Êsêkiên 20:14 - Sơ̆p Hlabơar Nơ̆r 'Bok Kei-Dei

¹⁴ Mă-lei yua kơ anăn Inh, Inh pơm wă kơ anăn Inh đe huay kơ pơm pơ'mê̆ 'bơ̆t anăp lu kon pơlei nai, 'bơ̆t anăp kon pơlei mă 'bôh Inh chông tơlĕch lu sư.

Êsêkiên 20:14 ပူးပေါင်းရင်းမြစ်များ

Êsai 48:11

Noh yua kơ Inh, yua kơ kơdih Inh na Inh pơm tơdrong 'nâu, yua kơ kiơ Inh lê̆ anăn Inh đe pơjăm pơjuă ngôi? Inh gô ưh kơ ăn tơdrong ư-ang Inh kơ bu nai ôh.

Êsêkiên 20:13

Mă-lei adrĕch Isơrael blah inh lăm char glă. Lu sư ưh kơ pơm kiơ̆ khôi juăt Inh, sơngah kơ nơ̆r inh tơtă, noh tơdrong mă bơngai bu pơm kiơ̆ gô arih; lu sư kư̆m pơm yoch 'mê̆-'mach lăm năr Sa'bat Inh dơ̆ng. Inh khan wă tuh tơdrong Inh hil mĭl tơ lu sư lăm char glă.

Êsêkiên 20:15

Mă-lei, Inh đei yơ̆r ti pơkăm pơkă hăm lu sư tơ lăm char glă thoi âu Inh ưh kơ chông ba lu sư năm tơ teh mă Inh wă ăn kơ lu sư, teh đak toh păng đak sut, noh teh ư-ang hloh kơ đĭ-đăng lăm char.

Êsêkiên 20:22

Mă-lei Inh dui lê̆ ti Inh, yua kơ anăn Inh, wă kơ anăn Inh đe huay kơ pơm pơ'mê̆ 'bơ̆t anăp lu kon pơlei nai, 'bơ̆t anăp kon pơlei mă inh chông tơlĕch lu sư.

Êsêkiên 20:9

Mă-lei yua kơ anăn Inh, wă kơ anăn noh đe huay pơm pơ'mê̆ 'bơ̆t anăp lu kon pơlei nai tơ anih mă lu sư oei. 'Bơ̆t anăp lu kon pơlei noh Inh đei tơbăt boih lu bơngai Isơrael. Inh gô chông ba lu sư lĕch đơ̆ng char Êyiptơ.

Êsêkiên 39:7

Inh gô ăn anăn 'lơ̆ng rơgoh Inh tơbăt tơ lăm lu kon pơlei Isơrael Inh păng Inh ưh pă ăn lu sư pơma kơnê̆ kơ anăn 'lơ̆ng rơgoh Inh dơ̆ng. Kơplah noh lu adrĕch adrung gô băt Inh boih Kră Yang, Kră Yang 'Lơ̆ng Rơgoh lăm Isơrael.

Êphêsô 1:12

Sư pơm thoi noh, Sư wă kơ bơ̆n ư-ang tơdrong Sư 'mêm mơnat kơ bơ̆n tơpă, na mă nhôn bơngai Juđê lui kơ 'Bok Krist hơdrol kơ lu bơngai nai kư̆m thoi iĕm, iĕm thoi nhôn.

Êphêsô 1:6

Sư wă kơ bơ̆n bơnê kơ Sư 'mêm kơ bơ̆n tơpă, Kon pôm kơdih mă ăn lôch thoi noh.