Êsêkiên 18:20 - Sơ̆p Hlabơar Nơ̆r 'Bok Kei-Dei

²⁰ Bơngai bu pơm yoch bơngai noh kơdih sư gô lôch, kon sư ưh kơ đei pŭ tơdrong yoch 'bă sư păng 'bă sư kư̆m ưh kơ đei pŭ tơdrong yoch kơnê̆ kon sư. Tơdrong tơpăt lu bơngai 'lơ̆ng tơpăt gô 'măn kơ lu bơngai tơpăt, tơdrong kơnê̆ lu bơngai pơm kơnê̆ gô tơpŭ tơ lu bơngai pơm kơnê̆ noh.

Êsêkiên 18:20 ပူးပေါင်းရင်းမြစ်များ

I Pot 14:13

Đĭ-đăng lu kon pơlei Isơrael gô nhơ̆m hmoi păng 'bŭ sư; lăm hnam dơnŏ Jêrôbôam lăp minh 'nu đĕch 'bŭ lăm bơsat, yua kơ lăm hnam Jêrôbôam lăp minh 'nu sư đĕch đei jơhngơ̆m 'lơ̆ng 'biơ̆ hăm Kră Yang 'Bok Kei-Dei Isơrael.

I Pot 8:32

apinh Ih đơ̆ng kơpal plĕnh mơ̆ng păng tơl tơwih sek tơlang ăn kơ đĭch đam Ih, apinh Ih pơm plơ̆ kơ lu bơngai kơnê̆, đơ̆ng sư chă trong pơm kơnê̆ tuh plơ̆ tơ kơpal kơ̆l sư, apinh Ih tơgŭm bơngai 'lơ̆ng tơpăt. Ih apah bơnê kiơ̆ kơ tơdrong 'lơ̆ng tơpăt sư pơm.

II Pot 14:6

Mă-lei sư ưh kơ pơlôch ôh lu kon, bơngai pơlôch đe noh, kiơ̆ thoi nơ̆r mă đe đei chih bơih tơ lăm sơ̆p hla bơar tơdrong juăt Môis: “Lăm tơdrong Kră Yang đei tơtă bơih, đe ưh kơ pơlôch mĕ 'bă yua kơ kon yoch, kư̆m ưh kơ pơlôch kon yua kơ mĕ 'bă pơm yoch; rim 'nu đe gô pơlôch yua kơ tơdrong yoch sư kơdih.

II Ho 25:4

Mă-lei sư ưh kơ pơlôch ôh kon drŏ-nglo đe noh, kiơ̆ thoi đei chih lăm sơ̆p hla bơar khôi juăt Môis. Lăm khôi juăt Kră Yang đei khan: “'Bă huay kơ lôch yua kơ kon, kon huay kơ lôch yua kơ đơ̆ng 'bă pơm yoch; mă-lei rim 'nu gô lôch yua kơ tơdrong yoch Sư kơdih.”

II Ho 6:23

apinh Kră Yang đơ̆ng kơpal plĕnh ti mơ̆ng nơ̆r sư păng pơm. Sek tơlang kơ lu đĭch đam Ih, pơm tơwih bĕ kơ bơngai pơm kơnê̆, kiơ̆ thoi tơdrong kơnê̆ sư đei pơm, ăn kơ tơdrong yoch sư pơm noh tuh tơ kơpal kơ̆l sư kơdih. Pơm mă hơdah kơ bơngai tơpăt kiơ̆ kơ tơdrong tơpăt sư pơm.

II Ho 6:30

apinh Kră Yang đơ̆ng kơpal plĕnh anih Ih oei, mơ̆ng, mơnat ăn păng pơdrâu tơwih kơ lu sư rim 'nu kiơ̆ thoi lu sư đei tơbral Ih băt nhen kơ jơhngơ̆m klơm klak lu sư; tơpă lăp minh 'nu Ih đĕch băt hơđăl kơ jơhngơ̆m klơm klak kon bơngai

Le 32:33

mă-lei Kră Yang khan kơ Môis: Bơngai bu pơm yoch bơih hăm Inh, Inh gô sŭt anăn sư đơ̆ng lăm sơ̆p hla bơar Inh.

