Êsêkiên 18:30 - Sơ̆p Hlabơar Nơ̆r 'Bok Kei-Dei

³⁰ Thoi noh Kră Yang khan: “Ơ adrĕch Isơrael, Inh gô sek tơlang lu iĕm, rim 'nu kiơ̆ kơ tơdrong sư đei pơm. Athei wih tơbral bĕ păng hŭt lê̆ dôm tơdrong yoch kơnê̆ lu iĕm, wă kơ tơdrong kơnê̆ huay kơ pơgăn pơrăm lu iĕm.

Êsêkiên 18:30 ပူးပေါင်းရင်းမြစ်များ

Esơra 10:11

Thoi noh dang ei, tơbral bĕ tơdrong yoch iĕm kơ Kră Yang Kră Yang 'Bok Kei-Dei 'bok lu iĕm păng pơm kiơ̆ kơ Sư lăp đon; athei weh bĕ đơ̆ng lu adrĕch tơmoi lăm dêh âu păng đơ̆ng lu bơngai tơmoi mă lu iĕm iŏk pơm akăn.

Bôk Bơthô 12:14

Yua kơ Kră Yang 'Bok Kei-Dei gô sek tơlang kiơ̆ kơ tơdrong đêl bơ̆n pơm, pơm 'lơ̆ng dah pơm kơnê̆, mă khan tơdrong kiơ hlơp, sư kư̆m sek tơlang mơ̆n. 25-Nov-2005@13:33, Backup Description=25-Nov-2005@13:30, Billy - 29-Nov-2005@10:12, Backup Description=25-Nov-2005@16:45, David Le vp - 29-Nov-2005@10:23, Backup Description=29-Nov-2005@10:21, Billy -

Bôk Bơthô 3:17

Na inh khan: Kră Yang 'Bok Kei-Dei gô sek tơlang kơ lu bơngai pơm 'lơ̆ng păng lu bơngai pơm kơnê̆, yua kơ Sư đei hơgăt ăn boih jơ 'năr kơ tôm tơdrong kiơ kiơ.

Êsai 21:12

Bơngai gak tơl khan: “Pơgê truh bơih kơmăng kư̆m truh mơ̆n. Mưh ih wă jet; jet bĕ, kơnh wơ̆t tơ âu dơ̆ng hŏ.”

Êsai 59:20

“Tơ'ngla dŏng pơklaih gô truh tơ Siôn; năm tơ lu bơngai lăm adrĕch adrung Jakôp, mă achăng hŭt tơdrong yoch.” Kră Yang pơma thoi noh.

Je 25:5

Lu sư khan: ‘Rim 'nu kơ lu iĕm athei weh đơ̆ng tơdrong kơnê̆, achăng lê̆ bĕ tơdrong pơm yoch kơnê̆, na lu iĕm gô oei lăm teh đak Kră Yang ăn boih kơ lu iĕm păng lu 'bok yă iĕm sơ̆ khơ̆ ning-mônh hlŏng hloi.

Je 3:22

“Ơ lu kon pơlei ưh kơ tơpăt, brŏk bĕ! Inh gô pơklaih tơdrong kơnê̆ lu iĕm.” “Âu, lu nhôn gô brŏk tơ Ih, Ih boih Kră Yang 'Bok Kei-Dei lu nhôn.

Je 35:15

Inh đei lơ wơ̆t boih wơh đĭch đam Inh, lu bơngai khan lê̆ adrol năm khan kơ lu iĕm: Dang ei ăn đĭ kơ lu iĕm weh bĕ đơ̆ng yoch, tơplih bĕ tơdrong lu iĕm pơm; păng kư̆m 'nĕ kơ kiơ̆ lu yang nai, lei na lu iĕm gơh mơ̆t oei tơ lăm char mă Inh gô ăn kơ lu iĕm păng kơ 'bok lu iĕm. Mă-lei lu iĕm ưh kơ wă pơgling đon mơ̆ng kiơ̆ Inh.

Je 7:3

Kră Yang Tih Hloh 'Bok Kei-Dei bơngai Isơrael khan thoi âu: “Hơmet tơplih ming bĕ trong tơdrong arih lu iĕm păng tơdrong jang lu iĕm; lei na Inh ăn kơ lu iĕm oei oei lăm anih 'nâu.

Êsêkiên 14:6

Thoi noh, khan bĕ kơ adrĕch Isơrael: ‘'Nâu nơ̆r Kră Yang Tih Hloh khan: Wih brŏk tơbral bĕ! Lê̆ rup yang lu iĕm, tơbral weh đơ̆ng dôm tơdrong kơnê̆ krưp 'bơ̆t anăp lu iĕm.

Êsêkiên 18:21

Tơdah lu bơngai pơm kơnê̆ băt tơbral đĭ-đăng tơdrong yoch sư hlôi pơm, na wei răk dôm khôi juăt Inh păng pơm tơdrong 'lơ̆ng tơpăt, tơpă sư gô đei tơdrong arih, ưh kơ lôch ôh.

