Êsêkiên 19:9 - Sơ̆p Hlabơar Nơ̆r 'Bok Kei-Dei

⁹ Đe chô̆ sư hăm gơwŏk glang, tah sư lăm bai na năm ba sư tơ char Babilôn; chĭt sư lăm hnam bơnă na huay pă kơtơ̆ng nơ̆r sư ôr tơ kông Isơrael dơ̆ng.

Êsêkiên 19:9 ပူးပေါင်းရင်းမြစ်များ

II Pot 19:28

Yua kơ ih hil blĕk kơ inh păng yua kơ nơ̆r ih pơang, kơtơ̆ng truh tơ đon Inh bơih, sĭt Inh gô tôt gơwang 'bơ̆t muh ih, Inh tah dam bơsei pơhơ̆p 'bơ̆r ih. Đơ̆ng noh Inh pơm kơ ih wơ̆t brŏk kiơ̆ đêl trong mă ih hlôi năm bơih.

II Pot 23:33

Pharaôn Nêkô chĭt kron lê̆ sư tơ Risla, lăm dêh Hamat wă kơ sư ưh kơ đei pơgơ̆r Pơlei Jêrusalem dơ̆ng. Đơ̆ng noh sư pơgŏ athei dêh ei ra ăn kơ lu sư minh-hrĕng hlak talâng hu păng minh talâng maih.

II Pot 24:15

Sư, chông ba Jêhôiachin tơ Babilôn; sư kư̆m rôp ba mĕ pơtao lu akăn pơtao lu kuan tih, lu bơngai yŏng mơng lăm char, sư chông ba đơ̆ng Pơlei Jêrusalem năm pơm bơnă tơ Pơlei Babilôn.

II Ho 36:6

Nebukatnessar pơtao char Babilôn tŏk blah sư, rôp chô̆ sư hăm glang kong chông ba sư tơ dêh char Babilôn.

Je 22:17

Mă-lei măt păng jơhngơ̆m ih 'maih chă lơi, pơlôch lu bơngai ưh kơ đei yoch, păng 'maih chă rôp pơgŏ pơjuă pơđep pơm kơnê̆ dêh.

Êsêkiên 19:7

Sư pơrăm lu pơlei kơjăp; păng pơm kơ lu pơlei lu sư jing juơ tơtŭng, teh đak păng kon pơlei oei lăm noh hli ngăl kơ nơ̆r sư ôr gơhuh.

Êsêkiên 34:4

Lu kon triu tơrăn, iĕm ưh kơ tơgŭm ăn kơ lu sư pran; lu triu jĭ, iĕm ưh kơ ming hơmet wă kơ klaih; lu triu rơka, iĕm ưh kơ đei hơmet lu triu mă jrok tơklah tơklang, lu iĕm ưh kơ chông brŏk lu kon triu mă jrok hiong lu iĕm ưh kơ năm chă. Lu iĕm wei rong sư hăm tơdrong pơgŏ pơđep.

Êsêkiên 36:1

Gah ih, ơ kon bơngai, khan lê̆ adrol bĕ gah kông kŏ Isơrael păng khan: “Ơ kông Isơrael, mơ̆ng bĕ nơ̆r Kră Yang!

Êsêkiên 6:2

“Ơ kon bơngai, athei tơwih muh măt ih tơklă tơ lu kông Isơrael păng khan lê̆ adrol blah plơ̆ lu sư