Êsêkiên 17:20 - Sơ̆p Hlabơar Nơ̆r 'Bok Kei-Dei

²⁰ Inh gô dăng hơnhuăl kơ sư, sư gô hrơ̆p 'bơ̆t hơnhuăl Inh; Inh gô chông lu sư tơ Babilôn, tơ noh Inh gô phak lu sư yua kơ tơdrong yoch mă sư ưh kơ chu kơ Inh.

Êsêkiên 17:20 ပူးပေါင်းရင်းမြစ်များ

II Sam 18:9

Lu đĭch đam Đawit tơ'bơ̆p Apsalôm sư hao aseh iĕ. Aseh iĕ mơ̆t lăm ala dơng 'long kôih tơ'bla prêu prao, kơ̆l Apsalôm đom lăm sơlam dơng 'long, păng sư đom hơtol tơ kơpal dơng kơjung, na aseh iĕ đêl sư hao oei nơnăm.

II Ho 33:11

Na Kră Yang ăn kơ lu yŏng linh, pơtao Asiri năm wang rôp Manase, chô̆ sư hăm tơlei glang păng tôt muh sư, na chông ba tơ dêh char Babilôn.

Jop 10:16

Tơdah inh pơang, Ih gô druh prah inh thoi dăm-brang, Ih gô pơm mơsêh hlĭch chrơp wă pơrăm inh.

Bôk Bơthô 9:12

Ưh kơ đei bu băt ôh layơ sư lôch thoi ka đom lăm hơnhuăl, thoi sem 'leh hơđong, kư̆m thoi noh mơ̆n, kon bơngai bơ̆n đom lăm năr tơdrong truh, 'bôh 'băi truh hloi ưh kơ tam băt.

Je 2:35

‘Lu iĕm oei khan nhôn ưh kơ đei yoch, Kră Yang huay hil kơ nhôn. 'Nâu yua kơ iĕm khan nhôn ưh kơ đei yoch kiơ.’ Inh gô sek tơlang kơ iĕm.

Je 2:9

Kră Yang khan: “Thoi noh na Inh jô̆ lu iĕm yoch păng truh tơ sâu se lu iĕm mơ̆n.

Je 34:21

Sêđekia pơtao đe Juđa păng kră pơgơ̆r sư Inh gô jao ăn tơ lăm ti lu bơngai ayăt kơ sư lu bơngai 'maih wă pơlôch lu sư, lăm ti lu linh pơtao Babilôn 'nao weh đơ̆ng lu iĕm.”

Je 37:17

Pơtao Sêđekia wơh đe năm krao Jêrêmi ba tơ hnam pơtao, sư jet Jêrêmi hơdrô̆ lăm hnam sư: “Kră Yang hăm đei khan kiơ?” Jêrêmi tơl: “Đei mơ̆n, đe gô jao ih tơ lăm ti pơtao Babilôn.”

Je 50:44

'Nâu, thoi dăm-brang lĕch dơng bri kơdrơ̆ng đak Krong Jôrđăn, drong blah anih tơmăn 'nhĕt 'lơ̆ng. Pă 'biơ̆, Inh gô puh lu bơngai Kalđê lĕch đơ̆ng dêh char. Ưh kơ tam băt Inh gô pôk bơngai pơm yŏng pơgơ̆r lu sư kiơ̆ thoi Inh lăp đon. Hăm đei bu thoi Inh, bu kĕ blah Inh? Bơngai wei triu ayơ pơ̆n blah Inh?

Nhom 1:13

Sư đei tơjur boih ŭnh đơ̆ng kơpal, mơ̆t lăm tơring inh na kĕ jei. Sư đei dăng boih hơnhuăl ala jơ̆ng inh, pơm kơ inh kơdŭn tơ rŏng. Sư đei pơm boih kơ inh rơdu rơmơ̆n, rim năr rai hiong hiach.

Nhom 4:20

Hơyuh kial dui jơhngơ̆m bơ̆n đơ̆ng muh bơ̆n, wă lu bơngai mă đei tuh đak rơmă đơ̆ng Kră Yang, thoi noh đĭ 'leh hơđong boih. Gah sư, lu bơ̆n ngăl khan lu bơ̆n kơ'nơp ala yơ̆p Sư na arih hơdai lăm lu dêh char.

Êsêkiên 12:13

Inh gô dăng hơnhuăl kơ sư, sư gô 'leh hơđong Inh, păng Inh gô chông ba sư tơ Babilôn, teh đak Kalđê. Mă-lei sư ưh kơ 'bôh teh đak noh ôh, sư gô lôch tơ noh.

Êsêkiên 15:8

Inh gô ăn kơ char âu jing juơ rơhiăng, yua kơ lu sư pơm yoch ưh kơ wă chu, Kră Yang Tih Hloh khan thoi noh.”

Êsêkiên 17:19

Na Kră Yang Tih Hloh khan: Tơpă thoi Inh mă arih ling-lang, Inh gô tuh tơ kơpal kơ̆l lu sư nơ̆r pơkă hơlĕnh pơrăm lê̆ tơdrong pơgơ̆p Inh.

Êsêkiên 18:24

Mă-lei tơdah bơngai tơpăt hŭt lê̆ tơdrong tơpăt sư, na sư pơm yoch kơnê̆ krưp thoi lu bơngai kơnê̆ đei pơm, Sư hăm arih ưh? Dôm tơdrong tơpăt ayơ mă sư pơm boih Inh ưh pă 'blŏk dơ̆ng, sư gô lôch yua kơ tơdrong yoch kơnê̆ mă sư đei pơm.

Êsêkiên 32:3

Kră Yang khan thoi âu: Inh gô dăng hơnhuăl tơ ih, kơplah đei lu kon pơlei akŭm; lu sư gô dui ih tơ lăm hơnhuăl Inh.

Êsêkiên 38:22

Inh gô phak lu sư hăm tơdrong jĭ hơpoh hăm đao hơlă 'bet pơlôch pham lĕch, Inh gô ăn 'mi hơbŭt, 'mi prĕl, ŭnh păng tơmo ngŭr tuh tơ lu sư, tơ lu kon pơlei kiơ̆ sư hăm lu linh sư.

Hôsia 2:2

Chrih bĕ kơ mĕ lu iĕm, chrih bĕ yua kơ sư noh ưh kơ sĭ akăn Inh, Inh kư̆m ưh kơ sĭ kơ klo sư! Sư athei hŭt lê̆ mă ataih tơdrong pơm pơyô kư̆ kă đơ̆ng sư tơdrong kơđang kơ̆l hơko đơ̆ng alam toh sư;

Hôsia 7:12

Kơplah lu sư năm tơ noh Inh gô dăng kơ lu sư hơnhuăl, Inh gô pơm kơ lu sư hrơ̆p hơnhuăl thoi lu sem păr; Inh gô phak lu sư kiơ̆ thoi khŭl lu mă đei kơtơ̆ng lu sư pơm kơnê̆.

Mi 6:2

Ơ lu kông păng lu hơnă teh kơjăp ling-lang, mơ̆ng bĕ nơ̆r đơ̆ng Kră Yang pơma hil! Yua kơ Kră Yang pơma chrih dơ̆ng kơ kon pơlei Sư păng Sư gô pơma hil dơ̆ng kơ kon pơlei Sư.