Êsêkiên 18:26 - Sơ̆p Hlabơar Nơ̆r 'Bok Kei-Dei

²⁶ Tơdah bơngai tơpăt hŭt lê̆ tơdrong tơpăt, na pơm tơdrong kơnê̆, sư gô lôch, sư gô lôch yua kơ tơdrong yoch kơnê̆ sư hlôi pơm boih.

Êsêkiên 18:26 ပူးပေါင်းရင်းမြစ်များ

Tơdrông Pơđơk 2:13

Klaih đơ̆ng lu bơngai achăng lê̆ trong tơpăt, kiơ̆ trong măng mu.

Êsêkiên 18:18

Mă-lei 'bă sư pơm yoch pơjuă đe, tơtông tơmam lu 'nhŏng oh sư, pơm ưh kơ 'lơ̆ng lăm pơlei sư, sư gô lôch yua kơ tơdrong yoch kơnê̆ mă sư đei pơm.

Êsêkiên 18:24

Mă-lei tơdah bơngai tơpăt hŭt lê̆ tơdrong tơpăt sư, na sư pơm yoch kơnê̆ krưp thoi lu bơngai kơnê̆ đei pơm, Sư hăm arih ưh? Dôm tơdrong tơpăt ayơ mă sư pơm boih Inh ưh pă 'blŏk dơ̆ng, sư gô lôch yua kơ tơdrong yoch kơnê̆ mă sư đei pơm.

Êsêkiên 18:25

Mă-lei lu iĕm khan: ‘Trong Kră Yang pơm ưh kơ tơpăt!’ Ơ lu adrĕch Isơrael, mơ̆ng bĕ! Trong Inh ưh kơ tơpăt dah trong lu iĕm ưh kơ tơpăt?

Êsêkiên 18:27

Tơdah bơngai mă pơm kơnê̆ hŭt lê̆ tơdrong kơnê̆, tơdrong yoch mă sư pơm boih, na pơm kiơ̆ tơdrong tơpăt tơdrong trŏ, sư gô dŏng pơklaih bơhngol sư đei tơdrong arih ling-lang.

Êsêkiên 3:20

Tơpă, dah minh 'nu bơngai tơpăt lê̆ tơdrong tơpăt sư na pơm yoch, Inh gô ăn đei tơdrong pơgăn 'bơ̆t anăp sư păng sư gô lôch yua kơ pơm yoch, mă-lei yua kơ ih ưh kơ khan khă bơngai noh, thoi noh sư gô lôch lăm tơdrong yoch sư, Inh ưh pă 'blŏk dôm tơdrong tơpăt mă sư đei pơm, mă-lei pham sư oei jô̆ lăm ti ih.

Êsêkiên 33:13

Tơdah Inh khan kơ bơngai tơpăt. Tơpă ih gô arih mă-lei tơdah sư gơnang kơ tơdrong tơpăt sư kơdih na pơm yoch, Inh ưh pă đei 'blŏk dơ̆ng kơ tơdrong tơpăt mă sư pơm boih, na sư gô lôch lăm tơdrong yoch sư đêl pơm.

Êsêkiên 33:18

Tơdah bơngai tơpăt lê̆ tơdrong tơpăt sư pơm tơdrong kơnê̆, sư gô lôch yua kơ tơdrong yoch noh.

Lêwi 6:7

'Bok soi gô soi sơmah huai đơ̆ng yoch bơngai noh 'bơ̆t anăp Kră Yang, na tơdrong yoch bơngai noh gơh mơnat ăn mă dôm tơdrong yoch kiơ sư đei pơm glăi.

Kôlôsê 1:23

Na iĕm kư̆ kơ lui mă kơjăp, lui khŏm khŏm na huay kơ achăng lê̆ tơdrong 'nao 'lơ̆ng Sư, tơdrong mă bơ̆n gô oei hiôk jơnap hăm 'Bok Kei-Dei. Iĕm kơtơ̆ng boih đe anăn tơdrong 'nao 'lơ̆ng; tơdrong 'nao 'lơ̆ng noh boih đe bơtho jơ̆p-jang kơ teh đak, na inh dang ei kư̆m bơtho tơdrong 'noh mơ̆n.

I Yo 5:17

Dôm tơdrong ưh kơ trŏ kơ tơdrong juăt 'Bok Kei-Dei, tơdrong yoch ngăl. Sơmă đei 'bar khŭl yoch.