Êsêkiên 18:9 - Sơ̆p Hlabơar Nơ̆r 'Bok Kei-Dei

⁹ Chu kiơ̆ khôi juăt păng chu răk nơ̆r Inh tơtă. Bơngai âu arih sa tơpăt, noh jing bơngai tơpăt, sư gô đei tơdrong arih, Kră Yang khan thoi noh.

Êsêkiên 18:9 ပူးပေါင်းရင်းမြစ်များ

I Pot 9:4

“Gah ih, tơdah ih yak kiơ̆ trong Inh kư̆m thoi Đawit, 'bă ih yak năm bơih hăm jơhngơ̆m đon rơgoh 'lơ̆ng tơpăt pơm kiơ̆ dôm nơ̆r Inh athei ih, wei răk dôm nơ̆r Inh pơkă tơtă khan kơ ih,

Tơdrông Pơđơk 12:28

Tơdrong arih oei 'bih tơdrong tơpăt; Lăm trong gơlong sư ưh kơ đei lôch.

Êsêkiên 11:12

Na lu iĕm gô băt Inh boih Kră Yang, yua kơ lu iĕm ưh kơ kiơ̆ khôi juăt Inh, ưh kơ wei răk tơdrong Inh tơtă, mă-lei pơm kiơ̆ tơdrong juăt teh đak jum dăr kơ iĕm.”

Êsêkiên 18:10

Tơdah sư đei minh 'nu kon hơ'lơ̆p kơchu pơm tơdrong kơnê̆ đei pơlôch đe tuh pham pơm dôm tơdrong kơnê̆ hăm đe.

Êsêkiên 18:17

Ti ưh kơ đei pơm kơnê̆ kơ lu bơngai dơnuh, ăn kơ đe tŏk iŏk ưh kơ đei iŏk lơi adrol dah iŏk lơi lơ, Chu wei răk nơ̆r Inh tơtă păng pơm kiơ̆ khôi juăt Inh, sư ưh kơ lôch ôh yua kơ tơdrong yoch kơnê̆ đơ̆ng 'bă sư, tơpă sư gô đei tơdrong arih.

Êsêkiên 18:19

Lu iĕm đei jet: “Liơ kon sư ưh kơ pŭ tơdrong yoch kơnê̆ 'bă sư? Dah đei bu pơm 'lơ̆ng tơpăt pơm kiơ̆ khôi juăt Inh, tơpă sư gô đei tơdrong arih.

Êsêkiên 20:11

Inh ăn kơ lu sư khôi juăt Inh păng tơ'bôh ăn kơ lu sư nơ̆r Inh tơtă, wă kơ bơngai bu kiơ̆ gô đei tơdrong arih.

Êsêkiên 20:13

Mă-lei adrĕch Isơrael blah inh lăm char glă. Lu sư ưh kơ pơm kiơ̆ khôi juăt Inh, sơngah kơ nơ̆r inh tơtă, noh tơdrong mă bơngai bu pơm kiơ̆ gô arih; lu sư kư̆m pơm yoch 'mê̆-'mach lăm năr Sa'bat Inh dơ̆ng. Inh khan wă tuh tơdrong Inh hil mĭl tơ lu sư lăm char glă.

Êsêkiên 33:15

tơdah bơngai pơm yoch noh pơdrâu tơmam đêl pơkăm đơ̆ng tŏk iŏk păng pơdrâu tơmam đêl sư tơtông, arih sa kiơ̆ trong juăt arih 'lơ̆ng, ưh pă pơm tơdrong kơnê̆, tơpă sư gô arih, sư ưh pă lôch dơ̆ng.

Êsêkiên 36:27

Inh gô ăn Yang Bơhngol Inh oei lăm lu iĕm, wă kơ lu iĕm pơm kiơ̆ khôi juăt inh, lu iĕm gô pơ'lơ̆ng pơm kiơ̆ lu nơ̆r Inh tơtă.

Êsêkiên 37:24

Đĭch đam Inh Đawit pơtao lu sư. Lu sư gô đei minh 'nu bơngai wei; lu sư gô năm kiơ̆ nơ̆r Inh tơtă; lu sư gô wei răk păng pơm kiơ̆ khôi juăt Inh.

Lêwi 18:5

Thoi noh lu iĕm athei wei răk tơdrong juăt Inh păng nơ̆r Inh tơtă, bu mă pơm kiơ̆ tơdrong noh, sư gô arih, Inh boih Kră Yang.

Am 5:14

Chơchă bĕ tơdrong 'lơ̆ng păng 'nĕ pă chă tơdrong kơnê̆, wă kơ lu iĕm đei tơdrong arih, na Kră Yang 'Bok Kei-Dei Tih hloh gô oei hơdai iĕm, thoi iĕm đei hơpơi boih.

