Êsêkiên 17:21 - Sơ̆p Hlabơar Nơ̆r 'Bok Kei-Dei

²¹ Đĭ-đăng lu linh sư mă pran kơtang hloh gô lôch kơ đao, hơlă, mă lu bơngai oei arih gô tơklah tơklang jơ̆p kơ kial. Na ih gô băt kơ, Inh boih Kră Yang, đei khan thoi noh.

Êsêkiên 17:21 ပူးပေါင်းရင်းမြစ်များ

II Pot 25:11

Nêbusarađan, yŏng wei linh pơtao rôp kon pơlei mă oei oei lăm pơlei păng lu bơngai mă hlôi kŭp kơ̆l yơ̆r ti kơ pơtao Babilôn bơih, lu bơngai hơgei hai dơ̆ng, lu sư ba pơđĭ phak tơ dêh char sư.

II Pot 25:5

Mă-lei đei khŭl linh đe Kalđê druh 'moi 'bok pơtao, lu sư druh tam đei rôp pơtao tơ tơmăn glă pơlei Jêrikô; đĭ-đăng lu linh sư tơklah tơklang păng achăng lê̆ sư hơdrô̆.

Êsai 26:11

Ơ Kră Yang ti Ih yơ̆r bơih, mă-lei lu sư oei ưh kơ 'bôh, lê̆ lu sư 'bôh gô mơlâu năr Ih pơm tơ'bôh 'lơ̆ng ăn kơ kon pơlei Ih. Tơpă ŭnh mă 'măn kơ lu bơngai ayăt kơ Ih gô sa lu sư.

Je 48:44

Bơngai bu kơdâu hlôi đơ̆ng tơdrong kơnê̆ hli dêh gô huŏng lăm sơlŭng jrŭ. Bơngai bu tŏk hlôi đơ̆ng sơlŭng jrŭ gô 'leh hơđong, yua kơ Inh wă ăn tơdrong noh kơ char Môap, lăm sơnăm Inh phak lu sư.” Noh Kră Yang khan.

Je 52:8

Mă-lei lu linh bơngai Kalđê druh pơtao Sêđekia tam rôp sư tơ lăm tơmăn dơnă Jêrikô, na lu linh sư kơdâu tơklah tơklang achăng lê̆ pơtao hơdrô̆.

Êsêkiên 12:14

Lu bơngai oei jum dăr kơ sư păng lu linh sư, inh gô pơm kơ lu sư tơklah tơklang jơ̆p kơ puăn pah, păng Inh gô chĕp đao druh 'moi lu sư.

Êsêkiên 13:14

Inh gô pơrăm dur mă lu iĕm bah chŭr, dur gô hơlih păk tơ teh, jơ̆ng sư prưk tơ 'nguaih mưh dur păk hơlih, lu iĕm gô lôch răm hơdai lăm noh; na lu iĕm gô băt Inh boih Kră Yang Tih Hloh.

Êsêkiên 13:23

yua kơ tơdrong noh, lu iĕm gô ưh pă đei 'bôh tơdrong tơ'bôh hơlĕnh, păng ưh pă tơwir dơ̆ng. Inh gô pơklaih kon pơlei Inh rơngei đơ̆ng ti lu iĕm, na lu iĕm gô băt Inh boih Kră Yang.’ ”

Êsêkiên 15:7

Inh gô tơwih muh măt blah plơ̆ lu sư, mă khan lu sư klaih dơ̆ng ŭnh boih ră, ŭnh gô sa lu sư; na lu sư gô băt Inh boih Kră Yang.

Êsêkiên 5:10

Na lăm ih mĕ 'bă gô 'buh sa kon lu sư păng lu kon sư gô 'buh sa mĕ 'bă lu sư. Inh gô sek tơlang ih păng lu bơngai mă oei oei, Inh gô ăn kơ lu sư tơklah tơklang tơ jơ̆p-jang kơ teh.

Êsêkiên 5:12

Minh lăm pêng lăm lu khŭl ih gô lôch hơbuh păng gô lôch kơ pơngot rơwĕt minh lăm pêng gô pơ̆k lôch kơ đao hơlă tăp dăr kơ ih; mă minh lăm pêng dơ̆ng Inh gô pơm kơ lu sư tơklah tơklang tơ jơ̆p-jang kơ teh păng Inh gô toh đao druh 'moi lu sư.

Êsêkiên 5:13

Inh gô tuh tơdrong Inh hil păng Inh gô hil mĭl truh kơ lu sư, na tơdrong blĕk Inh hrăp; păng kơplah Inh pơm keh tơdrong hil kơ lu sư, lu sư gô băt Inh boih Kră Yang, hlôi khan kơ lu sư Inh gar. Lăm tơdrong inh hil mĭl kơ lu sư.

Êsêkiên 5:2

Lăm năr mă wang pơlei đĭ boih, ih soh minh lăm pêng sŏk noh lăm pơlei tih noh. Ih iŏk minh lăm pêng chơ̆ng hăm đao tơ tăp dăr kơ pơlei păng minh lăm pêng oei oei noh ih săi tơ kial yua kơ Inh gô iŏk đao gưm druh lu sư đơ̆ng rŏng.

Êsêkiên 6:10

Lu sư gô băt Inh boih Kră Yang păng nơ̆r Inh pơma ưh kơ đei hiong đĕch ôh, tơdrong mă Inh pơm truh kơ lu sư 'nâu.

Êsêkiên 6:7

Lu bơngai mă đe pơlôch lăm lu iĕm gô pơ̆k lôch păng lu iĕm gô băt Inh boih Kră Yang!

Am 9:1

Inh 'bôh Kră Yang dơ̆ng jê̆ chơnang soi păng khan thoi âu: Teh pơchah lê̆ bĕ lu jrăng tơm, wă kơ lu 'măng pơpơ̆, teh pơhĕch tơ kơpal kơ̆l lu kon pơlei! Lu đe bu mă oei arih lăm lu sư inh gô pơlôch păng đao gưm, ưh kơ đei bu gơh klĕnh, ưh kơ đei minh 'nu bu gơh kơdâu klĕnh klaih hlôi.