Êsêkiên 18:4 - Sơ̆p Hlabơar Nơ̆r 'Bok Kei-Dei

⁴ Yua kơ đĭ-đăng tơdrong arih lăm Inh, tơdrong arih 'bă kư̆m thoi tơdrong arih kon oei lăm Inh ngăl na Bơngai bu pơm yoch gô lôch.

Êsêkiên 18:4 ပူးပေါင်းရင်းမြစ်များ

II Pot 14:6

Mă-lei sư ưh kơ pơlôch ôh lu kon, bơngai pơlôch đe noh, kiơ̆ thoi nơ̆r mă đe đei chih bơih tơ lăm sơ̆p hla bơar tơdrong juăt Môis: “Lăm tơdrong Kră Yang đei tơtă bơih, đe ưh kơ pơlôch mĕ 'bă yua kơ kon yoch, kư̆m ưh kơ pơlôch kon yua kơ mĕ 'bă pơm yoch; rim 'nu đe gô pơlôch yua kơ tơdrong yoch sư kơdih.

Jop 21:20

Ăn kơ măt lu sư 'bôh tơdrong pơrăm truh tơ lu sư, Ăn kơ lu sư đei huch tơdrong hil mĭl Kră Yang Tih Hloh.

Jop 8:4

Kon hơ'lơ̆p ih đei pơm yoch boih hăm Kră Yang 'Bok Kei-Dei, na Kră Yang ăn kơ lu đe noh pŭ iŏk pơmat, yua kơ tơdrong yoch lu sư.

Êsai 42:5

Kră Yang Tơ'ngla pơjing lu plĕnh păng bơlang plĕnh, Sư Tơ'ngla lơ̆k bơlang bơih teh hăm dôm tơmam lĕch đơ̆ng noh. Tơ'ngla ăn kial dui jơhngơ̆m kơ kon bơngai păng ăn tơdrong arih lu bơngai yak năm kơpal teh. 'Nâu Kră Yang 'Bok Kei-Dei khan kơ đam Sư.

Êsai 57:16

Inh ưh kơ wă jô̆ yoch ling-lang ôh, kư̆m ưh kơ hil mĭl ling-lang mơ̆n, hli kơ kơnh gô rơdu bơhngol păng kial dui jơhngơ̆m kon bơngai mă Inh đei pơjing bơih kư̆m hiong,

Je 31:30

Mă-lei rim 'nu gô lôch yua kơ yoch sư kơdih; bơngai bu sa plei hơmu iŭ, sư kư̆m hơker mơ̆n.”

Êsêkiên 18:20

Bơngai bu pơm yoch bơngai noh kơdih sư gô lôch, kon sư ưh kơ đei pŭ tơdrong yoch 'bă sư păng 'bă sư kư̆m ưh kơ đei pŭ tơdrong yoch kơnê̆ kon sư. Tơdrong tơpăt lu bơngai 'lơ̆ng tơpăt gô 'măn kơ lu bơngai tơpăt, tơdrong kơnê̆ lu bơngai pơm kơnê̆ gô tơpŭ tơ lu bơngai pơm kơnê̆ noh.

Êsêkiên 18:3

Kră Yang khan: Tơpă thoi Inh mă arih, lu iĕm ưh pă yua bơih nơ̆r pơđơ̆k âu lăm Isơrael.

Êsêkiên 18:5

Pơtih gia bơngai bu tơpăt, pơm tơdrong 'lơ̆ng trŏ tơpăt,

Êsêkiên 3:18

Layơ mă Inh khan kơ bơngai pơm kơnê̆! ‘Sĭt ih gô lôch,’ mă-lei ih ưh kơ khan tơbăt kơ sư păng ưh kơ pơma khă sư athei hŭt lê̆ tơdrong kơnê̆ wă kơ sư gơh arih, bơngai pơm kơnê̆ noh gô lôch lăm tơdrong yoch sư. Mă-lei Inh gô tơpŭ pham sư lăm tơpang ti ih.

Êsêkiên 33:8

Mưh Inh khan kơ lu bơngai yoch, Ơ bơngai yoch, tơpă iĕm gô lôch mă-lei ih ưh kơ khă ôh lu bơngai yoch athei achăng lê̆ trong sư, sư gô lôch lăm tơdrong yoch sư; mă-lei Inh gô tơpŭ kơ ih pham sư.

Sa 12:1

Pŭ iŏk trăp nơ̆r Kră Yang pơma kơ pơlei Jêrusalem. Kră Yang Tơ'ngla pơjing kơ plĕnh păng teh păng ăn tơdrong arih tơ lăm kon bơngai bơ̆n, đei khan thoi âu:

Jo 16:22

Bre sư drap tơ teh kơkuh păng khan: Ơ Kră Yang 'Bok Kei-Dei, Ih Kră Yang 'Bok Kei-Dei ăn tơdrong arih kơ lu sĕch akar kon bơngai! Lăp minh 'nu đĕch pơm yoch lei Ih wă hil mĭl kơ đĭ-đăng kon pơlei hă?

Jo 27:16

Ơ Kră Yang, 'Bok Kei-Dei Yang kơ đĭ-đăng kon bơngai, apinh Ih rơih chă ăn bĕ minh 'nu lăm khŭl adrĕch adrung âu pơm yŏng pơgơ̆r.

Rom 6:23

Bu jang chă tơdrong yoch, apah sư tơdrong lôch. Mă-lei gah lu bơ̆n, dang ei 'Bok Kei-Dei ăn đĕch kơ bơ̆n arih ling-lang yua kơ bơ̆n lui kơ Kră Yang bơ̆n Yêsu Krist.

Galati 3:22

Sơ̆p hla bơar 'Bok Kei-Dei jô̆ đĭ-đăng kon bơngai bơ̆n pơm yoch, ưh kơ chu kiơ̆ tơdrong juăt Sư, trŏ kơ Sư wă phak tơpă ning-mônh. 'Bok Kei-Dei pơma jô̆ bơ̆n thoi noh, Sư kuă ăn bơ̆n tơchĕng kiơ̆ tơdrong akâu bơ̆n kơdih. Sư wă kơ bơ̆n tơchĕng gơnang kơ Kon Sư đĕch. Dôm lu bơngai lui kơ Kon Sư Yêsu Krist, 'Bok Kei-Dei wă ăn kơ lu sư arih ling-lang hăm Sư, kư̆m thoi Sư pơkă kơ Abraham sơ̆.

Both 24:16

'Nĕ kơ pơlôch 'bă yua kơ đơ̆ng tơdrong yoch kon, kư̆m 'nĕ kơ pơlôch lu kon yua kơ đơ̆ng tơdrong yoch 'bă, bơngai bu pơm yoch na pơlôch bơngai noh.

Hêbrơ 12:9

Mĕ 'bă pơjing bơ̆n tơ teh âu, sư kư̆m bơtho pơjĭ bơ̆n na bơ̆n băt chu yom kơ sư. Na 'nei 'Bă Tơm tơdrong arih bơhngol bơ̆n; bơ̆n athei chu yom kơ Sư rai loi, na bơ̆n gơh arih ling-lang.