Êsêkiên 18:32 - Sơ̆p Hlabơar Nơ̆r 'Bok Kei-Dei

³² Kră Yang khan: Tơpă, Inh ưh kơ hiôk ôh kơ tơdrong lôch mă lu iĕm wă lôch, athei tơbral bĕ wă kơ đei tơdrong arih.

Êsêkiên 18:32 ပူးပေါင်းရင်းမြစ်များ

Jop 37:23

Kră Yang Kră Yang Tih Hloh, lu bơ̆n ưh kơ gơh năm jê̆. Tơdrong mơsêh Sư tih krưp dêh, tơdrong 'lơ̆ng tơpăt Sư sĭt tơpă ưh kơ đei layơ wă pơjuă bơngai bu.

Êsai 31:6

Ơ kon pơlei pơla Isơrael, wơ̆t brŏk bĕ tơ Tơ'ngla mă đêl iĕm pơm kơnê̆ plơ̆ Sư lơ dêh.

Êsai 55:7

Lu bơngai kơnê̆ athei hŭt lê̆ tơdrong kơnê̆ sư kơdih; bơngai pơm kơnê̆ athei hŭt lê̆ dôm đon tơchĕng kơnê̆. Wih brŏk bĕ tơ Kră Yang, na Sư 'mêm mơnat, năm bĕ tơ Kră Yang 'Bok Kei-Dei lu bơ̆n yua kơ Sư ling-lang ưh kơ đei jô̆ yo tơdrong yoch bơ̆n.

Nhom 3:33

Yua kơ noh ưh kơ sĭ đơ̆ng Kră Yang pơm ăn kơ kon bơngai pơmat-tat păng ơh sơ'ngon.

Êsêkiên 18:23

Kră Yang khan: Inh 'bôh lu bơngai pơm kơnê̆ lôch Inh hiôk hă? Ưh kơ hiôk ôh wă kơ lu sư tơbral tơdrong kơnê̆ lu sư pơm na đei arih.

Êsêkiên 33:11

Khan bĕ kơ lu sư, Thoi Inh mă arih Kră Yang khan: Inh ưh kơ hiôk ôh kơ tơdrong lu bơngai yoch lôch, Inh hiôk dah sư achăng lê̆ trong tơdrong yoch sư na đei tơdrong arih; wih bĕ, wih bĕ, weh đơ̆ng trong tơdrong yoch iĕm, ơ hnam Isơrael. Yua kơ kiơ iĕm wă lôch?.

Sa 1:3

Thoi noh na ih khŏm roi kơ kon pơlei pơla thoi âu: Kră Yang Tih Hloh khan: ‘Wih tơ Inh bĕ, na Inh gô wih tơ lu iĕm dơ̆ng,’ Kră Yang Tih Hloh khan thoi noh.

I Tim 2:4

Păng Sư wă kơ đĭ-đăng bơngai gơh klaih đơ̆ng pơm yoch păng wă kơ lu sư băt tơdrong 'Bok Kei-Dei:

II Pet 3:9

Sư ưh kơ wă pơđunh ôh kơ tơdrong Sư pơkă khan wă ăn Yêsu Krist jur, thoi lu bơngai che bơle noh khan. Sư oei mơnat ră kơ kon bơngai bơ̆n, Sư ưh kơ wă kơ minh 'nu bơngai hiong lăm tơdrong Sư phak ră. Thoi noh na Sư oei gô wă kơ đĭ-đăng bơngai tơbral kơdih tơdrong yoch.