăng; kư̆m ưh kơ hŭt lê̆ lu rup yang Êyiptơ. Yua kơ thoi noh Inh khan Inh gô tuh tơdrong Inh hil tơ lu sư, wă kơ hrăp tơdrong Inh blĕk kơ lu sư tơ lăm char Êyiptơ.

Êsêkiên 23:8

Sư ưh kơ lê̆ tơdrong pơm pơyô kư̆ kă mă sư pơtơm lu bơngai Êyiptơ, đơ̆ng sư oei 'lơ̆p đe 'bĭch hơdai hăm sư boih, đe pơm pơhiah lê̆ hơdruh hơnĭl sư păng tuh tơdrong kơnê̆ 'mê̆ kơ sư.

Jo 15:39

lu iĕm athei đei sĭt reng noh tơ hơbĕn dah ao, mưh iĕm lăng 'bôh reng noh lu iĕm gô 'blŏk kơ dôm khôi juăt nơ̆r Kră Yang tơtă păng pơm kiơ̆, ưh kơ kiơ̆ jơhngơ̆m lăp măt lăng, ngăl pơm kơ iĕm pơm yoch ngôi kư̆ kă.

Jo 25:2

Lu kon drŏ-kăn 'nâu pơtơm kon pơlei Isơrael et sa pơm yang hơdai lu sư; kon pơlei Isơrael et sa păng drap kơkuh kơ yang lu sư.