Êsêkiên 19:12 - Sơ̆p Hlabơar Nơ̆r 'Bok Kei-Dei

¹² Mă-lei sư buch đĭ lăm năr hil mĭl păng klơ̆m lê̆ tơ teh. Kial đơ̆ng hơlĕch tơthu pơm kơ tơm sư kro, plei sư hơlŭng, đĭ dơng tih kư̆m jô kro păng ŭnh sa đĭ.

Êsêkiên 19:12 ပူးပေါင်းရင်းမြစ်များ

II Pot 23:29

Lăm chăl Jôsia pơgơ̆r, 'bok Pharaôn Nêkô, pơtao đe Êyiptơ năm tơ đak Krong Ơphrat, tơgŭm pơtao đe Asiri tơblah. Na Jôsia năm găn tơblah hăm sư. Mă-lei lăp Pharaôn Nêkô tơ'bơ̆p sư, na pơlôch lê̆ sư tơ pơlei Mêgiđô.

II Pot 23:34

Na Pharaôn Nêkô pôk Êliakim kon drŏ-nglo Jôsia, pơm pơtao tơplih Jôsia 'bă sư. Păng tơplih Êliakim anăn sư jing Jêhôiakim. Na Jêhôahas pơtao Pharaôn Nekô rôp ba sư tơ Êyiptơ păng sư lôch tơ noh.

II Pot 24:6

Jêhôiakim lôch, tep hiôk hăm lu 'bok kơdră sư păng Jêhôiachin kon drŏ-nglo sư, pơm pơtao pơtrơp sư.

Horiso 52:5

Kră Yang 'Bok Kei-Dei gô pơrăm ih hlŏng hloi, Sư gô rôp ih, dui tơlĕch đơ̆ng anih ih. Păng buch lê̆b ih đơ̆ng teh lu bơngai arih. Sêla

Horiso 80:16

Tơm hơmu noh chơ̆ng lê̆ păng ŭnh đĭ sa. Ăn kơ lu sư hiong răm đĭ yua kơ đơ̆ng Ih chrih hil.

Êsai 27:11

Mưh lu dơng sư kro păng tơgơ̆ hơlŭng, lu drŏ-kăn dônh chĕp ba pơm hơpaih. Kon pơlei âu ưh kơ hlôh ôh, na Tơ'ngla mă pơjing lu sư ưh kơ 'blŏk mơnat, Tơ'ngla man pơjing lu sư ưh kơ tơ'bôh ăn tơdrong hiôk kơ lu sư.

Êsai 27:8

Kŭm thoi noh lăm tơdrong Ih phak lu sư dă 'biơ̆ na puh lu sư năm tơ nai, Ih yua kial tih pơpuh lê̆ lu sư tơ ataih, thoi lăm năr đei kial bah đơ̆ng hơlĕch.

Je 22:30

Kră Yang khan: “Chih jô̆ bĕ bơngai 'nâu hơdai hăm lu bơngai ưh kơ đei hơ'lơ̆p, ưh kơ đei pŭn hiôk jơnap kơplah sư oei arih; Yua kơ lu kon sâu sư ưh kơ đei bu pŭn hiôk jơnap, gơh hơ-oei tơ tang-dŏ pơtao Đawit, păng gơh pơgơ̆r lăm adrĕch Juđa dơ̆ng!”

Je 31:28

Thoi Inh wei boih lu sư trŏ kơ buch lê̆, pơrăm lê̆, pơlôch păng pơm kơ sư pơmat-tat, Inh gô tơiung pơdơ̆ng gô pơtăm ming.” Noh Kră Yang khan.

Nhom 2:1

Yua kơ kiơ Ih hil thoi hơmơ̆l gom kon adruh Siôn? Sư klơ̆m hŭt lê̆ tơdrong ư-ang Isơrael đơ̆ng plĕnh tơ teh. Lăm năr Sư hil, Sư ưh pă đei 'blŏk boih 'long đêl Sư hơgơn jơ̆ng.

Êsêkiên 15:2

“Ơ kon bơngai, 'long hơmu sư hăm yua hloh kơ lu dơng tơ'bla 'long nai tơ lăm bri ưh?

Êsêkiên 15:4

Tơdah đe iŏk klơ̆m lăm ŭnh pơm 'long ŭnh, dah ŭnh sa 'bar pah tơm kơnhŏng, tŏk-bŏk sư jing ngar, hăm gơh yua pơm kiơ dơ̆ng?

Êsêkiên 17:10

'Nâu, mă khan đe hlôi pơtăm sư tơ nai, sư hăm gơh chăt 'lơ̆ng ưh? Hla sư kư̆m ưh kơ jô đĭ hă? Mưh kial đơ̆ng gah hơlĕch tơthu, sư hăm gô kro hloi 'bơ̆t teh mă đe pơtăm chăt 'lơ̆ng boih?”

Êsêkiên 19:11

Đei dơng sư tih, jing pơm 'long jra pơtao. Tơm sư kơjung, đei tơ'bla hla hơmŭl lơ, đe 'bôh sư kơjung yua kơ đei dơng kơjung hloh kơ lu dơng nai.

Êsêkiên 28:17

Jơhngơ̆m ih pơang yua kơ ih 'lơ̆ng. Tơdrong ư-ang ih pơm kơ ih hiong răm tơdrong gơh hơgei. Inh klơ̆m hŭt ih tơ teh 'bơ̆t anăp lu pơtao, Inh jao ih wă ăn kơ lu sư lăng.

Hôsia 13:15

Mă khan Êphraim đei pơjing rai lơ hloh kơ lu 'nhŏng oh sư, mă-lei kial đơ̆ng gah hơlĕch gô truh, wă khan kial Kră Yang đơ̆ng char glă, gô truh pơhrĕng pơhrơ̆ lê̆ tu đak, păng pơhrơ̆ lê̆ kro lu sơlŭng đak sư, Lu bơngai ayăt gô blah tơgar iŏk lu tơmam gĭt đơ̆ng lăm hnam mong tơmam sư.

Jôna 4:8

Kơplah lăp 'năr lĕch, Kră Yang 'Bok Kei-Dei ăn kial tơthu dơ̆ng gah hơlĕch păng 'năr tŏ chră tơ kơ̆l sư, na sư mah wing măt, na sư khan thoi âu: Gah inh, lôch 'lơ̆ng hloh kơ arih!

Mathiơ 3:10

Sung Sư, Sư 'măn hiă rim kơ tơnơm 'long boih. Dah 'long ayơ ưh kơ đei plei 'lơ̆ng lei 'Bok Kei-Dei gô kăl tŭk 'long noh klơ̆m tơ ŭnh.

Yo 15:6

Bơngai bu ưh kơ oei lăm Inh, 'Bă Inh gô tŭk lê̆ sư, kư̆m thoi đe tŭk dơng 'long, na dơng 'noh jing kro. Klaih kơ noh đe dônh lu dơng kro noh klơ̆m tŭk lăm ŭnh, na ŭnh gô sa sư.

Both 29:28

Lăm tơdrong ơh blĕk dêh păng tơdrong hil mĭl krưp dêh tơpă Kră Yang buch lê̆ boih na klơ̆m hŭt lê̆ lu sư tơ char nai, thoi kơ năr 'nâu.

Both 32:22

Inh hil thoi ŭnh sa khơ̆ng blông blông. Sa hloi tôch tơ kơđĕl hơnă pơlei lôch, ŭnh sa đĭ teh păng plei sa, sa kông pơđĭ truh tơ hơnă.