Am 5:24

Kơtrơ̆m jah lê̆ lu tơdrong 'lơ̆ng tơpăt sĭt ro thoi đak păng tơdrong tơpăt kơkhŭr thoi đak glung ro ling-lang.

Am 5:4

Kră Yang khan kơ adrĕch Isơrael: Chă bĕ inh na lu iĕm gô arih.

Habakuk 2:4

Lu bơngai pơang, lăm jơhngơ̆m sư ưh kơ đei tơpăt, Mă-lei lu bơngai tơpăt gô arih yua đơ̆ng jơhngơ̆m đon lui sư kơdih.

Luka 1:6

Bre sư pơm 'lơ̆ng tơpăt kơ 'Bok Kei-Dei păng rok kiơ̆ dôm tơdrong juăt 'Bok Kei-Dei pơkă.

Yo 14:21

“Bơngai bu răk dôm tơdrong Inh pơkă, bơngai 'noh boih 'mêm kơ Inh tơpă. Bơngai bu 'mêm kơ Inh, 'Bă Inh kư̆m 'mêm kơ sư mơ̆n; păng Inh kư̆m 'mêm kơ sư na Inh tơbăt kơ sư akâu Inh.”

Jang 24:16

Inh ling-lang adrin wă kơ đei jơhngơ̆m 'lơ̆ng 'bơ̆t anăp 'Bok Kei-Dei hăm kon bơngai.

Rom 1:17

Yua kơ bơ̆n lui kơ tơdrong 'nao 'lơ̆ng Yêsu Krist, na 'Bok Kei-Dei jô̆ bơ̆n jing bơngai 'lơ̆ng hăm Sư. Sư jô̆ bơ̆n thoi noh yua kơ minh tơdrong bơ̆n lui kơ Kon Sư đĕch. 'Noh kư̆m thoi đe roi lăm sơ̆p hla bơar Sư sơ̆ thoi âu: “Bơngai bu lui kơ 'Bok Kei-Dei, 'Bok Kei-Dei jô̆ sư bơngai 'lơ̆ng tơpăt ăn kơ sư arih ling-lang.”

Rom 8:1

Yua kơ thoi noh na dôm lu bơ̆n bơngai mă lui kơ Yêsu Krist, 'Bok Kei-Dei ưh pă wă phak lu bơ̆n dơ̆ng boih.

Both 11:1

Iĕm athei băt 'mêm yom kơ Kră Yang 'Bok Kei-Dei ling-lang păng athei wei răk dôm tơdrong juăt Sư, nơ̆r Sư athei păng nơ̆r Sư tơtă.

Both 4:1

Ơ Isơrael! Mơ̆ng bĕ khôi juăt păng nơ̆r tơtă mă inh gô pơhrăm lu iĕm, wă kơ lu iĕm gơh đei arih păng gơh mơ̆t tơ dêh mă Kră Yang 'Bok Kei-Dei 'bok lu iĕm wă ăn kơ lu iĕm iŏk.

Both 5:1

Môis krao đĭ-đăng bơngai Isơrael na khan: Ơ bơngai Isơrael! Mơ̆ng bĕ dôm lu khôi juăt păng nơ̆r tơtă inh roi ăn kơ lu iĕm băt năr 'nâu; lu iĕm athei pơhrăm hŏk iŏk mă pơ'lơ̆ng pơm kiơ̆ dôm lu tơdrong noh.

Both 6:25

Tơdah lu bơ̆n kơchăng pơm kiơ̆ đĭ lu nơ̆r tơtă âu đơ̆ng Kră Yang 'Bok Kei-Dei bơ̆n, na gơh jô̆ bơ̆n 'lơ̆ng tơpăt.

I Yo 2:29

Iĕm băt kơ Yêsu Krist pơm 'lơ̆ng tơpăt. Thoi noh iĕm kư̆m băt bơngai bu pơm 'lơ̆ng tơpăt, bơngai 'noh boih kon 'Bok Kei-Dei.

I Yo 3:7

Ơ lu kon hơ'lơ̆p, 'nĕ lui kơ đe hơlĕnh kơ iĕm khan bơngai lui bơ̆n ưh kơ kăl pơm 'lơ̆ng tơpăt. Inh khan kơ iĕm thoi âu: Bơngai bu pơm 'lơ̆ng tơpăt, bơngai 'noh đei đon 'lơ̆ng tơpăt kư̆m thoi Yêsu bơngai 'lơ̆ng tơpăt mơ̆n.