Êsêkiên 18:16 - Sơ̆p Hlabơar Nơ̆r 'Bok Kei-Dei

¹⁶ Ưh kơ pơjuă pơđep đe, ưh kơ pơdrâu tơmam đe đêl hre păng ưh kơ tơtông tơmam đe, ăn tơmam sa kơ lu bơngai pơngot, ăn ao hrŭk kơ lu bơngai koh hoh;

Êsêkiên 18:16 ပူးပေါင်းရင်းမြစ်များ

Jop 22:6

Yua kơ ih pơgŏ ra đơ̆ng 'nhŏng oh ih tơmam pơkơ̆ng tơdrong kơ đei. Plôh iŏk hơbĕn ao lê̆ sư akâu hoh,

Jop 22:7

Ih ưh kơ ăn đak nhă kơ bơngai lap, Ưh kơ ăn kơ bơngai pơngot tơmam sa.

Jop 31:16

Tơdah inh sơngah ưh kơ ăn ôh tơmam kơ bơngai dơnuh dơnan hơpơi wă, Tơdah inh lê̆ bơngai adro chang gô dĭng pă hơmĕng.

Jop 31:19

Tơdah inh 'bôh bơngai wă jê̆ lôch yua ưh kơ đei hơbĕn ao, Dah bơngai dơnuh kơ'bah ưh kơ đei khăn su,

Jop 31:20

tơdah lu sư ưh kơ đĭ jơhngơ̆m sơkat pŭn hiôk kơ inh, kơplah lu sư gơh tơnŏ đơ̆ng sŏk triu inh,

Horiso 41:1

Pŭn dêh bơngai bu mă 'blŏk tơtăm bơngai rơdu tơrăn! Lăm năr anat anot Kră Yang gô tơgŭm dŏng sư.

Tơdrông Pơđơk 22:9

Bơngai bu đei măt lăng mơnat sư gô đei pŭn hiôk. Yua kơ sư đei tơgŭm tơmam sa kơ lu bơngai dơnuh hin.

Tơdrông Pơđơk 25:21

Tơdah bơngai ayăt kơ ih pơngot ăn kơ sư sŏng sa. Tơdah rơhing kơ đak, ăn kơ sư nhă;

Tơdrông Pơđơk 31:20

Sư hơmrah tơgŭm lu bơngai dơnuh hoh. Ti sư tơpơng drơng dŏng tơgŭm lu bơngai pơmat-tat.

Êsêkiên 18:12

pơjuă pơđep bơngai dơnuh hin tơtông tơmam đe păng ưh kơ pơdrâu đêl tơmam đe, lăng tơ rup yang, pơm dôm tơdrong yoch kơnê̆ krưp,

Êsêkiên 18:15

Ưh kơ sa 'nhĕm đe soi tơ kơpal kông, sư ưh kơ lăng tơ rup yang adrĕch Isơrael, ưh kơ pơm kơnê̆ hăm akăn đe,

Êsêkiên 18:7

Ưh kơ pơjuă pơđep bu, pơdrâu tơmam kơ lu bơngai đêl iŏk hre, ưh kơ tơtông tơmam đe, ăn 'bĕng sa kơ lu bơngai pơngot, ăn ao hrŭk kơ lu bơngai koh hoh.

Mathiơ 25:35

Sơ̆ Inh pơngot, iĕm 'me Inh; sơ̆ Inh ol kơ đak, iĕm asong nhă; Inh bơngai tơmoi, iĕm sơng iŏk oei tơ hnam iĕm.

Mathiơ 25:36

Inh ưh kơ đei hơbĕn ao, iĕm tơgŭm; Inh jĭ jăn, iĕm ngôi hơpong; đe tah Inh tơ hnam phak, iĕm kư̆m năm ngôi.’

Luka 11:41

Iĕm athei asong ăn kơ lu bơngai dơnuh hin tơmam sa iĕm lăm pơnhan noh na 'Bok Kei-Dei kư̆m lăng tôm tơdrong iĕm rơgoh 'lơ̆ng ngăl.

Luka 14:13

Dah ih chă wơ̆n đe năm sŏng sa tơ hnam ih, lei ih athei wơ̆n lu bơngai dơnuh hin, lu bơngai jơ̆ng jo go kơdŭ, lu bơngai măt tol.