Êsêkiên 19:14 - Sơ̆p Hlabơar Nơ̆r 'Bok Kei-Dei

¹⁴ Ŭnh lĕch đơ̆ng tơ'bla sư sa đĭ plei noh, thoi noh na ưh pă đei dơng 'lơ̆ng ayơ oei đei, wă yua pơm 'long jra pơtao. Noh tơdrong nhơ̆m hmoi, jing nơ̆r hơri nhơ̆m hmoi.’

Êsêkiên 19:14 ပူးပေါင်းရင်းမြစ်များ

Bl 49:10

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

II Pot 24:20

Tơdrong Kră Yang hil mĭl Sư ăn truh bơih kơ Pơlei Jêrusalem păng dêh Juđa, Kră Yang mah puh tơweh lê̆ lu sư đơ̆ng muh măt Kră Yang. Na Sêđekia iung blah pơtao đe Babilôn.

II Ho 36:13

Sư kư̆m iung blah pơtao Nebukatnessar, bơngai mă athei sư pơkă yua anăn Kră Yang 'Bok Kei-Dei. Sư jing kơchu arăng kơ̆l, ưh kơ wă wih tơ Kră Yang 'Bok Kei-Dei Isơrael.

Ne 9:37

Tơmam plei sa lĕch đơ̆ng teh đak âu rơkah rơkai Ih ăn kơ lu pơtao pơgơ̆r nhôn, yua kơ lu nhôn pơm tơdrong yoch, lu pơtao noh mơ̆ng kơ sư wă pơm kiơ kơ akâu jăn lu nhôn păng sem dơrong lu nhôn păng dang ei pơm kơ lu nhôn oei pơmat-tat dêh.

Horiso 110:2

Kră Yang đơ̆ng Siôn gô wơh 'long jra pơtao tơdrong kơtang Sư. Ăn kơ ih pơgơ̆r bĕ lu ayăt kơ Ih.

Horiso 79:7

Yua kơ lu sư luăn sa boih adrĕch Jakôp, păng pơrăm tơhiong boih teh tơring sư oei.

Je 38:23

Đĭ lu akăn tơm akăn kơnhŏng lu kon ih đe gô chông anhăk pơjao lu sư tơ bơngai Kalđê. Ih kư̆m ưh kơ gơh klaih đơ̆ng ti lu sư, đe gô jao ih kơ pơtao Babilôn na pơlei tih âu đe gô soh pơrăm.”

Je 52:3

Noh Kră Yang hil mĭl kơ tơdrong kơnê̆ lu sư pơm tơ pơlei Jêrusalem păng tơ lăm dêh char Juđa, na Sư puh tơweh lu pơtao noh đơ̆ng anăp Sư. Sêđekia iung blah pơtao Babilôn.

Nhom 4:20

Hơyuh kial dui jơhngơ̆m bơ̆n đơ̆ng muh bơ̆n, wă lu bơngai mă đei tuh đak rơmă đơ̆ng Kră Yang, thoi noh đĭ 'leh hơđong boih. Gah sư, lu bơ̆n ngăl khan lu bơ̆n kơ'nơp ala yơ̆p Sư na arih hơdai lăm lu dêh char.

Êsêkiên 15:4

Tơdah đe iŏk klơ̆m lăm ŭnh pơm 'long ŭnh, dah ŭnh sa 'bar pah tơm kơnhŏng, tŏk-bŏk sư jing ngar, hăm gơh yua pơm kiơ dơ̆ng?

Êsêkiên 17:10

'Nâu, mă khan đe hlôi pơtăm sư tơ nai, sư hăm gơh chăt 'lơ̆ng ưh? Hla sư kư̆m ưh kơ jô đĭ hă? Mưh kial đơ̆ng gah hơlĕch tơthu, sư hăm gô kro hloi 'bơ̆t teh mă đe pơtăm chăt 'lơ̆ng boih?”

Êsêkiên 19:1

Gah ih nhơ̆m hmoi bĕ kơ lu yŏng pơgơ̆r Isơrael

Êsêkiên 19:11

Đei dơng sư tih, jing pơm 'long jra pơtao. Tơm sư kơjung, đei tơ'bla hla hơmŭl lơ, đe 'bôh sư kơjung yua kơ đei dơng kơjung hloh kơ lu dơng nai.

Êsêkiên 20:47

Khan bĕ kơ lu bri kơdrơ̆ng gah gơal. Mơ̆ng bĕ nơ̆r Kră Yang: 'Nâu nơ̆r Kră Yang khan: 'Nâu Inh gô tơkuh ŭnh soh lăm tŏk-bŏk lu iĕm, ŭnh gô sa đĭ-đăng lu 'long hơdrih păng lu 'long kro. Ŭnh khơ̆ng ưh kơ đei păt, muh măt rim 'nu lu bơngai lăm char gah gơal truh tơ char gah yă-nơ̆m ŭnh sa khôi đĭ.

Êsêkiên 20:48

Đĭ-đăng bơngai gô băt Inh boih soh ŭnh noh, Kră Yang Tih hloh tơkuh boih ŭnh noh ưh kơ đei layơ păt.

Êsêkiên 26:17

Lu sư nhơ̆m hmoi kơ ih păng khan kơ ih: Ơ pơlei mă đei ư-ang liơ ih răm đĭ, pơlei lu bơngai mă oei tơ đak dơsĭ, ih păng lu kon pơlei ih oei kơjăp mơdrŏng lăm đak dơsĭ. Ih păng đĭ-đăng bơngai tơ noh pơm kơ đe hli.

Hôsia 10:3

Tơpă lu sư gô khan: Lu bơ̆n ưh kơ đei pơtao yua kơ lu bơ̆n ưh kơ hli yom kơ Kră Yang; mă đei pơtao sư gơh tơgŭm kơ lu bơ̆n kiơ?

Hôsia 3:4

Bơngai Isơrael kư̆m oei lơ năr thoi noh, ưh kơ đei pơtao, ưh kơ đei yŏng pơgơ̆r, ưh kơ đei soi pơyơ̆r, ưh pă đei chơnang soi, ưh pă đei Ephot dah Thêraphin.

Am 9:11

“Lăm năr noh, inh gô tơiung pơdơ̆ng bơsŭn Đawit, mă đêl păk boih păng hơmet ming lu bơlôh hiah sư. Inh gô pơdơ̆ng ming lu đêl pơchah păng man ming thoi sơ̆,

Luka 19:41

Yêsu năm wă jê̆ truh tơ Pơlei Jêrusalem. Lăp Sư tơmang 'bôh Pơlei Jêrusalem Sư nhơ̆m hmoi mơnat kơ Pơlei Jêrusalem.

Yo 19:15

Lu sư ôr pơret: “Nhôn ưh kơ wă bơngai 'noh. Pơ̆ng pơlôch Sư tơ 'long pơglang.” Pilat khan dơ̆ng: “Inh pơ̆ng pơlôch 'Bok Pơtao iĕm hă?” Mă-lei lu 'bok soi tih khan: “Nhôn đei minh 'nu Sêsar đĕch pơm pơtao nhôn.”

Lu 9:15

'Long jơla tơl: Dah jơhngơ̆m iĕm wă tơpă na lu iĕm tuh đak pơgang 'bâu phu kơ inh pơk inh pơm pơtao pơgơ̆r iĕm, năm kơ'nơp bĕ ala yơ̆p inh; dah ưh, ŭnh đơ̆ng 'long jơla lĕch soh sa đĭ 'long hơngo char Liban!