Êsêkiên 18:14 - Sơ̆p Hlabơar Nơ̆r 'Bok Kei-Dei

¹⁴ Mă-lei, tơdah bơngai mă yoch 'nâu sư đei kon drŏ-nglo dơ̆ng, kon sư 'bôh tôm tơdrong yoch 'bă sư hlôi pơm glăi, 'bôh noh sư ưh kơ pơm yoch thoi noh.

Êsêkiên 18:14 ပူးပေါင်းရင်းမြစ်များ

II Pot 22:1

Kơplah Jôsia tŏk pơm pơtao, sư 'nao tơhngam sơnăm; sư pơgơ̆r pêng-jĭt mônh sơnăm tơ lăm Pơlei Jêrusalem. Mĕ sư anăn Jêđiđa, kon drŏ-kăn Ađaya, đơ̆ng pơlei Bôskat.

II Pot 22:2

Sư pơm 'lơ̆ng 'bơ̆t anăp Kră Yang, năm kiơ̆ tôm tơdrong Đawit, 'bok kơdră sư sơ̆, sư ưh kơ weh gah 'ma dah gah 'ngiĕo ôh.

II Ho 34:21

“Năm krao apinh bĕ Kră Yang kơ inh kơ lu bơngai Isơrael oei arih hlot păng lu bơngai Juđa gah dôm nơ̆r mă đei chih lăm sơ̆p hla bơar mă 'nao 'bôh âu khan; kơ tơdrong Kră Yang hil mĭl mă truh tơ lu bơ̆n tih tơpă, yua kơ lu 'bok bơ̆n sơ̆ ưh kơ wă mơ̆ng păng ưh kơ chu kiơ̆ nơ̆r Kră Yang, kư̆m kuă kơ pơm kiơ̆ nơ̆r mă đei chih lăm sơ̆p hla bơar âu.”

Tơdrông Pơđơk 17:21

Bu đei kon kơhlôh kơwao gô ơh sơ'ngon; 'Bă mă đei kon kơtul ưh kơ đei chơt hiôk ôh.

Tơdrông Pơđơk 23:24

Hiôk tơpă 'bă bơngai tơpăt, Mă đei kon gơh hơgei gô đei chơt hiôk kơ sư.

Êsai 44:19

Ưh kơ đei bu gơh chă tơchĕng. Ưh kơ đei bu hlôh băt, wă pơma khan: “Inh tơkuh iŏk minh puăt bơih pơm 'long ŭnh inh 'buh 'bĕng kơpal ngar ŭnh, 'buh 'nhĕm păng inh sa bơih. Oei rơkah pă minh puăt inh hăm yua pơm tơmam krưp đe areh ưh? Inh hăm năm bon kơkuh kơ minh jăl 'long ưh?”

Je 44:17

Mă-lei lu nhôn gô pơm keh dôm nơ̆r lu nhôn pơkă boih, lu nhôn gô soh nhang 'bâu phu kơ Pơtao Drŏ-kăn kơpal Plĕnh păng tuh sik pơyơ̆r ăn kơ sư, thoi lu nhôn đei pơm boih, lu 'bok yă lu nhôn, lu pơtao nhôn, lu yŏng pơgơ̆r lu nhôn lăm lu pơlei lăm dêh char Juđa păng tơ rok trong lăm pơlei tih Jêrusalem; kơplah noh lu nhôn đei tơmam sa phĭ rơkah rơkai, jang sa hiôk-hian ưh kơ đei tơdrong kiơ truh.

Je 8:6

Inh pơgling đon păng oei mơ̆ng, mă-lei lu sư pơma ưh kơ tơpăt ôh. Ưh kơ đei bu tơbral tơdrong yoch sư, na khan: “Tơdrong kiơ inh đei pơm boih?” Rim 'nu yak kiơ̆ trong lu sư kơdih, thoi aseh hrơ̆t năm tơpăt tơ anăp wă tơblah.

Je 9:14

Mă-lei lu sư yak kiơ̆ jơhngơ̆m arăng lu sư kơdih, na kiơ̆ lu yang Baal, kiơ̆ thoi 'bok yă lu sư bơtho ăn boih kơ lu sư.”

Êsêkiên 18:10

Tơdah sư đei minh 'nu kon hơ'lơ̆p kơchu pơm tơdrong kơnê̆ đei pơlôch đe tuh pham pơm dôm tơdrong kơnê̆ hăm đe.

Êsêkiên 18:15

Ưh kơ sa 'nhĕm đe soi tơ kơpal kông, sư ưh kơ lăng tơ rup yang adrĕch Isơrael, ưh kơ pơm kơnê̆ hăm akăn đe,

Êsêkiên 18:28

Yua kơ sư 'bôh păng tơbral dôm tơdrong yoch kơnê̆ mă sư hlôi pơm, tơpă sư gô đei tơdrong arih păng ưh kơ đei lôch hiong.

Êsêkiên 20:18

Inh khan kơ lu kon sâu sư lăm char glă: “'Nĕ kơ kiơ̆ khôi juăt lu yă 'bok iĕm, 'nĕ wei răk nơ̆r lu sư tơtă păng kơdih iĕm 'nĕ kơ pơm kơnê̆ 'mê̆-'mach kơkuh kơ rup yang lu sư.

Hôsia 7:2

Mă-lei lu sư ưh kơ tơchĕng ôh kơ Inh oei 'blŏk kơ đĭ-đăng tơdrong kơnê̆ lu sư pơm. Tơdrong yoch lu sư pơm wang tăp dăr kơ lu sư, tơdrong lu sư pơm oei 'bơ̆t anăp Inh.

Hagai 1:5

Thoi noh dang ei Kră Yang Tih Hloh khan thoi âu: ‘Lăng bĕ trong iĕm năm.

Hagai 1:7

Kră Yang Tih Hloh khan: ‘Lu iĕm lăng lăng bĕ trong lu iĕm yak.

Hagai 2:18

Dang ei tơchĕng bĕ; đơ̆ng năr 'nâu tơ adrol ki, wă khan iŏk đơ̆ng năr 'bar-jĭt puăn khei tơsĭn đơ̆ng năr man pơjing hơnă hnam akŭm 'Bok Kei-Dei, tơchĕng bĕ kơ tơdrong noh;

Mathiơ 23:32

Iĕm wă pơm thoi lu sư noh pơm bĕ.

I Pet 1:18

Iĕm băt boih 'Bok Kei-Dei huai iŏk iĕm bơngai kư̆ kă, bơngai ưh kơ yua, iĕm juăt kơ pơm rok lu yă 'bok iĕm sơ̆. Mă-lei Sư ưh kơ huai iŏk iĕm hăm tơmam hiong răm thoi lĕ kơ hu maih ôh.