Êsai 53:11

Đơ̆ng rŏng kơ bơhngol sư đei tơdrong pơmat-tat. Sư anih 'bôh hơdah. Đơ̆ng tơdrong sư hlôh băt sư gô hiôk. Đĭch đam Inh 'lơ̆ng tơpăt noh, Sư ăn đei lơ bơngai 'lơ̆ng tơpăt đơ̆ng sư pŭ iŏk tơdrong yoch lu sư.

Êsêkiên 14:14

Dah mă đei pêng 'nu drŏ-nglo âu: Nôê, Đaniel, hăm Jop oei lăm char ei, lei lăp lu sư đĕch gơh klaih oei arih, yua kơ tơdrong tơpăt lu sư kơdih. Kră Yang Tih Hloh khan thoi noh.

Êsêkiên 14:16

Kră Yang Tih Hloh khan, tơpă thoi Inh mă arih ling-lang, mă khan đei pêng 'nu drŏ-nglo noh oei lăm char noh, lu sư ưh kơ gơh pơklaih kon drŏ-nglo dah kon drŏ-kăn, lăp gơh pơklaih kơdih akâu lu sư đĕch; char noh jing bri juơ tơtŭng.

Êsêkiên 18:13

ăn tŏk iŏk sa lơi adrol păng iŏk lơi lơ, kon sư noh hăm gơh arih ưh? Sư ưh kơ đei arih ôh! Yua kơ sư hlôi pơm yoch dôm tơdrong kơnê̆, tơpă sư gô lôch păng pham sư gô tuh kơ kơ̆l sư.

Êsêkiên 18:30

Thoi noh Kră Yang khan: “Ơ adrĕch Isơrael, Inh gô sek tơlang lu iĕm, rim 'nu kiơ̆ kơ tơdrong sư đei pơm. Athei wih tơbral bĕ păng hŭt lê̆ dôm tơdrong yoch kơnê̆ lu iĕm, wă kơ tơdrong kơnê̆ huay kơ pơgăn pơrăm lu iĕm.

Êsêkiên 18:4

Yua kơ đĭ-đăng tơdrong arih lăm Inh, tơdrong arih 'bă kư̆m thoi tơdrong arih kon oei lăm Inh ngăl na Bơngai bu pơm yoch gô lôch.

Êsêkiên 33:10

Ơ kon bơngai khan bĕ kơ adrĕch Isơrael: “Lu iĕm khan: ‘Dôm tơdrong kơnê̆ hăm tơdrong yoch lu nhôn, kơtĭt trăp dêh tơ lu nhôn, lu nhôn wă lôch yua kơ tơdrong yoch noh lei lu nhôn pơm liơ gơh đei arih.’

Êsêkiên 33:6

Tơdah bơngai gak 'bôh đao hơlă truh blah mă ưh kơ hlôm keng, kon pơlei ưh kơ băt kơchăng, na đao hơlă noh blah đei minh 'nu bơngai lôch yua kơ tơdrong yoch sư kơdih, mă-lei Inh gô tơpŭ pham noh tơ tơpang ti bơngai gak.

Êsêkiên 4:4

Klaih kơ noh, ih athei 'bĭch cheng gah 'ngiĕo păng Inh gô dan tơdrong yoch bơngai Isơrael tơ kơpal ih. Ih 'bĭch thoi noh hơdôm năr, pŭ chĕp tơdrong yoch lu sư kư̆m dang noh.

Lêwi 10:17

Liơ măr iĕm ưh kơ sa 'nhĕm tơmam soi huai đơ̆ng yoch tơ anih 'lơ̆ng rơgoh? Yua kơ noh jing tơmam 'lơ̆ng rơgoh hloh mă đe ăn boih kơ lu iĕm, wă kơ lu iĕm pŭ đĭ-đăng tơdrong yoch kon pơlei pơla păng soi sơmah huai đơ̆ng yoch ăn kơ lu sư 'bơ̆t anăp Kră Yang.

