Êsêkiên 20:12 - Sơ̆p Hlabơar Nơ̆r 'Bok Kei-Dei

¹² Inh ăn boih kơ lu sư năr giĕng Sa'bat wă pơm tơdra tŏk-bŏk lu sư hăm Inh, wă kơ lu sư băt Inh boih Kră Yang pơm kơ lu sư rơgoh.

Êsêkiên 20:12 ပူးပေါင်းရင်းမြစ်များ

Bl 2:3

Đang kơ noh, Sư ăn pŭn hiôk kơ năr tơpơh, pơm năr giĕng 'lơ̆ng rơgoh; yua kơ lăm năr noh, Sư pơdơh kơ tơdrong jang Sư păng pơjing keh đĭ boih.

Ne 9:14

Ih tơbăt kơ lu sư năr Sa'bat năr 'lơ̆ng rơgoh đơ̆ng Ih, yua Môis đĭch đam Ih, bơtho kơ lu sư dôm tơdrong tơtă tơdrong rơgoh 'lơ̆ng păng khôi juăt.

Le 16:29

Athei tơchĕng lăng, Kră Yang ăn boih kơ lu iĕm năr Sa'bat; na lei, truh năr tơdrâu Kră Yang ăn kơ lu iĕm 'bĕng sa mah kơ 'bar năr. Wă kơ rim 'nu bơngai athei oei kơtă anih kơdih, ưh kơ gơh bơngai bu lĕch tơ 'nguaih ôh lăm năr tơpơh.

Le 35:2

Iĕm athei bơ̆jang lăm tơdrâu năr, mă-lei truh năr mă tơpơh năr noh năr Sa'bat 'lơ̆ng rơgoh 'măn pơdơh kơ Kră Yang. Bơngai bu jang minh tơdrong kiơ̆ lăm năr noh, đe gô pơlôch sư.

Êsai 56:2

Pŭn dêh kơ bơngai bu pơm tơdrong noh! Păng pŭn dêh kơ kon sâu đe bu wei kơjăp tơdrong trŏ; wă khan wei răk ưh kơ pơm glăi năr pơdơh Sa'bat păng wei ti ưh kơ pơm minh tơdrong kơnê̆ ayơ.”

Je 17:22

Lăm năr Sa'bat, 'nĕ kơ pŭ dah tung tơmam kiơ đơ̆ng lăm hnam iĕm, dah 'nĕ kơ jang kiơ; mă-lei athei 'măn năr Sa'bat jing năr giĕng 'lơ̆ng rơgoh, thoi Inh đei tơtă khan kơ lu 'bok yă iĕm sơ̆.

Êsêkiên 20:20

Wei răk bĕ lu năr Sa'bat Inh 'lơ̆ng rơgoh, wă kơ sư jing tơdra tŏk-bŏk Inh hăm lu iĕm, wă kơ lu iĕm băt Inh boih Kră Yang 'Bok Kei-Dei lu iĕm.

Êsêkiên 20:26

Inh pơm kơ tơdrong lu sư soi pơyơ̆r kon kơdră lu sư jing kơnê̆ 'mê̆-'mach đơ̆ng tơmam soi noh Inh pơm kơ lu sư hli krưp, wă kơ lu sư băt inh boih Kră Yang.

Êsêkiên 37:28

Mưh Inh 'măn anih rơgoh Inh oei tơ lăm lu sư ling-lang hlŏng hloi, lu dêh char gô băt kơ Inh boih Kră Yang, Inh boih tơplih kon pơlei Isơrael jing rơgoh.’

Êsêkiên 44:24

Tơdah đei tơdrong kiơ truh tơhil pơma băl lu sư gô sek tơlang kiơ̆ thoi Inh tơtă. Lu sư gô wei răk khôi juăt păng lu tơdrong juăt lăm tôm tơdrong kơ̆m giĕng Inh păng wei năr Sa'bat jing năr 'lơ̆ng rơgoh.

Lêwi 20:8

Lu iĕm athei bơwei pơm kiơ̆ tơdrong juăt Inh, Inh boih Kră Yang Tơ'ngla mă pơm kơ lu iĕm jing rơgoh.

Lêwi 21:15

wă kơ sư ưh kơ gơh pơm kơnê̆ 'mê̆-'mach kơ kon sâu sư lăm kon pơlei pơla sư, yua kơ Inh boih Kră Yang pơm kơ sư jing rơgoh 'lơ̆ng.

