Êsêkiên 17:19 - Sơ̆p Hlabơar Nơ̆r 'Bok Kei-Dei

¹⁹ Na Kră Yang Tih Hloh khan: Tơpă thoi Inh mă arih ling-lang, Inh gô tuh tơ kơpal kơ̆l lu sư nơ̆r pơkă hơlĕnh pơrăm lê̆ tơdrong pơgơ̆p Inh.

Êsêkiên 17:19 ပူးပေါင်းရင်းမြစ်များ

I Pot 2:32

Kră Yang gô pơm tơwih kơ Jôap đêl sư pơlôch tuh pham tuh plơ̆ tơ kơ̆l sư dơ̆ng, mă-lei Đawit 'bă inh, ưh kơ băt sư pơlôch 'bar 'nu bơngai 'lơ̆ng tơpăt hloh kơ sư, hăm đao gưm noh bre Apner kon drŏ-nglo Nêr, yŏng linh bơngai Isơrael păng Amasa kon drŏ-nglo Jêther, yŏng linh bơngai Juđa.

I Pot 2:33

Thoi noh pham bre noh gô tuh tơ kơpal kơ̆l Jôap păng tơ kơpal kơ̆l adrĕch adrung sư ling-lang; mă-lei Đawit păng adrĕch adrung sư, hnam dơnŏ, tang-dŏ pơtao sư Kră Yang gô ăn đei tơdrong hiôk-hian ling-lang.”

Je 27:8

“Tơdah khŭl bơngai ayơ, dêh char ayơ ưh kơ chu bơ̆jang kơ Nebukatnessar, pơtao Babilôn păng ưh kơ wă 'băk 'long ăt pơtao Babilôn tơ ako sư,” Kră Yang 'Bok Kei-Dei khan: “Na Inh gô yua đao gưm, pơngot rơwĕt, jĭ hơbuh, pơmat bơngai noh dĭng mă Inh ăn dêh char noh lăm ti pơtao Nebukatnessar pơrăm.

Je 37:17

Pơtao Sêđekia wơh đe năm krao Jêrêmi ba tơ hnam pơtao, sư jet Jêrêmi hơdrô̆ lăm hnam sư: “Kră Yang hăm đei khan kiơ?” Jêrêmi tơl: “Đei mơ̆n, đe gô jao ih tơ lăm ti pơtao Babilôn.”

Je 5:2

Mă lu sư khan: Tơpă thoi Kră Yang arih sĭt.” Noh kư̆m pơkă hơlĕnh.

Je 5:9

Kră Yang khan: “Lei na Inh ưh kơ hil kơ lu sư yua kơ tơdrong noh hă? Hăm adrĕch adrung thoi noh na Inh wă ưh kơ pơm tơdrong tơpăt hă?

Êsêkiên 16:43

Yua kơ ih ưh kơ 'blŏk kơplah ih oei 'lơ̆p sơ̆, na mă pơgreh Inh tôm tơdrong, thoi noh na Inh gô tuh pơdrâu tơ kơpal kơ̆l ih, Kră Yang Tih Hloh khan thoi noh; hăm trŏ kơ ih pơm pơyô kư̆ kă hăm thim đơ̆ng tơdrong kơnê̆ krưp mă Inh areh?

Êsêkiên 16:59

'Nâu Kră Yang Tih Hloh khan thoi âu: Inh gô pơm kơ ih kiơ̆ thoi tơdrong ih đei pơm, yua kơ ih tŭk lê̆ nơ̆r pơkă hăm hŭt lê̆ tơdrong pơgơ̆p Inh,

Êsêkiên 17:18

Ih hŭt lê̆ nơ̆r pơkă, pơrăm lê̆ tơdrong pơgơ̆p âu, ih đei pơm dôm tơdrong 'nâu lei na sư ưh kơ gơh klaih.

Êsêkiên 17:20

Inh gô dăng hơnhuăl kơ sư, sư gô hrơ̆p 'bơ̆t hơnhuăl Inh; Inh gô chông lu sư tơ Babilôn, tơ noh Inh gô phak lu sư yua kơ tơdrong yoch mă sư ưh kơ chu kơ Inh.

Êsêkiên 9:10

Gah Inh, măt Inh lăng kư̆m pă mơnat păng Inh kư̆m pă đei lê̆ lu sư oei arih; Inh gô tuh tơ kơ̆l lu sư dôm tơdrong mă lu sư đei pơm.”

Both 5:11

Lu iĕm 'nĕ kơ yua anăn Kră Yang 'Bok Kei-Dei lu iĕm na pơma kư̆ kă; yua kơ Kră Yang gô phak tơpă dôm lu bơngai bu wă yua anăn Sư na pơma kư̆ kă.