Êsêkiên 20:11 - Sơ̆p Hlabơar Nơ̆r 'Bok Kei-Dei

¹¹ Inh ăn kơ lu sư khôi juăt Inh păng tơ'bôh ăn kơ lu sư nơ̆r Inh tơtă, wă kơ bơngai bu kiơ̆ gô đei tơdrong arih.

Êsêkiên 20:11 ပူးပေါင်းရင်းမြစ်များ

Tơdrông Pơđơk 6:23

Yua kơ nơ̆r tơtă thoi ŭnh kơđeng; Tơdrong bơtho tơ'bôh thoi hơdah, Păng tơdrong chrih wă bơtho pơhrăm noh trong tơdrong arih.

Êsêkiên 18:9

Chu kiơ̆ khôi juăt păng chu răk nơ̆r Inh tơtă. Bơngai âu arih sa tơpăt, noh jing bơngai tơpăt, sư gô đei tơdrong arih, Kră Yang khan thoi noh.

Êsêkiên 20:13

Mă-lei adrĕch Isơrael blah inh lăm char glă. Lu sư ưh kơ pơm kiơ̆ khôi juăt Inh, sơngah kơ nơ̆r inh tơtă, noh tơdrong mă bơngai bu pơm kiơ̆ gô arih; lu sư kư̆m pơm yoch 'mê̆-'mach lăm năr Sa'bat Inh dơ̆ng. Inh khan wă tuh tơdrong Inh hil mĭl tơ lu sư lăm char glă.

Êsêkiên 20:21

Mă-lei lu kon sâu lu sư blah Inh; ưh kơ chu kiơ̆ khôi juăt Inh, ưh kơ wei răk nơ̆r Inh tơtă lu tơdrong mă tơdah bu pơm kiơ̆ gô arih; lu sư kư̆m pơm yoch 'mê̆-'mach lăm năr Sa'bat Inh. Thoi noh Inh khan bơih gô tuh tơdrong hil mĭl Inh tơ lu sư păng tơdrong blĕk Inh phak lu sư lăm char glă.

Êsêkiên 33:15

tơdah bơngai pơm yoch noh pơdrâu tơmam đêl pơkăm đơ̆ng tŏk iŏk păng pơdrâu tơmam đêl sư tơtông, arih sa kiơ̆ trong juăt arih 'lơ̆ng, ưh pă pơm tơdrong kơnê̆, tơpă sư gô arih, sư ưh pă lôch dơ̆ng.

Êsêkiên 33:16

Dôm tơdrong yoch đêl sư pơm ưh pă 'blŏk dơ̆ng boih; sư pơm kiơ̆ tơdrong juăt păng tơdrong tơpăt na sư gô arih.

Lêwi 18:5

Thoi noh lu iĕm athei wei răk tơdrong juăt Inh păng nơ̆r Inh tơtă, bu mă pơm kiơ̆ tơdrong noh, sư gô arih, Inh boih Kră Yang.

Luka 10:28

Yêsu khan kơ sư: “Tơdrong ih tơl noh trŏ tơpă. Ih pơm kiơ̆ hloi bĕ na ih gô arih ling-lang.”

Rom 10:5

Môis chih sơ̆ khan, bu wă kơ 'lơ̆ng hăm 'Bok Kei-Dei, sư athei kiơ̆ tơdrong juăt 'Bok Kei-Dei pơkă mă truh um nhen tơnen tơpă na sư 'lơ̆ng hăm 'Bok Kei-Dei gơh arih ling-lang.

Rom 3:2

Lu bơngai Juđê tih hloh kơ lu bơngai nai 'biơ̆ mơ̆n yua kơ 'Bok Kei-Dei chih pơkă kơ lu sư tơdrong juăt Sư hơdrol kơ lu bơngai nai păng pơkă khan wă tơgŭm lu sư tơpă.

Galati 3:12

Sơ̆p hla bơar Sư kư̆m đei khan dơ̆ng thoi âu: “Bơngai bu kiơ̆ tôm tơdrong juăt, 'Bok Kei-Dei gô ăn kơ sư arih ling-lang.” Thoi noh na lu bơngai gơnang kơ akâu sư kơdih wă kiơ̆ tơdrong juăt Môis, lu sư kuă kơ gơnang kơ 'Bok Kei-Dei gơh mơnat ăn kơ lu sư arih ling-lang ôh. Lu sư wă gơnang kơ akâu lu sư gơh pơm kiơ̆ tôm tơdrong juăt đĕch khan gơh arih ling-lang, mă-lei lu sư kư̆m ưh kơ kĕ kiơ̆ ôh.

Both 30:19

Năr 'nâu, inh krao plĕnh păng teh pơm kơdranh ăn kơ inh, inh dan tơ'bôh 'bơ̆t anăp iĕm rơih iŏk tơdrong arih păng tơdrong lôch, tơdrong pŭn hiôk păng tơdrong hiap pơtê̆. Thoi noh, rơih bĕ tơdrong arih, wă kơ iĕm păng lu kon sâu iĕm gơh arih.

Both 4:1

Ơ Isơrael! Mơ̆ng bĕ khôi juăt păng nơ̆r tơtă mă inh gô pơhrăm lu iĕm, wă kơ lu iĕm gơh đei arih păng gơh mơ̆t tơ dêh mă Kră Yang 'Bok Kei-Dei 'bok lu iĕm wă ăn kơ lu iĕm iŏk.

Both 4:5

Inh đei bơtho lu iĕm lu nơ̆r tơtă păng khôi juăt Kră Yang 'Bok Kei-Dei inh tơtă boih kơ inh, wă kơ lu iĕm pơm kiơ̆ mưh iĕm mơ̆t oei boih tơ lăm dêh char noh.

Both 4:8

Hăm đei ưh adrĕch adrung tih ayơ đei lu nơ̆r tơtă păng khôi juăt 'lơ̆ng tơpăt thoi khôi juăt đĭ tơdrong juăt âu, mă inh pơdah 'bơ̆t anăp lu iĕm âu?