Lêwi 21:23

Mă-lei sư ưh kơ gơh năm jê̆ che pĕng, kư̆m ưh kơ gơh năm jê̆ chơnang soi, yua kơ akâu đei jĭ jăn wă kơ sư huay kơ pơm kơ anih 'lơ̆ng rơgoh Inh jing kơnê̆ 'mê̆-'mach; yua kơ Inh boih Kră Yang, pơm kơ lu sư noh jing rơgoh.

Lêwi 21:8

Thoi noh ih athei lăng jô̆ sư 'lơ̆ng rơgoh, yua kơ sư pơyơ̆r 'bĕng tơmam sa kơ Kră Yang 'Bok Kei-Dei ih. Sư jing rơgoh 'lơ̆ng kơ Inh; yua kơ Inh Kră Yang 'lơ̆ng rơgoh. Tơ'ngla mă pơm kơ lu iĕm jing rơgoh 'lơ̆ng.

Lêwi 23:24

Roi tơ'băt bĕ kơ bơngai Isơrael, lăm năr mônh khei tơpơh, d năr noh lu iĕm gô đei năr pơdơh gĭt găl, wă kơ 'blŏk hơdơ̆r; iĕm athei hlôm keng, na ră roi, năr noh đei tơdrong akŭm rơgoh.

Lêwi 23:3

Đe gô bơ̆jang lăm tơdrâu năr; mă-lei năr tơpơh, noh năr Sa'bat, năr đe pơdơh wă khan năr akŭm kơkuh 'lơ̆ng rơgoh. 'Nĕ kơ bơ̆jang kiơ; noh năr Sa'bat kơ Kră Yang tơ lăm jơ̆p-jang anih lu iĕm.

Lêwi 23:32

Noh jing minh năr Sa'bat, năr pơdơh ăn kơ lu iĕm, lu iĕm athei hơdrĭ lăm jơhngơ̆m pơmat akâu kơdih; dơ̆ng măng năr tơsĭn lăm khei noh, iĕm athei bơwei năr Sa'bat iĕm, đơ̆ng kơsơ̆ âu truh kơsơ̆ dơning.

Lêwi 23:39

Truh năr mơjĭt-pơđăm khei tơpơh, g đang kơ lu iĕm kĕch yuă bơyan hơnê̆ sơnăm iĕm bơih, lu iĕm athei bơwei tơdrong pơm giĕng iĕm lăm tơpơh năr, năr blŭng-a jing năr pơdơh đei tơdrong pơyom păng năr mă tơhngam kư̆m năr pơdơh pơyom.

Lêwi 25:4

Mă-lei sơnăm mă tơpơh jing sơnăm Sa'bat, ăn kơ teh pơdơh wă khan minh sơnăm ăn kơ Kră Yang, ih ưh kơ rei pơtăm lăm chŭn mir ih, dah kăt hơmet pơgar hơmu ih.

Kôlôsê 2:16

Kơlih kơ thoi noh na iĕm 'nĕ kơ chu kiơ̆ tơdrong giĕng kon bơngai, mă lu sư hil, lu sư sek tơlang tơdrong iĕm sa et tôm tơdrong tơmam, dah hil kơ iĕm ưh kơ chu oei kiơ̆ tơdrong giĕng lu sư; lê̆ lu sư hil kư̆m bưh, mă giĕng tơdrong kiơ, bơyan kiơ, khei năr kiơ, lu bơ̆n ưh kơ kăl oei kiơ̆ ôh.

I Tes 5:23

'Bok Kei-Dei ăn kơ bơ̆n hiôk-hian ling-lang. Na nhôn apinh Sư ăn kơ iĕm jing bơngai 'lơ̆ng tơpăt lăm tôm tơdrong thoi Sư wă. Păng nhôn apinh Sư wei-lăng bơhngol iĕm, jơhngơ̆m đon iĕm, akâu jăn iĕm, wă kơ iĕm huay kơ đei tơdrong yoch, truh Kră Yang Yêsu jur tơ teh ning-mônh.

Ju 1:1

Inh Jut, oh Yakơ, hăm đĭch đam Yêsu Krist, chih hơpong kơ lu bơngai mă 'Bă tơm bơ̆n 'Bok Kei-Dei 'mêm rơih iŏk sư boih, wă khan lu bơngai mă Yêsu Krist wei-lăng.