Êsêkiên 17:23 - Sơ̆p Hlabơar Nơ̆r 'Bok Kei-Dei

²³ Inh gô pơtăm 'long noh kơpal kông kơjung Isơrael; 'long noh bluh tơ'bla păng đei plei; jing 'long hơngo 'lơ̆ng đĭ-đăng. Lu sem gô pơm tơpu oei tơ noh, đĭ-đăng lu adrĕch đei pơnăr gô kôp tơ yơ̆p tơ'bla 'long noh.

Êsêkiên 17:23 ပူးပေါင်းရင်းမြစ်များ

Bl 49:10

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

Horiso 80:8

Đơ̆ng char Êyiptơ Ih rô̆ ba boih minh tơnơm hơmu; Ih pơpuh boih lu dêh char na pơtăm tơnơm hơmu noh,

Hơri Hiôk 5:15

Jơ̆ng sư thoi jrăng tơmo kok gĭt, Đe pơdơ̆ng kơpal hơnă maih. Đe lăng sư hơbŏ thoi kong char Liban, 'lơ̆ng hơiă thoi 'long Hơngo bri.

Êsai 2:2

Gô đei tơdrong truh lăm lu năr hơtuch kơnh: Kông hnam Kră Yang gô oei kơjăp tơ kơpal lu kơ̆l kông, kơjung hloh kơ đĭ-đăng lu groi. Păng rim kơ teh đak gô luh leng năm tơ noh.

Êsai 27:6

Lăm Chăl đơ̆ng âu tơ anăp kơnh đe Jakôp sư gô chăt rơh, Isơrael gô bluh tơ'biĕng păng pơkao, gô đei plei 'bĕnh jơ̆p kơ teh đak.

Êsai 49:18

Athei bơyar măt iĕm lăng jum dăr: Đĭ-đăng lu kon iĕm gô akŭm băl wă brŏk tơ iĕm! Kră Yang khan: Tơpă thoi Inh Tơ'ngla arih ling-lang ih lăng lu sư thoi lĕ tơmam đe pơguăng, thoi tơlei tơ̆n bơngai drŏ-kăn wă iŏk klo.

Je 31:12

Lu sư gô năm hơri hiôk chơt tơ anih kơjung kơpal kông Siôn; muh măt lu sư chơt hiôk đơ̆ng Kră Yang ăn pŭn hiôk rơkah rơkai: 'Ba mi, sik hơmu, đak rơmă ôliwơ, kon triu, bơbe, sem dơrong, Jơhngơ̆m lu sư thoi pơgar đak hngôm hơiuh, ưh pă đei sơ'ngon kơ kiơ dơ̆ng.

Êsêkiên 20:40

Kră Yang khan: Tơ kơpal kông rơgoh Inh, tơ kơpal kông Isơrael, tơ noh đĭ adrĕch Isơrael, đĭ-đăng kơ lu sư lăm dêh char gô awih awăn kơ Inh. Tơ noh Inh gô sơng iŏk lu sư; Inh gô iŏk tơmam pơyơ̆r păng tơmam pơyơ̆r plei blŭng-a, hăm tơmam soi 'lơ̆ng rơgoh lu sư.

Êsêkiên 31:6

Lu adrĕch sem păr tơ plĕnh pơm tơpu tơ tơ'bla sư; lu sem bri tuh tơ ala yơ̆p sư păng đĭ-đăng lu adrĕch adrung tih kon bơngai oei lăm yơ̆p sư.

Êsêkiên 36:8

Na gah ih, ơ kông Isơrael, ih gô bluh dơ̆ng lơ păng đei plei ăn kơ lu kon pơlei Isơrael inh; yua kơ lu sư wă wih brŏk.

Êsêkiên 40:2

Lăm tơdrong tơ'bôh đơ̆ng Kră Yang 'Bok Kei-Dei, Sư chông ba inh năm tơ char Isơrael păng dan inh 'bơ̆t kông kơjung, kơpal kông. Gah gơal kông noh 'bôh đei minh pôm pơlei.

