Êsêkiên 16:7 - Sơ̆p Hlabơar Nơ̆r 'Bok Kei-Dei

⁷ Inh ăn kơ ih wơ̆ tih thoi 'long lăm mir, wơ̆ tih kơjung. Truh ih iung adruh wơ̆ 'lŏ, sŏk ih bluh kơjung, kơtơh ih rai tih mă-lei ih oei hang-hông koh hoh.

Êsêkiên 16:7 ပူးပေါင်းရင်းမြစ်များ

Bl 22:17

Gô tuh ăn pŭn hiôk kơ ih, thim ăn kơ ih đei adrĕch adrung lơ thoi sơnglŏng tơ plĕnh ti, kư̆m thoi chuơh đak dơsĭ păng adrĕch adrung noh blah iŏk kơđông lu ayăt.

Jop 1:21

Păng khan: “Mĕ inh tơpŭ kơ inh sơ̆ akâu hoh, păng inh brŏk tơ teh kư̆m gô akâu hoh mơ̆n; Kră Yang asong ăn, Kră Yang pơdrâu iŏk dơ̆ng; trŏ bơnê kơ anăn Kră Yang!”

Horiso 135:4

Yua kơ Kră Yang rơih boih Jakôp kơ Sư, păng rơih Isơrael jing tơmam Sư kơdih.

Horiso 147:20

Sư ưh kơ đei pơm thoi noh ôh kơ adrĕch adrung nai; Lu sư ưh kơ băt hlôh ôh nơ̆r tơtă đơ̆ng Kră Yang. Halêluya!

Horiso 148:14

Sư đei hơtŏk boih jơhngơ̆m pran lu kon pơlei Sư thoi hơke sem bri Noh jơ̆ tơdrong hơri ư-ang đơ̆ng lu bơngai 'lơ̆ng rơgoh Sư, noh lu bơngai Isơrael. Kon pơlei pơla mă oei jê̆ Sư. Halêluya!

Le 1:7

Mă-lei kon sâu Isơrael pơjing rai lơ, rai kơdrâ̆m hlĭch chrơp tơpă, rai đunh jing mơdrŏng pran kơtang, oei 'bĕnh-'bang jơ̆p-jang kơ dêh 'noh.

Le 12:37

Kon pơlei Isơrael năm đơ̆ng pơlei Ramse truh tơ pơlei Sukôt, ưh kơ đei jô̆ lu bơngai drŏ-kăn păng lu hơ'lơ̆p, đĭ-đăng đei tơdrâu-hrĕng rơbâu 'nu bơngai drŏ-nglo.

Le 3:22

rim 'nu bơngai drŏ-kăn Isơrael gô apinh đơ̆ng bơngai drŏ-kăn Êyiptơ rông 'bôt sư, hăm lu bơngai tơmoi oei hơdai lăm hnam dơnŏ, dôm tơmam thoi maih, hu, truh tơ hơbĕn ao, iŏk pơhrŭk ăn kơ kon drŏ-nglo, drŏ-kăn lu iĕm kơdih. Lu iĕm gô plôh iŏk pơđĭ đơ̆ng akâu kon pơlei Êyiptơ thoi noh.

Hơri Hiôk 4:5

'Bar pah toh ih hmŭng hmăng Thoi kon kơtŏng kơmar. Oei chă sa 'nhĕt tŏk-bŏk pơkao kok jơk.

Hơri Hiôk 8:10

Inh thoi dur pơlei, 'bar pah toh inh thoi bơbŭng hnam thôt; Inh oei 'bơ̆t anăp sư thoi bơngai mă đei hiôk-hian.

Hơri Hiôk 8:8

Nhôn đei oh adruh, oei 'lơ̆p toh sư tim mă klăn; Nhôn wă tơgŭm oh noh liơ, Lăm năr đe wă apinh oei kơ sư?

Êsai 61:10

Inh gô hiôk chơt dêh lăm Kră Yang. Jơhngơ̆m inh hiôk 'nă hal lăm Kră Yang 'Bok Kei-Dei inh yua kơ sư pơhrŭk ăn kơ inh ao dŏng pơklaih; tơsu ăn kơ inh ao tai 'lơ̆ng tơpăt nhen thoi lĕ tơdăm iŏk akăn yơ̆l môk wăn kơ̆l sư nhen thoi adruh iŏk klo pơguăng akâu sư hăm tơmam kăp jên.

Êsai 62:3

Ih jing môk pơtao 'lơ̆ng rŏ lăm tơpang ti Kră Yang, pơm môk pơtao lăm tơpang ti Kră Yang 'Bok Kei-Dei ih.

Êsêkiên 16:16

Ih iŏk ao tai wă pơrŏ pơm anih kơjung kơdih wă kơkuh pơyom, pơm pơyô kư̆ kă tơ noh. Tơdrong noh ưh kơ đei layơ trŏ lăp, ưh kơ layơ wă đei.

Êsêkiên 16:22

Lăm dôm tơdrong kơnê̆ krưp, tơdrong pơm pơyô kư̆ kă, ih ưh kơ 'blŏk ôh kơplah năr oei nge, oei koh hoh, pơpơ̆ lăm pham kơdih.

Êsêkiên 16:6

Inh năm rok noh 'bôh ih pơpơ̆ lăm pham ih; Inh khan kơ ih mă oei lăm pham, “Arih bĕ!” Tơpă Inh khan kơ ih “mă oei lăm pham, “Arih bĕ.”

Hôsia 2:3

Tơdah ưh, kơnh Inh gô plôh lê̆ hơbĕn ao đơ̆ng sư lê̆ sư akâu hoh, thoi đe 'nao hơiơch kơ sư sơ̆; păng Inh pơm kơ sư thoi teh kro tơ char glă, pơm kơ sư lôch kơ rơhing.

Jang 7:17

“Hơdrol sơ̆ 'Bok Kei-Dei pơkă wă ăn kơ Abraham păng lu kon sâu sư oei tơ dêh bơ̆n âu. Na năr 'Bok Kei-Dei pơkă ei wă jê̆ truh boih, na lu bơngai Isơrael sơ̆ mă oei tơ dêh char Êyiptơ rai lơ tơpă,

Both 1:10

Kră Yang 'Bok Kei-Dei lu iĕm ăn kơ iĕm bơngai rai lơ, năr 'nâu lu iĕm lơ thoi sơnglŏng kơpal plĕnh.

Both 1:11

Apinh Kră Yang 'Bok Kei-Dei 'bok lu iĕm pơm kơ lu iĕm chek lar rai lơ rơbâu hơtăl păng ăn pŭn hiôk, kiơ̆ kơ Sư đei khan pơkă boih kơ lu iĕm.

Both 4:8

Hăm đei ưh adrĕch adrung tih ayơ đei lu nơ̆r tơtă păng khôi juăt 'lơ̆ng tơpăt thoi khôi juăt đĭ tơdrong juăt âu, mă inh pơdah 'bơ̆t anăp lu iĕm âu?