Êsêkiên 18:29

Adrĕch Isơrael đei khan: Trong Kră Yang ưh kơ tơpăt, Ơ adrĕch Isơrael, trong Inh ưh kơ tơpăt hă? Mă tơpă trong lu iĕm ưh kơ tơpăt.

Êsêkiên 24:14

Inh bơih Kră Yang, đei khan dôm tơdrong noh gô truh, Inh gô pơm. Inh ưh kơ gơ̆t lê̆ ti, ưh kơ hmach, ưh kơ tơplih. Inh gô sek kiơ̆ kơ trong ih năm păng kiơ̆ kơ tơdrong jang ih, Kră Yang khan thoi noh.

Êsêkiên 33:11

Khan bĕ kơ lu sư, Thoi Inh mă arih Kră Yang khan: Inh ưh kơ hiôk ôh kơ tơdrong lu bơngai yoch lôch, Inh hiôk dah sư achăng lê̆ trong tơdrong yoch sư na đei tơdrong arih; wih bĕ, wih bĕ, weh đơ̆ng trong tơdrong yoch iĕm, ơ hnam Isơrael. Yua kơ kiơ iĕm wă lôch?.

Êsêkiên 33:20

Lu iĕm khan: ‘Trong Kră Yang ưh kơ tơpăt!’ Ơ adrĕch Isơrael, Inh gô sek tơlang lu iĕm rim 'nu kiơ̆ kơ trong lu sư kơdih.”

Êsêkiên 33:9

Tơdah ih đei khă lu bơngai pơm yoch wă kơ sư achăng lê̆ trong sư, mă-lei sư ưh kơ lê̆ trong kơnê̆ sư, na sư lôch yua kơ tơdrong yoch sư, lei ih arih huay kơ pŭ yoch ôh.

Êsêkiên 34:20

Na, Kră Yang khan kơ lu sư thoi âu: Inh kơdih gô sek tơlang bre triu bek păng lu triu hơkĕ.

Êsêkiên 36:19

Inh pơm kơ lu sư tơklah tơklang tơ jơ̆p kơ teh đak, tơ jơ̆p kơ tơring; Inh sek tơlang boih lu sư kiơ̆ kơ trong lu sư kiơ̆ păng tơdrong lu sư đei pơm.

Êsêkiên 43:9

Dang ei lu sư athei hŭt lê̆ tơdrong pơm pơyô kư̆ kă păng akâu lu pơtao lôch ataih đơ̆ng Inh, Inh gô oei hơdai lu sư ling-lang hlŏng hloi.

Êsêkiên 7:27

Pơtao gô nhơ̆m hmoi. Lu kon pơtao gô pŭ iŏk tơdrong răm, pă hơmĕng tơpang ti lu kon pơlei pơla gô hli tơtey. Inh gô pơm kơ lu sư kiơ̆ kơ trong lu sư, oei arih sa thoi yơ Inh gô sek tơlang thoi noh. Lu sư gô băt Inh boih Kră Yang.”

Êsêkiên 7:3

Dang ei tơdrong ih truh bơih. Inh gô tuh tơdrong Inh hil tơ ih, Inh gô sek tơlang phak ih kiơ̆ kơ trong ih yak, hăm Inh gô pơm tơwih kơ ih kiơ̆ dôm tơdrong kơnê̆ krưp mă ih đei pơm.

Da 9:13

Đĭ-đăng tơdrong răm âu truh tơ nhôn thoi đei chih boih tơ lăm khôi juăt Môis; lu nhôn kư̆m ưh kơ đei apinh Kră Yang 'Bok Kei-Dei nhôn, wă kơ lê̆ tơdrong kơnê̆ lu nhôn kơdih păng băt hlôh tơdrong lui kiơ̆ Ih.

Hôsia 12:6

Wih brŏk bĕ tơ Kră Yang 'Bok Kei-Dei, 'mêm mơnat păng oei pơm tơdrong tơpăt, păng chang gô bĕ Kră Yang 'Bok Kei-Dei iĕm ling-lang.

Sa 1:4

'Nĕ kơ pơm thoi 'bok yă lu iĕm sơ̆ thoi lu 'bok khan lê̆ adrol sơ̆ đei krao lu sư. Kră Yang Tih Hloh đei khan: ‘Dang ei weh bĕ đơ̆ng trong kơnê̆ păng đơ̆ng lu tơdrong pơm kơnê̆.’ Mă-lei lu sư ưh kơ mơ̆ng, kuă kơ mơ̆ng Inh, Kră Yang khan thoi noh.

Malachi 3:18

Dang ei lu iĕm gô wih brŏk păng Inh klah lu bơngai tơpăt hăm lu bơngai pơm yoch kơnê̆ pha; lu bơngai bơ̆jang kơ 'Bok Kei-Dei hăm lu bơngai ưh kơ bơ̆jang kơ Sư pha.”

