Êsêkiên 18:22 - Sơ̆p Hlabơar Nơ̆r 'Bok Kei-Dei

²² Dôm tơdrong yoch mă sư hlôi pơm ưh pă jô̆ boih; đơ̆ng tơdrong sư pơm 'lơ̆ng sư gô đei tơdrong arih.

Êsêkiên 18:22 ပူးပေါင်းရင်းမြစ်များ

I Pot 17:18

Na yă tơ'ngla hnam 'noh khan kơ Êli. “Ơ bơngai mă Kră Yang 'Bok Kei-Dei yua, inh hăm ih đei tơdrong kiơ? Hăm trŏ ih năm tơ hnam inh 'nâu wă tơ'blŏk kơ inh đei tơdrong yoch păng pơlôch kon drŏ-nglo inh”.

II Ho 6:23

apinh Kră Yang đơ̆ng kơpal plĕnh ti mơ̆ng nơ̆r sư păng pơm. Sek tơlang kơ lu đĭch đam Ih, pơm tơwih bĕ kơ bơngai pơm kơnê̆, kiơ̆ thoi tơdrong kơnê̆ sư đei pơm, ăn kơ tơdrong yoch sư pơm noh tuh tơ kơpal kơ̆l sư kơdih. Pơm mă hơdah kơ bơngai tơpăt kiơ̆ kơ tơdrong tơpăt sư pơm.

Horiso 103:12

Gah hơlĕch ataih đơ̆ng gah bơmơ̆t dang yơ, Na Sư kư̆m hŭt lê̆ dôm yoch glăi lu bơ̆n ataih dang noh mơ̆n.

Horiso 19:11

Đơ̆ng tơdrong noh bơtho ăn kơ đĭch đam Kră Yang hlôh wao; Bu bơwei, sư đei apah tih tơpă.

Horiso 25:7

Apinh Ih lê̆ pă 'blŏk kơ tơdrong yoch, Inh pơm oei hơmuh hơmŏng, dah tơdrong kơnê̆ mă inh pơm boih; 'Blŏk kơ inh kiơ̆ thoi Ih mơnat, yua kơ tơdrong 'lơ̆ng Ih. Ơ Kră Yang.

Horiso 51:1

Ơ Kră Yang 'Bok Kei-Dei! Apinh mơnat ăn kơ inh kiơ̆ thoi tơdrong 'mêm Ih. Apinh Ih sut lê̆ dôm tơdrong inh pơm yoch, kiơ̆ kơ Ih mơnat.

Êsai 43:25

Noh, Inh kơdih 'mơ̆i sŭt lê̆ tơdrong iĕm pơm yoch păng Inh ưh pă 'blŏk dơ̆ng tơdrong yoch iĕm.

Je 31:34

Ưh pă đei pơhrăm băl boih lu rông 'bôt sư; păng lu 'nhŏng oh sư khan: Athei băt kơ Kră Yang! Yua kơ đĭ-đăng lu sư gô băt kơ Inh, bơngai pơm iĕ truh tơ bơngai pơm tih Kră Yang khan: “Inh ưh pă jô̆ yo kơ tơdrong lu sư pơm kơnê̆, păng kư̆m ưh pă 'blŏk kơ yoch glăi đêl lu sư pơm.”

Je 50:20

Kră Yang khan: “Lăm năr noh, kơplah noh. Đe chă tơdrong glăi lăm lu bơngai Isơrael ưh kơ 'bôh ôh. Đe chă tơdrong yoch lăm lu bơngai Juđa kư̆m ưh kơ đei. Yua kơ Inh mơnat ăn huay pă jô̆ boih kơ lu bơngai, mă Inh oei 'măn lê̆ arih.”

Êsêkiên 18:24

Mă-lei tơdah bơngai tơpăt hŭt lê̆ tơdrong tơpăt sư, na sư pơm yoch kơnê̆ krưp thoi lu bơngai kơnê̆ đei pơm, Sư hăm arih ưh? Dôm tơdrong tơpăt ayơ mă sư pơm boih Inh ưh pă 'blŏk dơ̆ng, sư gô lôch yua kơ tơdrong yoch kơnê̆ mă sư đei pơm.

Êsêkiên 33:16

Dôm tơdrong yoch đêl sư pơm ưh pă 'blŏk dơ̆ng boih; sư pơm kiơ̆ tơdrong juăt păng tơdrong tơpăt na sư gô arih.

Mi 7:19

Sư kư̆m gô oei 'mêm mơnat kơ bơ̆n, kơtĭt lê̆ tơdrong yoch kơnê̆ lu nhôn tơ ala jơ̆ng Ih; păng klơ̆m hŭt lê̆ tơdrong yoch lu nhôn, tơ lăm đak dơsĭ jrŭ sŭng.

Rom 8:1

Yua kơ thoi noh na dôm lu bơ̆n bơngai mă lui kơ Yêsu Krist, 'Bok Kei-Dei ưh pă wă phak lu bơ̆n dơ̆ng boih.

Hêbrơ 8:12

Inh gô mơnat kơ tơdrong yoch lu sư đêl pơm, Inh ưh pă tơchĕng boih kơ dôm tơdrong kơnê̆ noh.”

I Yo 3:7

Ơ lu kon hơ'lơ̆p, 'nĕ lui kơ đe hơlĕnh kơ iĕm khan bơngai lui bơ̆n ưh kơ kăl pơm 'lơ̆ng tơpăt. Inh khan kơ iĕm thoi âu: Bơngai bu pơm 'lơ̆ng tơpăt, bơngai 'noh đei đon 'lơ̆ng tơpăt kư̆m thoi Yêsu bơngai 'lơ̆ng tơpăt mơ̆n.