Êsêkiên 16:61 - Sơ̆p Hlabơar Nơ̆r 'Bok Kei-Dei

⁶¹ Kơplah ih sơng iŏk lu mŏ oh ih, ih gô 'blŏk kơ trong gơlong ih năm păng ih gô mơlâu; Inh gô ăn lu sư jing lu kon drŏ-kăn ih, mă khan lu sư ưh kơ đei lăm tơdrong pơgơ̆p Inh hăm ih.

Êsêkiên 16:61 ပူးပေါင်းရင်းမြစ်များ

Esther 9:27

thoi noh na bơngai Juđa iŏk răk năr kơ lu sư kơdih păng răk kơ lu kon sâu sư păng ăn kơ lu bơngai mơ̆t khŭl sư, wă kơ rim sơnăm wei răk 'bar năr âu kiơ̆ kơ hla bơar đei chih boih, ưh kơ gơh bu hiơt.

Horiso 119:59

Inh tơchĕng kơ trong inh, inh gơwĕch jơ̆ng inh gah tơdrong juăt Ih.

Êsai 60:4

Ngơk bĕ muh măt ih păng lăng. Đĭ-đăng lu sư akŭm băl wă năm tơkan tơ ih. Lu kon drŏ-nglo ih gô tơkan đơ̆ng ataih; lu kon drŏ-kăn ih đe gô kơ'mĭn glơng tơ ti.

Êsêkiên 16:63

Na ih gô 'blŏk păng mơlâu kơplah Inh đei mơnat ăn tôm tơdrong mă ih đei pơm, ih pă gơh ha 'bơ̆r pơma dơ̆ng yua kơ mơlâu, Kră Yang tih hloh khan thoi noh.”

Êsêkiên 20:43

Tơ noh lu iĕm gô 'blŏk trong iĕm đêl yak bơih păng dôm tơdrong iĕm pơm pơ'mê̆ kơdih akâu; lu iĕm gô lăng krưp kơdih akâu, yua kơ dôm tơdrong kơnê̆ iĕm đei pơm.

Êsêkiên 36:22

Thoi noh khan bĕ kơ adrĕch Isơrael: “Kră Yang khan thoi âu: Ơ adrĕch Isơrael, noh ưh kơ sĭ yua kơ lu iĕm mă Inh wă pơm noh, mă-lei yua kơ anăn 'lơ̆ng rơgoh Inh mă lu iĕm hlôi pơm pơ'mê̆ bơih tơ lăm lu dêh char mă lu iĕm năm truh.

Êsêkiên 43:10

Gah ih, ơ kon bơngai athei roi tơ'bôh kơ adrĕch Isơrael băt kơ hnam akŭm âu, wă kơ lu sư mơlâu kơ tơdrong yoch mă lu sư đei pơm, wă kơ lu sư pơtŏ lăng kiơ̆ kơ tơdrong 'nâu.

Êsêkiên 44:13

Lu sư ưh kơ gơh năm jê̆ Inh wă pơm 'bok soi 'bơ̆t anăp Inh, lu sư kư̆m ưh kơ gơh năm jê̆ tơmam 'lơ̆ng rơgoh, kư̆m ưh kơ gơh năm jê̆ tơmam mă 'lơ̆ng rơgoh hloh. Mă-lei lu sư gô pŭ tơdrong mơlâu păng lu tơdrong kơnê̆ 'mê̆ krưp mă lu sư hlôi pơm yoch.

Êsêkiên 6:9

Lu bơngai lăm lu sư mă đei klaih noh oei tơ lăm teh đak mă lu sư oei, đe rôp pơm bơnă. Lu sư 'blŏk kơ jơhngơ̆m Inh đei pơchah, chhŭr nuih bơih, yua kơ tơdrong lu sư, pơm kư̆ kă weh đơ̆ng Inh păng măt lu sư pơm pơyô kư̆ kă kiơ̆ kơ lu yang kơnê̆. Kơplah noh lu sư kơdih gô lăng krưp areh kơ tơdrong kơnê̆, yua kơ tôm tơdrong kơnê̆ lu sư đei pơm krưp tơpă.

Yo 15:16

Ưh kơ sĭ iĕm krao Inh tơbôl păng iĕm ôh sơ̆, Inh krao iĕm wă kơ iĕm bôl păng Inh păng Inh wơh iĕm, wă kơ iĕm năm chă bơtho đe wă kơ đei plei păng wă kơ plei noh huay kơ ôm. Dah iĕm apinh 'Bă Inh tơdrong kiơ yua kơ iĕm tơbôl păng Inh, tơdrong noh Sư gô ăn kơ iĕm tơpă.

Rom 11:11

Lu bơngai Isơrael mă khan bơngai yoch dang noh, 'Bok Kei-Dei ưh kơ achăng lê̆ lu sư hlŏng hloi ôh. Yua kơ lu bơngai Isơrael yoch, na 'Bok Kei-Dei pơklaih lu bơngai nai hơdrol, wă kơ lu bơngai Isơrael 'nhĕng na lui kiơ̆ thoi lu bơngai nai noh.

Rom 15:16

Sư wơh inh jang tơdrong Yêsu, bơtho tơdrong 'nao 'lơ̆ng 'Bok Kei-Dei kơ đĭ-đăng lu khŭl tơmoi mă ưh kơ khŭl Juđê, wă kơ lu bơngai noh jing bơngai 'nao 'lơ̆ng tơpăt hăm 'Bok Kei-Dei. 'Noh wă khan dang inh pơyơ̆r lu sư kơ 'Bok Kei-Dei, na 'Bok Kei-Dei sơng iŏk lu sư, yua kơ Yang Bơhngol 'Lơ̆ng ăn kơ lu sư jing bơngai 'nao rơgoh 'lơ̆ng boih.

Êphêsô 3:6

Tơdrong 'noh lĕch đơ̆ng tơdrong 'nao 'lơ̆ng Yêsu Krist, na lu iĕm bơngai khŭl nai dang ei kư̆m hơdai đei tơdrong hiôk jơnap noh. Tơdrong hiôk jơnap noh sơ̆ Sư khan wă ăn kơ lu bơngai Juđê nhôn mă dang ei đei truh tơ iĕm boih; bơ̆n dang 'nhŏng oh minh sĕch minh akar. Iĕm klaih đơ̆ng tơdrong yoch oei hiôk jơnap hăm 'Bok Kei-Dei kư̆m thoi 'Bok Kei-Dei ăn kơ lu nhôn mơ̆n.

Hêbrơ 7:12

Tơ̆ng 'Bok Kei-Dei tơplih pôk 'bok soi 'nao, lei tơdrong juăt Sư pơkă sơ̆ Sư kư̆m athei tơplih.

Hêbrơ 8:13

'Bok Kei-Dei pơma dơ̆ng gah tơdrong pơgơ̆p 'nao, Sư jô̆ kơ tơdrong pơgơ̆p hơdrol sơ̆ thoi lĕ kơ so boih. Tơdrong kiơ so, tơdrong noh wă jê̆ hiong tôch boih.