Êsêkiên 16:54 - Sơ̆p Hlabơar Nơ̆r 'Bok Kei-Dei

⁵⁴ Wă kơ ih pŭ iŏk tơdrong kơdơ̆ mơlâu tôm tơdrong ih hlôi pơm kơnê̆; na pơm thoi noh, ih gô pơlung lu sư ăn đe lăng mŏ oh ih nhen thoi lu sư ưh kơ yoch tih tŏ ih, bơngai tơpăt hloh kơ ih.

Êsêkiên 16:54 ပူးပေါင်းရင်းမြစ်များ

Je 2:26

Kŭm thoi lu bơngai tơtông mưh đe rôp, mơlâu pă kĕ, na adrĕch Isơrael; mă pơtao mă yŏng pơgơ̆r, mă lu 'bok soi, mă lu bơngai khan lê̆ adrol kư̆m gô mơlâu thoi noh.

Êsêkiên 16:52

Ih jing pŭ iŏk tơdrong mơlâu yua kơ ih pơm kơ đe mŏ oh ih nhen thoi lu sư tơpăt, yua kơ tơdrong yoch ih pơm kơnê̆ hloh kơ lu sư, đe lăng lu sư tơpăt hloh kơ ih. Thoi noh ih pŭ iŏk bĕ tơdrong mơlâu, yua kơ ih pơm kơ đe mŏ oh ih nhen thoi lu sư jing tơpăt hloh kơ ih.

Êsêkiên 16:53

Inh gô ba brŏk Sôđôm hăm lu kon drŏ-kăn sư, păng Samari hăm lu kon drŏ-kăn sư ăn rơngei dơ̆ng păng ih hăm lu sư wih brŏk ăn rơngei.

Êsêkiên 16:55

Mŏ oh ih, Sôđôm hăm lu kon drŏ-kăn sư gô wih hơlơ̆k thoi adrol sơ̆; Samari hăm kon drŏ-kăn sư kư̆m gô wih thoi adrol sơ̆. Ih păng lu kon drŏ-kăn ih kư̆m gô wih hơlơ̆k thoi adrol sơ̆.

Êsêkiên 16:63

Na ih gô 'blŏk păng mơlâu kơplah Inh đei mơnat ăn tôm tơdrong mă ih đei pơm, ih pă gơh ha 'bơ̆r pơma dơ̆ng yua kơ mơlâu, Kră Yang tih hloh khan thoi noh.”

Êsêkiên 32:24

Elam hăm đĭ-đăng lu sư oei tơ noh, bơsat lu sư tăp dăr; đĭ-đăng lu sư pơ̆k lôch đe pơlôch hăm đao. Lu sư bơngai ưh kơ chu kăt tơdra akar jur lăm bơsat; lu sư bơngai mă hlôi pơm kơ lu char bơngai arih hli tơrơ. Lu sư pŭ iŏk mơlâu hơdai hăm lu bơngai jur lăm sơlŭng jrŭ.

Êsêkiên 5:7

Lei na, Kră Yang Tih Hloh khan: Ih pơm kơnê̆ hloh kơ lu dêh char jum dăr kơ ih, ưh kơ pơm kiơ̆ nơ̆r Inh tơtă, ưh kơ wei khôi juăt Inh. Ih kư̆m ưh kơ kĕ pơm kiơ̆ tơdrong juăt lu dêh char jum dăr kơ ih,