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Mathiơ 25:32

Năr ei kơnh đĭ-đăng rim khŭl kon bơngai akŭm 'bơ̆t anăp Inh, na Inh gô klah asong lu sư jing 'bar khŭl, kư̆m thoi bơngai wei triu klah asong triu păng bơbe sư 'bar khŭl.

Mathiơ 3:2

Sư bơtho đe thoi âu: “Iĕm athei tơbral kơdih tơdrong yoch, yua kơ 'Bok Kei-Dei wă pơgơ̆r iĕm boih.”

Mathiơ 3:8

Iĕm athei tŭk lê̆ đĭ dôm tơdrong kơnê̆, na pơm mă 'lơ̆ng tơpăt wă kơ đe băt kơ iĕm tơbral kơdih tơdrong yoch tơpă boih.

Luka 13:3

Ưh kơ trŏ ôh. Mă-lei dah lu iĕm ưh kơ tơbral kơdih tơdrong yoch, lei đĭ-đăng kơ lu iĕm kư̆m lôch lei-lăi thoi lu sư mơ̆n ning-mônh.

Luka 13:5

Ưh kơ trŏ ôh. Mă-lei dah lu iĕm ưh kơ tơbral kơdih tơdrong yoch, lei đĭ-đăng kơ lu iĕm kư̆m lôch lei-lăi thoi lu sư mơ̆n ning-mônh.”

Jang 26:20

Thoi noh na inh bơtho đe tơ Pơlei Đamas hơdrol, klaih kơ noh inh năm bơtho tơ Pơlei Jêrusalem, hăm inh năm bơtho jơ̆p-jang dêh char Juđê păng lu dêh char tơmoi. Inh bơtho athei lu sư tơbral kơdih đơ̆ng tơdrong yoch hăm lui kơ 'Bok Kei-Dei, na pơm kiơ̆ tơdrong 'lơ̆ng wă kơ đe băt kơ lu sư tơbral kơdih tơpă.

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

Ya 1:15

jing pơm yoch. Tơdrong yoch bơ̆n rai tih rai lơ boih, na bơ̆n gô truh kơ tơdrong lôch.

I Pet 1:17

Bơ̆n krao khan kơ Sư yua kơ Sư 'Bă bơ̆n, bơ̆n athei chu kơ Sư yua kơ Sư wă sek tơlang mă tơpăt đĭ-đăng kon bơngai kiơ̆ tơdrong lu sư đêl pơm. Thoi noh na bơ̆n athei kơchăng hli kơ pơm yoch kơplah bơ̆n oei arih tơ ala teh âu. Bơ̆n oei arih tơ ala teh âu thoi bơngai tơmoi đĕch, ưh kơ sĭ teh đak bơ̆n kơdih ôh.

Tơdrông Tơ'bôh 2:16

Na dang ei iĕm athei tơbral kơdih tơdrong yoch. Tơ̆ng iĕm ưh kơ tơbral, lei Inh ưh kơ anat ôh, Inh năm blah hloi dôm lu iĕm mă lui kơ tơdrong Nikôlat noh. Inh blah păng đao mă lĕch đơ̆ng 'bơ̆r Inh noh.’

Tơdrông Tơ'bôh 2:5

Na dang ei iĕm 'blŏk hơdơ̆r kơ tơdrong iĕm 'mêm sơ̆ dang yơ, iĕm athei 'mêm dang noh, 'nĕ kơ pơhơi. Tơ̆ng iĕm ưh kơ 'mêm dang tơm hmơm iĕm lui sơ̆, lei Inh wă năm hloi pơdrĕo iŏk jơ̆ng kơđeng maih đơ̆ng pơlei iĕm.

Tơdrông Tơ'bôh 20:12

Păng inh 'bôh lơlang lơlap kon bơngai đêl lôch iung arih; bơngai pơm tih, bơngai iĕ, đĭ lu sư dơ̆ng 'bơ̆t anăp 'Bok mă oei kơpal tang-dŏ tih krưp ei. Na 'Bok ei tak lăng lu sơ̆p hla bơar tơdrong lu bơngai lôch đêl pơm kơplah sư oei arih sơ̆. Sư kư̆m tak lăng minh sơ̆p hla bơar nai, sơ̆p hla bơar ei đe chih anăn dôm lu bơngai mă wă oei hơdai hăm 'Bok Kei-Dei ling-lang. 'Bok Kei-Dei sek tơlang lu bơngai đơ̆ng lôch, kiơ̆ kơ tơdrong lu sư đêl pơm tơ ala teh, kiơ̆ kơ đe chih 'măn lê̆ dôm tơdrong lu sư đêl pơm noh tơ lăm lu sơ̆p hla bơar ei sơ̆.

Tơdrông Tơ'bôh 22:12

Yêsu khan thoi âu: “Inh jê̆ jur boih. Inh chĕp tơmam apah lu sư, rim 'nu kiơ̆ kơ lu sư đei pơm.