Da 4:8

Đơ̆ng rŏng, đei Đaniel, đe anăn sư Beltơsatsar kiơ̆ kơ anăn yang inh, sư đei mơsêh đơ̆ng lu yang nai, thoi noh năm dơ̆ng 'bơ̆t anăp inh. Inh roi dôm tơdrong inh apo 'bôh noh thoi âu:

Da 4:9

Ơ Beltơsatsar, ih pơm yŏng đĭ kơ lu bơngai hơgei, inh băt đei yang 'lơ̆ng oei lăm ih păng ưh kơ đei tơdrong kiơ mă hlơp mă tơnat kơ ih, thoi ei boih na apinh ih tơblang ăn kơ inh tơdrong inh apo 'bôh păng tơblang kơ inh bĕ.

Hôsia 14:7

Lu sư gô wih ngôi ala yơ̆p Inh. Lu sư gô iung bluh dơ̆ng thoi tơnơm 'ba. Lu sư gô pơkao thoi pơkao 'long hơmu, păng đe ư-ang sư thoi đe ư-ang đak sik plei hơmu char Liban.

Hôsia 14:8

Ơ lu bơngai Êphraim, Inh wă pơm kiơ dơ̆ng hăm lu rup yang? Inh boih gô drơ̆ng tơdrong lu iĕm krao khan păng wei-lăng lu iĕm. Inh thoi minh tơnơm 'long hơngo hla iĕ hơdrih ling-lang đơ̆ng Inh boih mă lu iĕm đei plei.

Mi 4:1

Tơdrong truh lăm năr đơ̆ng rŏng kơnh, hnam Kră Yang gô pơjing pơdơ̆ng pơm hơtŏk tơ rim kơ̆l kông kơjung păng đe kư̆m gô tơiung sư rai dêh hloh kơ lu kông groi. Lu kon pơlei gô jur năm luh leng tơ noh;

Mathiơ 13:32

Mă-lei lăp đe rei boih sư chăt kơjung hloh kơ đĭ-đăng lu hla 'nhot nai. Sư chăt kơjung atŏ kơ 'long nai mơ̆n na sem gơh pơm tơpu tơ dơng sư.”

Markôs 4:32

Mă-lei lăp đe rei boih sư chăt kơjung hloh kơ đĭ-đăng hla 'nhot nai. Sư kư̆m đei dơng na sem kư̆m mah gơh kôp, gơh pơm tơpu tơ hla sư.”

Luka 13:19

Lu bơngai 'Bok Kei-Dei pơgơ̆r thoi lĕ găr sơ'bei iĕ ioch đe pơtăm tơ pơgar. Na lăp sư chăt boih, sư jing tih thoi lĕ minh tơnơm tơm 'long, na sem gơh pơm tơpu tơ dơng sư.”

Yo 12:24

Inh khan kơ iĕm tơpă, dah bơ̆n 'măn lê̆ adrĕch 'ba lăm kŭ ling-lang, sư ưh kơ chăt đei plei dơ̆ng ôh. Mă-lei dah bơ̆n rei sư tơ teh, bơ̆n lăng nhen lôch hiong, mă-lei găr lăm to sư gô chăt păng gô đei plei trem.

Galati 3:28

Kră Yang Yêsu Krist đih sơng glơng iŏk đĭ-đăng bơngai lui kơ Sư, ưh kơ đei achăng lê̆ bu bu ôh, mă khan bơngai Juđê, bơngai tơmoi nai, mă bơngai đĭch đe, mă bơngai rơngei, bơngai drŏ-nglo dah drŏ-kăn, đĭ-đăng kơ bơ̆n pôm đon dih băl păng pôm đon hăm Yêsu Krist.

Kôlôsê 3:11

Đĭ-đăng kơ bơ̆n dang minh khŭl bơngai đĕch; mă bơngai Grĕk, mă bơngai Juđê, mă bơngai kăt tơdra akar, mă bơngai ưh, mă bơngai tơmoi, mă bơngai pơlei kơtă, mă bơngai đĭch đe, mă bơngai rơngei, Yêsu Krist pơgơ̆r đĭ-đăng, hăm oei hơdai đĭ rim khŭl bơngai 'noh.

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”