Lêwi 16:22

Kon bơbe noh gô pŭ tơ akâu sư dôm tơdrong yoch kon pơlei Isơrael, lĕch tơ bri brah ưh kơ đei bơngai, đe achăng bơbe noh tơ tơmăn glă.

Lêwi 19:8

Bu sa tơmam soi thoi noh gô pŭ iŏk tơdrong yoch sư kơdih, yua kơ sư pơm 'mê̆-'mach kơ tơmam rơgoh 'lơ̆ng Kră Yang bơngai noh; đe gô puh tơlĕch đơ̆ng kon pơlei pơla sư.

Lêwi 5:1

Tơdah bơngai bu pơm kơdranh mă đei pơkăm pơkă bơih. Păng pơm glăi yua kơ ưh pơdah kơ đe tơdrong sư đêl 'bôh, dah đêl băt lei bơngai noh pŭ yoch sư kơdih bơih.

Lêwi 5:17

Tơdah bu mă pơm glăi minh tơdrong lăm dôm lu nơ̆r tơtă Kră Yang khă kuă ăn kơ pơm, mă khan sư ưh kơ băt ôh kơ tơdrong noh, lei bơngai noh kư̆m yoch bơih păng gô pŭ iŏk tơdrong yoch sư.

Jo 15:31

yua kơ sư kuă kơ mơ̆ng kiơ̆ nơ̆r Kră Yang păng pơm glăi kơ nơ̆r Kră Yang tơtă; bơngai noh ăn đe pơrăm lê̆ sư tơdrong yoch kơnê̆ sư pơm gô tuh kơ sư kơdih.

Jo 18:1

Kră Yang khan kơ Arôn: Ih, lu kon drŏ-nglo ih păng adrĕch adrung ih kư̆m gô pŭ iŏk lu tơdrong yoch lăm anih rơgoh; gah ih lu kon drŏ-nglo ih gô pŭ tơdrong yoch lăm tơdrong jang 'bok soi.

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Both 24:16

'Nĕ kơ pơlôch 'bă yua kơ đơ̆ng tơdrong yoch kon, kư̆m 'nĕ kơ pơlôch lu kon yua kơ đơ̆ng tơdrong yoch 'bă, bơngai bu pơm yoch na pơlôch bơngai noh.

Hêbrơ 9:28

Kư̆m thoi noh Yêsu jur lôch minh 'măng noh sơ̆ wă pơrăm tôm tơdrong yoch hloi. Mă pă 'măng Sư jur Sư ưh pă pơrăm tơdrong yoch boih, Sư jur wă iŏk dôm lu bơngai mă oei chang gô Sư dang ei.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.

Tơdrông Tơ'bôh 20:12

Păng inh 'bôh lơlang lơlap kon bơngai đêl lôch iung arih; bơngai pơm tih, bơngai iĕ, đĭ lu sư dơ̆ng 'bơ̆t anăp 'Bok mă oei kơpal tang-dŏ tih krưp ei. Na 'Bok ei tak lăng lu sơ̆p hla bơar tơdrong lu bơngai lôch đêl pơm kơplah sư oei arih sơ̆. Sư kư̆m tak lăng minh sơ̆p hla bơar nai, sơ̆p hla bơar ei đe chih anăn dôm lu bơngai mă wă oei hơdai hăm 'Bok Kei-Dei ling-lang. 'Bok Kei-Dei sek tơlang lu bơngai đơ̆ng lôch, kiơ̆ kơ tơdrong lu sư đêl pơm tơ ala teh, kiơ̆ kơ đe chih 'măn lê̆ dôm tơdrong lu sư đêl pơm noh tơ lăm lu sơ̆p hla bơar ei sơ̆.